影片
更多
2023-11-27
912 瀏覽
灣仔新開咗「蓮子麗姐素食」，冇錯係麗姐廚房個麗姐，同 OVO CAFE , WANAKA 三間素食餐廳組成香港最高密度嘅素食區。😄咩都未叫就送碗例湯先，阿姐不斷強調個湯好正，冇錯，堅係正，個湯濃到好似老豆老母煲咁，好足料又滋補，充滿家的感覺呀。😍其實好想試咖哩魚蛋，畢竟好耐冇食過好食嘅素咖哩魚蛋，但我又勁想試咖哩羊腩飯 $60 同餃子 $50，權衡過之後都係留返下次啦。😂咖哩好好味，而且完全唔辣，怕辣嘅朋友都食得。我為咗留肚食餃子所以叫少飯，大食嘅朋友叫多飯多麵都可以㗎。🥰餃子有八隻大大隻，皮夠煙韌，餡料有椰菜，冬菇同甘筍，點埋加咗薑蓉嘅醋汁食，perfect 池！💯另外加 $29 叫咗支圓肉雪梨茶，唔太甜又好滋潤，唔錯。😋有個阿姐見我點咁多嘢，話我一定食唔哂，我話應該得嘅，不過會勁飽囉，最終見我食得哂，阿姐笑住比個 👍 我 😆。我同佢講其實我仲想試咖哩魚蛋㗎，但又想食餃子，佢話你早啲講我每樣比啲你囉。☺️其實素食界聽咗麗姐呢個名好耐，但我今次係第一次食，同見到麗姐本人。麗姐同各個員工都好親切，一路食一路傾吓關於素食嘅事情。雖然有啲老土但都要講：除咗啲嘢好食，短短一餐飯都感受到好有人情味
咩都未叫就送碗例湯先，阿姐不斷強調個湯好正，冇錯，堅係正，個湯濃到好似老豆老母煲咁，好足料又滋補，充滿家的感覺呀。😍
例湯
19 瀏覽
0 讚好
0 留言
其實好想試咖哩魚蛋，畢竟好耐冇食過好食嘅素咖哩魚蛋，但我又勁想試咖哩羊腩飯 $60 同餃子 $50，權衡過之後都係留返下次啦。😂
咖哩好好味，而且完全唔辣，怕辣嘅朋友都食得。我為咗留肚食餃子所以叫少飯，大食嘅朋友叫多飯多麵都可以㗎。🥰
咖哩羊腩飯
$60
26 瀏覽
0 讚好
0 留言
餃子有八隻大大隻，皮夠煙韌，餡料有椰菜，冬菇同甘筍，點埋加咗薑蓉嘅醋汁食，perfect 池！💯
餃子
$50
134 瀏覽
0 讚好
0 留言
另外加 $29 叫咗支圓肉雪梨茶，唔太甜又好滋潤，唔錯。😋
有個阿姐見我點咁多嘢，話我一定食唔哂，我話應該得嘅，不過會勁飽囉，最終見我食得哂，阿姐笑住比個 👍 我 😆。我同佢講其實我仲想試咖哩魚蛋㗎，但又想食餃子，佢話你早啲講我每樣比啲你囉。☺️
其實素食界聽咗麗姐呢個名好耐，但我今次係第一次食，同見到麗姐本人。麗姐同各個員工都好親切，一路食一路傾吓關於素食嘅事情。雖然有啲老土但都要講：除咗啲嘢好食，短短一餐飯都感受到好有人情味，好似大家都識咗好耐咁，埋單走果陣都有啲依依不捨 。嗯，我好快會再嚟食，下次點都要試到咖哩魚蛋。😭😭
張貼
