大漁屋台 (已結業)

黎到九龍灣陪朋友報完補習之後，就係呢到附近搵食。係得寶商場入面見到間好日式既門口，我地就決定今晚係大漁屋台享用我地既晚餐啦！坐底見到師傅忙碌咁預備食物，感覺同置身係日本小店一樣。啱啱開門做晚市，我地一坐低就即刻點野食。先黎一個刺身季節沙律，除咗有新鮮爽脆既沙律菜同埋車厘茄之外，仲有新鮮刺身如甜蝦、三文魚、八爪魚、三文魚籽同埋蟹籽，配起柚子醋混和後，整碟沙律都變得份外鮮味，作為前菜認真唔錯！食過沙律中的刺身，都感覺呢到提供既食材都十分新鮮，所以我地就叫咗少許刺身，有真鯛、赤身、三文魚。真鯛如白色外表一樣，味道比較清淡但口感鮮甜。赤身則脂肪較少，肉質結實有嚼口。三文魚同赤身一樣厚切，紋理呈現出脂肪分佈得好靚，放入口裏面，感覺份外肥美。見關東煮價錢唔貴，所以就叫咗蟹餅、板魚旦、鵪春蛋同埋大根，每樣都係$10串，好抵！大根即係白蘿蔔，十分厚切，盡吸湯汁既味道。蟹餅同埋板魚旦都口感彈牙，十分入味。鵪春蛋外表細細粒卻不失蛋香，十分過癮！鍾情軟殼蟹既朋友仔叫咗碟軟殼蟹水菜卷。軟殼蟹炸得十分酥香，與清新爽脆既水菜配搭得剛好，再用被蟹籽鋪滿既飯和紫菜卷起，賣相與味道都十分不錯～我地仲叫咗幾串串燒黎食下。

好耐都冇去過咁有特色既小店啦, 成日食黎食去都係D連鎖店, 好冇新鮮感, 今晚黎左得寶商場見到呢間野門口好日本風格, 望入去裝修都好別緻, 上網睇睇好似都唔於是就入左去晚飯。我地叫左好多野食!!! 因為未試過所以每樣都叫左小小睇下佢邊樣整得好味D!!HAHA!!!我見到好多街坊黎光顧, 好似熟客咁, 店員個個好有親切感咁!!!刺身沙律勁多刺身, 有三文魚籽, 三文魚同鯛魚, 加左醋代替沙律醬, 好清新開胃!! 刺身揀左3款每様2件, 好新鮮!!! 回味!! (迴轉SUSHI個D根本冇得比!!) 叫左個辣味鐵火卷, 有4件, 鐵火卷入面包左青瓜絲, 上面有吞拿魚, 加上特別既醬, 好特別, 唔算辣。最抵係呢個什錦天婦羅手打烏冬!!!72蚊有5件天婦羅, 2隻海老, 南瓜茄子冬茹!!! 製作認真, 上菜真係用左個架黎裝住D天婦羅, 唔會油林林, 炸得剛剛好!!! 烏冬個湯有小小咸但都可以接受!!! 叫左幾款關東煮, 蘿白真係必食, 除左大舊之外仲好入味!!!!又夠甜!!好正!! 芝士魚餅都好正!!!一咬開芝士爆出黎!!好正好正!!! 豚肉餃子就普普通通, 不過佢肉汁鎖得好好, 但我中意再香

邊個不想"人見人愛，車見車載"！ 注重日常飲食， 包保你會越來越靚！今晚在九龍灣揾食， 不想在擠擁的德福和淘大商場迫，所以行前少少， 在得寶商場轉下 整個商場都喚然一新， 很有懷舊 feel 呢! 行行下, 見到呢間充滿日本 design 的餐廳, 偷窺下, 有好多不同種類的酒喎, 入去坐低 relax 下先 有梅酒啊 真係可以立即變靚㗎, 它的酸甜味能刺激腮腺素的分泌，從而促進新陳代謝，使皮膚更有光澤, 面色更紅潤㗎! 仲可以舒緩疲勞和壓力, 忙碌了一天, 還等什麼 不要空肚喝酒啊, 叫了熱葷"關東煮＂: 大根 (則是大蘿蔔), 黑蒟篛, 八爪魚, 鵪春蛋及板魚旦 ~ 我最鐘意款式多，可以試多幾款嘛 大根很甜沒有渣宰的! 其他小吃也啱我胃口呢!松葉蟹肉蟹膏壽司 及 左口魚邊壽司 ~ 最緊要2個字 ＂新鮮“, 除了食材新鮮, 壽司的飯才是主角, 米醋的清香與微甜滋味，可將飯粒升華, 肯定是手握的, 沒有那種死硬的感覺 不會一咬碎開的 佐酒緊係要d香口食物, 串燒: 雞尾 . 雞肝 . 白果 雞尾好肥美, 哈哈, 一咬雞脂肪就走哂出來, 溢滿整個口腔! 雞肝的“潤“味很香濃,