盈翠軒 (裝修中)

今晚黎人流較少的中港城晚餐，附近的食店都較少人，除了唔使等位，仲可以靜靜地享受晚餐，今晚也較少人，感覺幾高尚舒適。由於不想苦惱點菜的選擇，所以揀了晚市套餐，呢個「二人世界」有五道菜，一個湯及甜品，都幾豐富，而且菜式食材較健康。估唔到點菜不久，很快就上菜，店員仲溫馨提示，湯要襯熱飲，而且我覺得個茶壺湯幾特別。冰梅涼瓜拚椒鹽蟲草花涼瓜酸酸甜甜，一點都不苦澀，食完有點回甘，冰涼有助消膩，加上食完熱氣食物，涼瓜正好去熱毒。估唔到蟲草花用酥炸煮法，加上椒鹽調味，非常惹味香口，食法有新鮮感，好好味。日本姬松茸秘魯瑪卡燉螺頭茶壼湯，好別緻的感覺，燉湯用茶壺裝，感覺似飲功夫茶，但其實係好香菇菌味的燉湯，而且有螺肉既鮮味，飲落仲好甜。湯料也好足，有螺肉、姬松茸、瘦肉等等，螺肉軟腍仲有鮮甜味。香煎日本元貝拼鵝肝醬窩粑帶子有珍寶size，大大粒嫩滑，雖然唔算鮮，但也不會腥。反而個窩粑幾鬆脆，但就無鵝肝味，不過有好濃松露香同野菌碎，如果多點醬汁會更好。燒汁安格斯牛粒，牛味濃郁有彈性，肉質柔軟有𡁻口，燒汁味道幾濃，仲有厚切雞脾菇，吸哂肉味同牛脂，食落唔膩又健康。鮮魚湯野菌浸菜苗，魚湯清而甜，白菜仔無渣嫩口，仲有

早前見到團購有做discount所以想試試，一向都中意食中餐既我見到有二人套餐既優惠緊係會試下。見到呢間中菜幾有特色，而且中港城人面唔係好多人，啱曬我呢d唔鍾意迫嘅人。二人套餐的份量都唔細，1個前菜，1個湯，3道菜，1個飯，甜品。 冰梅涼瓜拼椒鹽蟲草花你未取聽個名都覺得好新奇，苦瓜好入味有少少酸甜味道，苦中帶甘咁做得非常出色，令我食指大動十分開胃。炸過嘅蟲草花好似食薯條咁樣脆口，外皮有椒鹽，很可口。日本姬松茸秘魯瑪卡燉螺頭茶壺湯，吸引眼球ge一道湯，用茶壺裝湯，非常新奇，湯入面ge材料非常足，絕對唔系味精湯，湯清甜可口，非常正。香煎日本元貝拼鵝肝醬窩粑。元貝非常厚肉！香煎帶出元貝ge鮮甜味，窩巴比較特別，搭配黑松露，非常香口。燒汁安格斯牛。牛肉粒每一粒都係厚切，烹調得啱啱好，香嫩多汁，牛味都幾好。鮮魚湯野菌浸菜苗。食完肉類，呢道野菌浸菜苗黎得啱啱好，中和翻。魚湯好濃郁，搭配菇類非常好，菇吸收魚湯ge鮮甜。健康紅米珍珠雞。珍珠雞用上紅米製作，我都係第一次食，無平時飲茶食ge珍珠雞果種油膩，糯米搭配紅米，口感唔錯，入面系肉粒和鹹蛋，菇做餡料，好味。食到呢度，我地都已經飽得9成，食埋距個甜品

今天約了廣東道工作的朋友食飯，朋友想食中菜，就來到附近的酒樓。這裡原本是結婚儀式的場地，多年前曾在此觀禮！現在則變成中菜館了。就座後，點了普洱茶及開水各一壺，洗過餐具，就要計劃今餐食咩餸。　可是二人在中菜館用膳，點菜方面十分頭痛。想多嚐不同款式，但又怕份量太多。大家正在猶豫之際，職員呈上二人套餐餐牌。　　二人世界套餐，有前菜，餐湯，小食，肉類，青菜，澱粉質，甜品。　　好似西式套餐，可以嚐到不同的菜式，不用想，不用煩。於是選這個二人世界套餐！套餐還是三免：免茶免芥免加一，即是600元有找。　開胃前菜先上冰梅涼瓜拚椒鹽蟲草花　　涼瓜表面色深又多皺，是雷公鑿。脆口的涼瓜仍帶苦味，但有了梅的酸味作中和，反而成了一道開胃菜。椒鹽蟲草花　一般是蟲草花蒸雞，現在卻是椒鹽蟲草花。剛才嚐過甘味的涼瓜，味蕾打開了，輪到椒鹽蟲草花。黃色炸皮有蛋香，表面的椒鹽鹹辣，反而襯托出蟲草花淡淡的甜味。日本姬松茸秘魯瑪卡燉螺頭茶壺湯　以茶壺呈上，有別於一般中菜以大盅一枱一窩。對我倆來說，真是十分新奇的事呢！有茶壺有茶杯！　　螺肉滋陰，姬松茸也被推崇為保健食品。但聽說瑪卡有另類的神秘功效。反正都變燉湯了，先試試吧！　白色