泰之味 (已搬遷) 新店位置

上環熟食中心隱藏美食，呢間泰之味真係真材實料！大件夾抵食～當日係晚餐時間去食，人流唔算多！坐得幾舒服！晚餐叫左個細既冬陰公、一條魚、肉碎包生菜、綠咖哩同埋蒜蓉包！冬陰公超足料！夠曬味！條魚都超肥美！差D食唔曬！綠咖哩配蒜蓉包正常發揮～椰奶味夠曬香！肉碎真係超開胃！差D一個人食曬成碟！姨姨仲話我地識欣賞佢地既食物～得閒多D幫襯！講真食完食物方面真心覺得係好食既！環境係熟食中心大家就唔好要求太高啦，但整體都算乾淨既！姨姨叔叔待應們非常有禮貌呢樣值得讚！真心推薦大家一試！

星期六心血來潮想食好野，聽聞呢間泰國野唔錯就泥試下。因為得兩個人食唔到太多野，淨係食左三樣野。串燒味道好正，大串，抵食。金邊粉，食落爽口，香而且冇油，不得了。特別推介冬陰幾公，足料而且各配料分量岩岩好，酸酸地辣辣地好開胃，食欲大增！！！p.s.因為實在仲有太多野想食，但胃就得兩個，所以下次一定要同多幾個frd泥再戰