辛安東元祖奶奶雞 (已結業)

旺角白布街附近呢排都開左好多餐廳， 各式美食， 應有盡有，今日就試左韓國元祖奶奶雞，呢間鋪都開左一段時間， 幾受歡迎咁。兩個人食左半隻元祖奶奶雞， 揀左小辣， 唔會好辣，啲雞幾好味，個汁唔會太咸或者太甜， 岩岩好， 有時啲韓國野味道會太濃， 未必人人岩食， 底下有啲韓國粉， 好似薯粉咁， 食曬好夠飽， 兩個人叫半隻雞夠， 多啲人就可以叫一隻。另外仲叫左個韓式飯卷， 啲飯有啲醋味， 因為冇泡菜既原故， 感覺有啲似日式。都幾好食， 好開胃。每人叫左一杯飲品， 檸檬七喜係會調轉支汽水既， 幾得意， 都好大杯， 支七喜都唔係平時飲開個啲七喜， 係韓國既七喜，感覺真係好似去左韓國咁。另外， 朋友就叫左罐韓國既汽水， 有幾款味，有橙味， 菠蘿味同提子味。 朋友揀左提子味， 算甜， 但係都幾好味。入面有好多雞仔紙寫左野掛左係幅牆， 幾得意咁。Menu 有其他唔同雞， 海鮮雞同野蠻雞，海鮮雞就係加左海鮮啦當然， 野蠻雞就等我下次試下先。