蓮香居 (已結業)

難得一班長居於新界既世伯伯友願意出城越維港覓食, 當然要帶上佢地搭下叮叮去位於上環海味街旁邊帶有廣州傳統風味既懷舊食店, 緬懷一下過去既味道啦!到達蓮香居, 世伯伯友已經被地下的小賣店既茶葉, 舊色棋子餅, 二樓食堂牆上既假雀籠, 及放於牆邊已用多時銅金色既熱水煲, 及桌上蓮味十足既餐具所吸引, 不停的跟我地一班年輕人翻舊帳, 以古論今, 非常高興.一行九人, 隨便的六餸一湯已令大家滿載而歸, 真是值得保留既傳統廣州菜風味!!! 蓮味十足既餐具, 未用已見有風味金錢雞拼盆 (一碟12件金錢雞, 配上肥瘦剛好既叉燒, 及皮脆肉香既燒肉, 認真夠味道; 奈何食物有點涼, 如果可以再熱一點上枱, 肯定更出色)煎蓮藕餅 (蓮藕經煎香後, 再混上調好味的魚肉, 仍能保持香脆, 難得!)冬瓜盅 (天熱喝上盛滿材料, 啖啖冬瓜肉的冬瓜湯, 解暑非常!_八寶鴨 (賣相, 釀製功夫, 材料份量, 味道都攞足滿分的一道必食傳統廣州菜)紅燒斑翅 (斑翅份量大, 魚肉烹調時間恰恰好, 再配上相當入味的枝竹, 豆腐及小棠菜, 最適合大夥人點的菜)焗魚腸 (非常傳統的一道廣州菜, 魚腸及蛋的份量配合得非常好, 最

久仰蓮香居既大名，終於都有機會黎試下啦。裝修好有舊香港風味，再加埋有返咁上下年紀既侍應，感覺好懷舊。衛生程度可以接受啦。金錢雞，賣相好差，成碟都係油，都幾恐怖。細問之下先知原來係叉燒冰肉同雞肝。冰肉望落去只係一塊脂肪，賣相令我有D猶疑，結果抱住一試既心態放入口，好意外！幾好食，配搭好特別，又幾夾喎。八寶鴨聽就聽得多，食都係第一次。鴨入面有好多唔同材料，栗子，蓮子，蛋黃等等，鴨肉炆到好腍，唔錯蒜茸蟶子好好食 蒜香十足，粉絲夠多，最重要係蒸得剛到好處，蟶子口感一流，而且好鮮甜。唔知咩名，茄子魚。味道幾好，魚表面都煎得好香，但太油。煎大蝦同炒飯都好食，夠哂獲氣，炒得好香。焗西米布甸，蓮蓉同吉士比例剛好，甜度適中，做最後一道菜，完美結局今次食左晚市，下次午市黎試下點心先。

周末又係出街食飯嘅日子，母親提意黎哩度，就book咗五個位。六點半去到仲有唔少位,一早搵咗梁部長留咗隻百寶鴨，但就硬係留唔倒個冬瓜盅，可能要再之前一日book先留倒呱! 今次無叫D招牌菜，例如古法鴨腳包、金錢雞、古法焗魚腸、...................因為真係食咗好多次，叫吓其它，睇吓D真功夫先。百花釀蟹鉗: 蟹鉗無乜蟹肉，但外面包住嘅蝦膠就好鮮味，彈牙感就好一股。住意:最少叫兩隻蟹鉗，每隻28蚊酥炸軟殼蟹:炸得好薄好酥脆，炸粉漿一流，但係就唔太鐘意佢地用鹹蛋黃炒，咁樣好唔健康。仲有一樣野要彈，就係隻軟殼蟹唔夠鮮味紅酒腰豆牛尾煲:哩個係蓮香居嘅特別推介，感覺上個汁勁似紅豆豬手哥個嘅葡菜，有抄習之嫌疑。個汁有紅酒同埋腰豆味，又唔鹹，唔錯! 埋面仲有洋蔥同埋紅蘿蔔，全部材料都煲得好稔雲翠炒馬蹄:馬蹄嘅甜味可以係雲耳同埋D翠玉瓜到食得到，翠玉瓜&馬蹄夠爽脆清甜煲煲靓例湯:主要係用昆布同海帶瘦肉黎煲嘅靓例湯，五個人每人可以分倒兩碗。個湯幾有昆布同海帶味道，唔會過鹹蜜汁叉燒:舊伙記已經問定你要乜叉燒，咁就梗係簡半肥瘦個隻啦! 叉燒切得薄D就更好，甜甜嘅蜜汁好惹味粉絲什菜煲:一般粉絲什菜