The Dutch House Restaurant

營業中

休息中

起初去試一間餐廳，可能只得一個原因，不是因為好奇就是聽講好食，正如當我聽到尖沙咀開了一間正宗荷蘭餐廳 The Dutch House 之時，心想，荷蘭菜食咩㗎？早幾年短遊阿姆斯特丹走馬看花，吃的都是一般歐菜，除了記得有大量芝士商店之外，沒有留下深刻印象，畢竟身為旅客只在旅遊區活動，家常菜式是什麼未能理解，好奇心驅使下就去了一趟。 想不到這夜驚喜不斷，吃了三個鐘，找到三個回頭的原因。首先是食材正中下懷，因為我至愛海鮮，今晚恍然大悟，原來荷蘭海產豐富，今晚吃到的希靈魚、鰻魚、青口及龍蝦等，全部非常優質。就只一道野生煙燻鰻魚，我已經馬上想回味，不說更有全龍蝦炮製的純龍蝦湯＋堂前明火干邑！ 其次是烹調方法，既有新鮮感亦水準了得，特式烤雞絕對是重中之重，不遜色於多間知名法國餐廳的招牌烤雞，最奇怪是腳趾頭酥脆至可咬碎吃！ 第三是酒配，大廚 Armand 是一級品酒師，是願意從廚房走出來與客人溝通的有 heart 良廚，別具酒配心得。我們今晩告別已經太普遍的紅白酒，換上荷蘭烈酒、日本清酒及梅酒，充滿期待！ 性價比高，重臨在望，詳情如下： 樓上店，啟業兩個月左右，相信客人靠口碑而來。 佈置以棗紅色為主

喺香港雖然好多菜系都食倒，但荷蘭菜真係好似未聽過有。聽朋友講尖咀開左間餐廳食荷蘭菜，當然要黎試下。餐廳店面唔算大，不過座位都好鬆動。餐廳其中一邊有一整列玻璃，可以睇倒成個尖沙咀街景。為左配合荷蘭主題，店內都擺放左多幅梵高嘅仿畫。Dutch House走中價路線，小食、前菜、沙律、湯、主菜、意粉同甜品都有供應，因為佢地嘅份量都比較大，所以如果人少，除左散叫，仲可以揀佢嘅套餐，可以試多幾款野。Hertog Jan Dutch Stout ($98) - 據侍應介紹，哩度嘅大廚除左喺荷蘭生活左好多年之外，佢仲係一個品酒師，所以哩度嘅紅白酒都特別多選擇，另外仲有清酒、日本同荷蘭啤酒。我地就試左哩款荷蘭啤酒，麥味唔會太重，都算易入口。因為人少，所以我地就點左佢個六道菜廚師發辦($988/人)。荷蘭香腸拼荷蘭炸肉丸 - 荷蘭香腸係用雞肉同豬肉混合而成，上面再放左洋葱，食落唔會太鹹。而荷蘭炸肉丸係荷蘭當地一道好普遍嘅菜式，佢係用左牛骨湯煮出黎嘅丸再蘸炸漿炸，上面嘅係芥末醬，炸漿香脆唔會太厚，中間嘅牛骨湯餡好creamy味道亦濃郁。荷蘭希靈魚 - 荷蘭因為係沿海國家，所以佢嘅菜式都會見倒好多唔同嘅魚。