HOKO Farm (已結業)

一般我們都在家自製ADB，但昨天太忙， 沒時間補充食材，今日就唯有外出食啦。自從搬到附近住，呢間餐廳一早已在我的收藏夾內， 今天終於有機會一試。 早上8:30去到，已有多枱食客，不過都唔洗等位。 今次分別叫咗和牛漢堡扒（E餐）及全日早餐（K餐），兩個餐都👌🏻，但我希望牛角包熱啲，咖啡都是正常。 價錢合理。我地應該都會間中嚟再幫襯😊

打完風第二日紅日，商場多左好多人，所以早過7pm就去攞位，但門口已經有4-5人等緊位。好彩等左5分鐘多d 就有位，我地入座後就見出面開始多人了...叫左桂花茶，都算大壺，總共飲左成4-5杯，甜甜地又有爉燭熱住幾好味！有時會突然想食all day breakfast, 因為好鍾意食果隻炒蛋，而且有菇有藜麥，又有沙律、煙三文魚、火腿、牛角包、薯餅，食材好豐富好滿足好夠飽！再叫左個BBQ烤雞burger, 塊烤雞算幾大塊，味道都幾好，而且薯條啱啱炸起好脆，我地食到一半已好飽！之前點左甜品，其實食完burger 已好飽想取消，但諗住甜品第二個胃就算！估唔到佢地話要焗原來要焗咁耐，結果等甜品等左約20-30mins... 如果點餐時侍應講聲要等咁耐咁應該未必叫呢個！布朗尼焗得有點乾身而且份量少左d，雪糕太硬要切開先食到, 相對上覺得價錢有點貴！

鑽石山聚舊。等她時太餓，就自個先走進荷里活廣場的 Hoko Farm。之前去過幾次中環的分店，那裡更有清新田園風，從窗外看著熙來攘往的人流，很感受到金融都會的節奏。這間則在商場裏頭，格局更像咖啡廳，散發著更多悠閒的假日情調，午餐的價格類似翠華和意粉屋，早餐和下午茶的價格更親民。後來朋友來到，說起 Hoko Farm 的蛋品均加入北海道鲜奶，我們就點了兩份全日早餐。在等早餐時，就先來了餐前法包，法包不及又一城的 Amaroni's，但點上橄欖油和黑蒜油，硬中帶軟的口感也不錯。全日早餐的品種算豐富，有薯饼，炒雜菌，焗番茄，烤黃瓜，牛油果，茄汁焗豆，黑醋沙律，黑松露牛乳炒蛋，牛角包，烤黑椒香肠，煙肉，腌巴馬火腿，煙三文魚。看似品種豐富，但可能我胃口大，很快就吃完，順便也把朋友的早餐也吃了點。如在早餐或下午茶等非繁忙時段，是可以久坐的地方。