好茶養生 (MOKO新世紀廣場) (已結業)

台灣手搖飲品就聽得多喇，台灣健康茶同花茶都係第一次飲，近期係旺角MOKO新世紀廣場開左一間花茶店，HoCha.Elite。店面設計簡樸，配以淺色系裝修同擺設，有種舒服既感覺同埋打卡上黎都幾靚。健康茶款好多，每款都有唔同既功效，可以簡一款岩自己飲既黎飲皇牌血氣茶|$38 比較有小小甘既味道，可以選甜度，個人健康無簡到甜，功效理氣散淤，暖宮驅寒。冰糖雪梨銀耳露|$35 只可以選擇小甜，味道唔會太甜，滋陰養顏，生津潤肺。伯爵茶意式雪糕|$35 唔係太甜，但係就好軟好好味。玫瑰荔枝慕絲|$48 甜甜酸酸既味道，個樣幾靚，打卡一流呀餐廳整體幾有氣氛，名副其實飲茶飲生又可以打埋卡。評分味道⭐⭐⭐⭐環境⭐⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐⭐

同朋友行咗陣街已經好攰，難得有個地方坐下，決定喺度休息下，食個下午茶。當年結婚嘅時候就有諗過用好茶養生嘅茶包做回禮，估唔到一眨眼過去，短短幾年間佢已經有自己嘅門市賣茶飲同雪糕甜品。飲品方面主打養生茶飲，選擇唔算多，另外亦有少量甜品同意式雪糕。蛋糕雖然選擇唔多，但勝在係獨立包裝，感覺乾淨衛生。自選杯裝飲品配花茶蛋糕有優惠價，我哋各自揀咗一杯飲品同一份甜品。既然品牌主打養生茶飲，當然唔可以放過佢嘅皇牌產品，餐牌上面嘅幾款中式養生茶都好適合女士，問完店員關於養生茶嘅成份之後，我揀咗佢嘅氣血茶。一打開蓋頓時令人少女心爆發，一朵朵嘅乾花浮現喺水面，鮮艷奪目，有桂圓、棗片、千日紅、康仙花、金盞菊、金邊玫瑰同黑枸杞，超級足料，有補血補氣同暖宮驅寒嘅功效，而且味道清甜，容易入口。朋友揀咗水果茶，凍飲俾我嘅熱飲大杯少少，果味香濃，甜度適中，鮮果份量亦唔少。甜品方面我揀咗紅莓慕絲，蜜桃色嘅外表非常可愛。蛋糕嘅紅莓味非常突出，中間仲有香濃嘅果凍夾心，酸酸甜甜，非常清新。朋友對蛋糕冇乜興趣，所以揀咗伯爵茶雪糕，我淺嚐一啖，有意外嘅驚喜，雪糕質感幼滑，伯爵茶味道非常香濃，加上甜度唔高，好感度爆燈！有時出街總係想

放假點都想行一陣，今日就同朋友短聚一會，走畢MOKO，都想休息一下，見到有間 - 好茶養生，地方闊絡，燈火光明，當然要入內看看。細看一下，原來他們目前售賣約40款茶款，包括桂圓紅棗茶及皇牌氣血茶等。這些養生茶都採用獨立包裝，方便都市人，在這繁忙工作上，且能方便地沖泡飲用，以達健康，養生的效用。店中用上簡約時尚的雲石設計，溫暖而富格調的裝潢，讓客人可作小休、小聚的新落腳點。伯爵茶意式雪糕 - $32伯爵茶雪糕味道芳香，且味道平衡，甜度適中而不膩，分量十足；口感綿密幼滑，味道濃郁，吃後口中還能保留著伯爵茶的香氣，認真難得。桂圓紅棗茶 - $36紅棗茶非常足料，口感微甜，清熱降渴，最適合都市人在煩囂的社會中、亦能調理一下身子。社會越來越富裕，人們更想追求健康、養生的方法，正正就是這店的理念。