諾亞半熟蛋糕專門店 (已結業)

今晚去朋友屋企攞手信，無理由空手空腳去架，於是就諗到不如買個蛋糕去送比佢食啦。上次我自己試過伯爵紅茶半熟蛋糕，覺得好好食又唔甜，又知道伯有鍾意飲茶，一定岩晒佢口味。收工去左九龍城嘅諾亞買左個伯爵茶比伯有，而自己見到有啲卷蛋睇落幾吸引，於是買左個京都抹茶溶心鮮乳卷比自己。其實我自己都有超過10年無食過卷蛋，因為細個阿媽買返嚟黃色果啲卷蛋，超難食，蛋糕又硬，忌廉又肥膩，我已經心生恐懼。但今次見到原來卷蛋都有咁多顏色咁吸引架喎，作為一個為食家，點可以局限自己呢，於是就比個機會自己試下啦。盒身有建議食用方法，唔駛店員每個客逐個講，講完都怕自己唔記得，有寫住就最好啦。食完飯無耐都未有時間攞定出嚟解凍，阿妹就話想食個卷蛋。表面睇落軟棉棉好似條毛巾咁。切落唔怕因過軟而切到爛晒，用把刀仔輕輕咁界下就得啦，睇下我切得都幾靚呀但可能我地太心急食，無攞定出嚟解凍，所以未見溶心。呢個京都抹茶溶心鮮乳卷，蛋卷面軟硬適中，淡淡嘅抹茶清香，裡面好多忌廉兼有抹茶心，雖然見到咁多忌廉，但忌廉好柔軟幼滑、輕盈唔膩、食落又怕甜，食完個卷都無油膩脹肚嘅感覺。唔鍾意食甜嘢嘅人都可以試下，如能帶出點點苦澀抹茶味、苦中帶甜會更好，

平時工作太辛苦，我通常都會買點甜的幫自己打打氣。星期五收工拖著疲倦的身軀打算回家，行行下突然被忌廉哥貓貓的樣子吸引，望一望招牌，原來係一間賣半熟蛋糕店，之前都有在其他地方見到佢，但未有機會試到。在櫥窗擺放了不同口味的溶心芝士蛋糕，朱古力，草莓，芒果等等，有啲已經賣晒。心諗應該唔錯但份量好似太大，但店員好禮貌咁介紹如果怕人少可以試下溶心卷蛋，是店中最新的出品，特製配方令卷蛋更香滑。卷蛋有三個口味，綠茶，芒果同草莓。綠茶控的我當然買了綠茶口味，店員仲好細心提醒食前响溫室擺10分，溶心效果更好。個包裝都用貓貓頭設計，可愛到唔捨得整開，送禮一啲都唔失禮。返到屋企食完飯就急不及待食呢個蛋糕la! 蛋糕卷得好好又好靚，長16cm 左右。好容易就可以好完整切開一片片。一切開高見到卷蛋中心有綠荼溶心，好似琉璃咁，未食已經好開心。食一個蛋糕面，係有質感的那種蛋糕，一樣好鬆軟但唔係一陣風就無嗰種！好香綠茶味！好！卷蛋的忌廉分為兩邊，一邊係白色原味，一邊係綠茶味。先嚐白色忌廉，係好輕好柔好滑，係高質嘅忌廉，一啲都唔漏。而綠茶嗰邊就似慕絲，好強綠茶味帶茶甘，最正當然係最中間嘅溶心，有兩者混合嘅perfect