滔滔甜品

營業中

休息中

平時芝麻糊、紅豆沙呢啲中式糖水就食得多，唔知大家又有無食過「椰子糊」呢？🥥 平時好椰子味產品嘅我都係第一次聽有呢種糖水食😳，而且仲要係全港得返唯一一間，仲要喺大西北嘅元朗國，但都無阻我要試一試佢嘅決心！💃🏻為咗椰子糊而嚟嘅，當然要嗌返碗試吓！一碗盛為$23，唔算好貴☺️ 上到嚟熱辣辣，聞落好香嘅椰子味，佢質地較芝麻糊嗰啲杰身，不過由於椰子糊係由椰絲製成，並唔係新鮮椰子，所以個椰香味濃郁得有啲over，食耐咗會有少少假嘅椰味🤣，我諗唔鍾意食椰絲嘅朋友就未必咁ok啦🤭另外，我哋仲嗌多咗一個港女最愛嘅紫薯甜品💁🏻‍♀️，佢有大大球紫薯雪糕、芋圓、黑糖水晶同蜜紅豆，因為見到佢個玄米茶雪糕好特別，所以亦都加咗球！佢呢個甜品反而幾有驚喜😋 佢個紫薯雪糕真係好唔錯，食到有一粒粒紫薯肉！相對玄米茶雪糕就較淡，食落較清新，芋圓夠煙韌，紅豆就正正常常，而黑糖水晶口感爽口彈牙，好鍾意😍總括而言，呢間黃店糖水舖竟然有幾乎喺香港失傳嘅糖水食！而且性價比都幾高，鍾意食椰子嘅你入到元朗都不妨試一試😌 最重要嘅係，以後入到元朗搵糖水食都唔使再幫襯X仔涼粉啦😚

同啲朋友食完晚飯，當然唔少得飯後甜品啦😋有個朋友想食芋圓，芋圓就即諗係滔滔甜品店。今日舖頭入面超多人，只好同朋友坐外面。由於太多選擇同埋想樣樣都想食，咁我哋叫咗四個甜品share食，包括有椰汁西米配包心芋圓、黑糖珍珠檸檬愛玉、叁圓豆花同埋仙草紫草園。首先我自己先食咗黑糖珍珠愛玉，因為其他三款都屬於奶類，我估愛玉較清爽感覺，所以就食佢先。第一啖食落，唔！好清甜同好滑，成個口腔都好清新，又唔酸，好好食😋之後第二啖就揀咗椰汁配米包心芋圓，食落普通，但包心芋圓好香，口感彈牙，粒芋圓包心饀唔算多第三啖啖就食咗叁圓豆花，入面有豆花、地瓜圓、芋圓、黑糖珍珠同埋紫薯西米配香草雪糕，入口最香係黑糖珍珠，細粒，容易咬。我好鍾意地瓜，唔係好甜，但食得出有番薯味，唔會好似齋食粉團咁囉！芋圓同地瓜圓同樣彈牙，好Q！最後食埋仙草紫草園，入面有黑糖水晶、冰烤紫薯雪糕同埋蜜紅豆、地瓜圓同芋圓。一入口個冰烤紫薯雪糕勁香濃，紫薯味好突出，再食埋黑糖水晶。咦！黑糖水晶同黑糖珍珠口感分別好大，黑糖水晶口感較為爽，而黑糖珍珠口感較為Q！我個人就較為鍾意黑糖水晶嘅爽，加上地瓜圓嘅Q，配合埋蜜紅豆嘅腍，三種口感充斥喺我口腔裏面，特