辛安東元祖奶奶雞 (已結業)

呢個鋪頭開咗一段時間，已經聽過幾次朋友好評，今次就嚟一試究竟！一坐低就即刻叫咗制作需時嘅招牌菜—辛安東元祖奶奶雞半隻（$158加一），少辣。一上枱，賣相幾靚。如果兩個人食，份量都夠。以豉油燘燉，味道有港式感覺😂。除咗雞塊，仲有啲配菜（蘿蔔、薯仔&青瓜）。不得不提係，墊底嘅韓式粉絲超入味！粉絲呈闊條狀，有厚度，咬落煙韌彈牙，正！傳統韓卷($48加一），味道正常，料都算豐富！大家一定要沾沙律醬嚟食，好夾！另外仲叫咗籠韓式泡菜小籠包（$58加一），內餡札實，無湯汁。與其話佢係小籠包，不如叫返佢韓式餃子...總結：除咗奶奶雞，其他都有一般！順帶一提，店員親切有禮，值得一讚

傳統韓卷 $48不過不失既韓卷 啲酸蘿蔔幾好食 夠爽脆夠酸 同時有蛋既甜平衡番 酸酸甜甜 可惜唔係韓國果種好重麻油香既韓卷🙁.辛安東元祖奶奶雞(半隻）$158小辣既辣度都幾勁 平時譚仔食4小既小編都辣到要飲水 但又辣得幾過癮🤤齋睇個色水都知有幾入味 連啲薯仔、翠肉瓜同薯粉都煮到入哂味 個汁甜甜地 好惹味 雞肉頗嫩滑 不過啲骨都幾大舊 呢到半隻既份量大約僅僅夠三個人食 .豚王生菜包 $88豚肉係要自行剪既 想要幾大塊就剪幾大塊 油脂同瘦肉比例適中 燒過既肉質唔會乾 配有泡菜、辣椒、蒜片、辣醬 相比起就咁食豚肉 都係用生菜包住食無咁膩 btw生菜只可refill一次😛.芒果搖搖米酒 $78甜味多過酒味 飲落似芒果汁 不過始終都有米酒既成份 甜中帶少少苦 只係酒味真係好微弱🤧

難得聽日放假, 小妹最近又追緊韓劇, 就決定食返餐韓國餐! 揀左呢間係旺角既辛安東元祖奶奶雞, 好就腳 被安排坐上二樓, 餐廳座位好闊落小妹兩人, 坐左張四人枱入到鋪頭, 見到好多心心, 原來係客人寫既心意卡, 好壯觀 見到個餐牌, D圖好吸引, 食物既款式唔算好多, 但張張相都影得好靚 由於得兩個人, 小妹就決定叫兩款傳統既韓國野! 店員主動同我地講, 餐廳做緊promotion, 只要like餐廳Facebook就會送野飲安東元祖奶奶雞（半隻）$158:  叫左小辣, 第一個感覺係好大碟! 有十多件雞, 薯粉, 薯仔, 青瓜, 仲有冬菇! 雖然佢個感覺好似雞煲,但係佢既雞肉比雞煲滑好多, 配合個汁, 好惹味 另一個重點係薯粉! 薯粉吸左好多汁, 勁煙韌(餐廳一早準備左鉸剪), 如果鍾意食辣既朋友, 一定好鍾意 傳統韓卷 $48: 呢個飯卷餡料都幾豐富, 好有韓國既味道 , 下次小妹要試下芝士既傳統韓卷! 最後真係要讚一下呢間餐廳既服務, 店員會好主動介紹一D優惠, 又有禮貌 , 抵讚 

旺角白布街附近呢排都開左好多餐廳， 各式美食， 應有盡有，今日就試左韓國元祖奶奶雞，呢間鋪都開左一段時間， 幾受歡迎咁。兩個人食左半隻元祖奶奶雞， 揀左小辣， 唔會好辣，啲雞幾好味，個汁唔會太咸或者太甜， 岩岩好， 有時啲韓國野味道會太濃， 未必人人岩食， 底下有啲韓國粉， 好似薯粉咁， 食曬好夠飽， 兩個人叫半隻雞夠， 多啲人就可以叫一隻。另外仲叫左個韓式飯卷， 啲飯有啲醋味， 因為冇泡菜既原故， 感覺有啲似日式。都幾好食， 好開胃。每人叫左一杯飲品， 檸檬七喜係會調轉支汽水既， 幾得意， 都好大杯， 支七喜都唔係平時飲開個啲七喜， 係韓國既七喜，感覺真係好似去左韓國咁。另外， 朋友就叫左罐韓國既汽水， 有幾款味，有橙味， 菠蘿味同提子味。 朋友揀左提子味， 算甜， 但係都幾好味。入面有好多雞仔紙寫左野掛左係幅牆， 幾得意咁。Menu 有其他唔同雞， 海鮮雞同野蠻雞，海鮮雞就係加左海鮮啦當然， 野蠻雞就等我下次試下先。

三行人行開旺角就去左食好耐冇食站過ge奶奶雞~一入到去都係韓式裝飾，坐落係闊落舒服o既之後梗係睇menu叫野食啦！其實野食選擇同一般韓國餐廳差唔多～我地三個人叫左個傳統韓卷，海鮮煎餅同最重要叫o既辛安東奶奶雞！傳統韓卷最正係點美奶滋食，卷配美奶滋真係好好食之後係海鮮煎餅加埋辣泡菜一齊食，口感超好。軟軟地o既蛋餅同爽口泡菜加埋，酸酸辣辣禁～我地叫左小辣，辣度ok大家都食到，份量好足夠，雞件超入味仲有薯仔做配菜鋪底。