首爾家韓國料理

營業中

休息中

上次同M佬嚟銅鑼灣食首爾家，主打韓燒，肉嫩汁香，但M佬話韓燒試唔到餐廳廚師嘅真章，所以今次我哋嚟就食韓式地道料埋，睇吓又啱唔啱我哋口胃先。叫完嘢食，即刻為你送上6碟泡菜，醒醒胃！紫菜牛肉包飯包飯最怕就係紫菜變淋，好彩呢度嘅keep到香脆，而飯包住牛肉、紅蘿蔔、黃蘿蔔、雞蛋、青瓜同芝麻，麻油味香，但又唔油膩，唔錯。人蔘雞湯趁天氣凍，食番個人蔘雞補補先！湯底清香，完全無味精感，重口味人仕就唔啱喇！雞肉煲到好綿，而雞入面嘅糯米就入晒味，正！越飲覺得蔘味越香濃，原來餐廳落足料，有成2條人蔘，飲完之後，這個冬天不太冷。炆牛肋骨牛肋骨炆到好軟嫩又多汁，非常入味。而驚喜在於白蘿蔔，M佬話好香甜呀（不過，我就無食，因為人蔘同蘿蔔費事搶埋一齊啦）！年糕餃子拉麵辣年糕湯底配上餃子，同上次一樣，餃子皮薄多汁，而年糕煙韌入味，唔錯。

好姐妹話好耐無两個一齊行街shopping兼食飯傾計，所以約左今晚一齊買一齊食😁姐妹特別喜歡食韓國野，我梗系吾反對啦，佢話聽同事講過呢間餐廳既炆牛肋骨超掂，所以想試下，於是就揀左呢間餐廳😊我地好早就來到，服務員帶我地埋位後好快就送上熱茶同呢6小碟前菜，味道都吾錯😋特別系薯仔好軟綿帶微甜幾好味碟綠色菜都好爽口人蔘雞湯服務員端上來時仲滾緊架，啱曬我呢d喜歡飲熱湯既人😆個湯清清地，飲落有蔘味，雞都有半隻好足料，雞肉好嫩滑，最驚喜既系，連雞骨都超腍，一口咬下件雞時竟然連骨都可以食埋😳🤣炆牛肋骨❤️呢個真系好好味😋果然無介紹錯，姐妹都讚口不絕👍🏻牛肋骨d肉都吾少，而且好軟腍又入味帶少少肥😍個汁好香濃，如果吾系見已經叫左個麵，真系想叫碗白飯配果d汁😆仲有蘿蔔都炆得超入味吸曬d精華炒辣芝士年糕拉麵個麵底幾有彈性，吾會淋曬，醬汁惹味得來帶d甜過後就有d辣，幾過癮😆我比較食得辣覺得啱好，但姐妹就覺得辣左d，所以大半碟都系我食😆總括而言質素幾好，價錢都合理，難怪開在無甘當眼的地方都甘多人客，事關我地食到7點多D時已見餐廳接近滿座，而且是晚仲係星期一晚。我地兩個都食得好飽好滿足😆餐牌

韓國野真係食極都唔厭！今日同朋友約左係銅鑼灣食飯，最黎又係揀左食韓國野。食韓國野我都冇話特別去實某一間，因為我鍾意周圍試，今日我地就搵左係隆堡柏寧頓酒店既韓國餐廳，呢到雖然唔算超級大，但環境都唔錯，感覺走High Class 格調，另外呢到所有員工都真係不折不扣既韓國人，當然有兩個啊豬媽係識講廣東話既，所以都放心同埋都對呢間有期望。 紫菜蔬菜包飯 $68先黎係8碟小菜同埋紫菜蔬菜包飯，無錯，跟足傳統8碟唔同既小菜齊晒，當中我最愛食既泡菜都醃得唔錯，另外醃海帶都好好味，酸酸地好開胃。至於個紫菜蔬菜包飯都幾好味，平時係出面不時食到紫菜蔬菜包飯既紫菜係淋既，好彩呢到係脆既，真係加唔少分，同埋雖然我地叫呢個係冇肉既，但佢有酸蘿蔔係入面，食落勁開胃同有口感。韓式泡菜餅 $88呢個泡菜餅都幾大份，而且泡菜同麵粉比例都算係50:50, 所以都啖啖泡菜架，而且小小辣好香口，不過有可能佢都比較厚身，煎得未夠邊，煎耐少少會再香脆啲！人蔘雞湯   $158呢個人蔘雞湯飲落真係有淡淡既蔘味，另外都見到佢有加紅棗同其他湯料，啖湯都幾好味，而且唔係好多油，另外有半隻雞係入面，雞肉煲都好淋，應該話連骨都淋，而且食落

朋友想吃韓國菜，那就順他意思嚕。在openrice看到評價不錯~ 環境挺大 坐得舒適(和一大班朋友來聚舊相信都可以)食物上檯後，我們才發現份量比想像多誒。這個湯真的是必點之一，喝下去非常暖胃。原隻的雞去燉成湯 味道很鮮甜，還帶點回甘。打開肚子會發現真的有蔘，整個感覺就是十分足料。特別內裡釀有了糯米飯 口感糊糊的，所有精華都在這了！紫菜包飯的餡料很豐富，完全沒有那種要你吃飯就飽的感覺。牛肉佔的比例很多~滿足感~原先只是當小食去點，但是一個人吃都很飽肚了。韓式拌飯味道比想像淡，加上辣醬去拌後有好一點！但是友人不太吃辣（獨食是有一點痛苦)很快便滯肚了。加上選擇豬肉，可能相對肉體粗糙一點。芝士年糕拉麵是我喜歡的醬！帶甜偏辣~年糕的口感都不錯，未去到軟身 但都不會硬得像橡皮膠(個人認為合格偏中上喔）非常惹味開胃的組合！襯熱吃時可以拉絲 夠滿足吧。牛助骨經過醃製，所以味道足夠。燒久了一點，仍未至於變到好"鞋"身。整體都滿意~下次有機會還可以再來(兩個人吃到無敵飽，下次果然不能眼闊肚窄 不夠再點）。PS 配菜比想像還要多種類（是大媽心態麼 笑）~重點是味道也不錯！

剛下機突然想吃韓國菜，朋友提議到首爾家吃。餐廳由韓國人親自主理，暫時亦無分店。坐下發現有不少韓國人晚膳中(當中更不乏模特兒級的美女😍)。位於酒店的一樓，於窗望街景仿如身處首爾的感覺。當晚天氣有點涼，一於點一客人蔘雞湯吧。湯很清甜，不油膩人蔘的精華亦滲透湯內。雞肉包着糯米，每吃一口都感覺頓時變得溫暖。韓燒當然不會錯過啦，朋友點了牛肋骨而姐姐則點了一客五花腩，牛肋骨肉質嫩滑，調味剛剛好。而五花腩燒起來令到皮脆肉滑，脂肪比例尚算均衡，有小小入口即溶的感覺。為了減低罪惡感，姐姐另外點了一客蔬菜卷，清新的口感好像令肉類所產生的油膩一掃而空。

天氣凍凍地, 最適合食熱辣辣的人蔘雞湯. 因為今天要到港島區工作, 所以和友人選了首爾家. 我們點了人蔘雞湯, 醬油炸雞和海鮮煎餅.這裡環境頗大, 與大部份韓式餐廳一樣, 播著韓國流行音樂, 增添點點韓意. 首先上桌的是醃味炸雞配雜果沙律. 炸雞份量頗多, 有十多件. 炸雞炸至香脆, 再配上甜辣味和芝麻, 香氣十足 . 炸雞尚算嫩滑多汁, 偶而食口伴菜沙律, 消油開胃! 人蔘雞湯熱氣登場, 雞不算大隻, 但湯料的配料不少, 有紅棗, 人蔘, 栗子等. 來一口湯, 暖胃解寒 , 雞肉不會過熟, 且輕易離骨, 啖啖滑肉配上熱湯, 滋味滿足 . 只可惜人蔘味道略嫌不足, 若更重一點會更好.海鮮煎餅沾點自製醬汁, 挺好味, 可惜也是味道略嫌不足.