泰之味 (已搬遷) 新店位置

-//位於上環街市，竟然有間隱世泰國菜🤣估唔到仲有勁多菜式選擇，連海鮮都有🤣📍泰式炒金邊粉 $58外賣咗個金邊粉，味道都唔錯，唔會好鹹而且份量都算多，食到飽，吱埋青檸撈埋一齊食就最正，呢個價錢都算抵食。📍雞肉串燒沙爹（半打）$80猶豫咗好耐要雞肉定係牛肉🤣最後揀左雞肉半打6串 每串份量都算多，另外個沙嗲汁係好香 好濃郁🤪雞肉都好Juicy 整體唔錯🤩📍泰之味 (上環)上環皇后大道中345號上環市政大廈2樓熟食中心CF23號舖

相對其他九龍區市政，呢對啲枱比較闊偌。星期五晚6:30左右，見呢間又中又泰嘅食檔仲有幾張吉枱，甫坐低，老闆娘即拎大碗熱到極度燙手嘅熱水嚟俾我洗碗碟筷子，本身啲碗碟都非常乾淨，所以只係循例沖一沖，餐枱有廁紙提供。叫咗幾味：串燒雞豬各半打，唔燶，雞肉有香茅醃過透出香味，可惜豬肉就出事，其中一串中間嗰舊唔熟，另一串成串都未熟，唯有叫燒烤位師傅再翻燒未食嗰串啦。濕炒牛河芥蘭落咗好多，秀珍菇都係，牛肉片都唔少，但啲菇有輕微酸味，食咗兩塊都係唔對路要𦧲⋯⋯啲方型河粉反而變咗配角，份量太少，成碟比較似小菜。紹酒炒青口不過不失。泰式拼盤收$148但每件份量偏小，魚餅、蝦餅味道不太鹹ok，春卷都足料夠脆，就係個斑蘭葉雞卷唔掂，其中一舊太硬，全部邊角位都咬唔到。臨走飲多啖茶，竟又出事，冇咬嗰個玻璃杯嘅情況下，個杯邊居然裂咗甩左條玻璃碎出嚟……好彩冇流血爆咀……但真心嚇親，老闆娘連聲致歉。禮貌上呢間舖係好好，但真係要注意個食物嘅處理同留意易碎餐具嘅耗損喇。

返工嘅日子有時會黎上環熟食中心同同事一齊食lunch，但係食夜晚都係第一次。環境就比較一般，黎得熟食中心我都唔好預會坐得好舒服嘅，主要都係食下嗰個風味。但晚市冇午市咁多人，所以我哋兩個人都俾咗一張大枱我哋，坐得好鬆動。我哋叫左一個青咖喱同埋一個炒肥牛，兩個都非常之大碟，我哋兩個人慢慢食先食得晒，味道就正常，炒肥牛比我哋想像中濃味好多。最後雖然非常之飽，但之前試過佢哋嘅糖水覺得好正，所以都係要黎多碗香芋西米露。糖水依然keep到水準👍🏻

之前食過lunch既外賣海南雞飯，都唔錯。今次試左明爐烏頭同芋頭海鮮焗飯。服務都幾nice，話如果椅唔舒服可以換有椅背既比我地，見職員同d食客都好好傾，都係做街坊生意。有提供熱滾水比客人洗碗碟，感覺都乾淨d。烏頭要等20～30分鐘至有得食，都新鮮，入面有d磨菇，配埋佢比既湯汁淋上魚到食會比較有味道。但個芋頭海鮮飯就令人失望，好多姜葱蘿蔔，同埋個汁食落去感覺似係中式飯咁，完全唔似食梗泰國菜。而街市熟食中心黎講，價錢少少偏貴，唔算抵食。本身諗住食埋糖水，但截左單，下次都會再試下。

市政大樓的熟食檔一向卧虎藏龍，今日去左市政大樓食泰國菜。 坐低後， 一位十分熱情的店員(主), 就好有禮貌問我地食乜？ 又同我地吹下水， 講下打針唔打針， 風花雪月一番後， 同事們就叫左泰式豬肉炒河， 泰式炒金邊粉， 星洲炒米， 蝦醬炒飯。 同事的餐就唔記得影低， 總之答案得一個， 就係好好味。而我自己果個泰式炒金邊粉就正， 味道好出， 酸酸甜甜， 最緊要夠哂熱 夠鑊氣， 即叫即炒就係呢d啦。 雖然份量較少， 但絕對係有心煮的隱世餐廳。

今次呢間隱世良心泰國菜同時亦有泰掂檔車仔麵同窩心糖水站任君選擇總有一款啱你之前會食佢個黃咖喱豬頸肉飯🍛🙆🏿‍♀️但我覺得份量有少少多 會太飽而自從疫情禁堂食 又禁吓晚市 又呢又路咁老闆娘話生意大受影響自從佢開始賣埋車仔麵我就轉食車仔麵多三餸車仔麵 $42 🙆🏿‍♀️首先要推一推佢個麻辣醬油🌶車仔麵跟嘅話係另上嘅而且係廚師特製 不外售佢唔算太辣 雖然佢有啲麻辣籽喺度但唔會食到你個嘴唇好麻嗰種佢加咗落啲湯度 可以增添色彩香口 再加少少辣 一個字 正😍麵底除咗幼麵粗麵油麵米粉河粉之外仲有埋檬粉揀 (我淨係揀過呢個😂)而車仔麵餸 老實講就一般嘅豬大腸、牛丸、蠔油冬菇🙆🏿‍♀️炸魚皮(另上)、清湯牛腩💁🏿‍♀️咖喱魷魚、咖喱牛柏葉、墨魚丸🙅🏿‍♀️熱飲加$3 凍飲加$5 我覺得尚算合理❎加一服務費

我想食泰國菜😌於是朋友就話帶我去上環街市食好西😘一去到上環街市先發現有好多美食 令我呢個小食貨真係大開眼界😚🙌我哋今次去咗一間叫泰之味食lunch🧐一見到個餐牌就嘩咗聲🤪因為真係好平😎40幾蚊就有個lunch 😚😋係中上環嚟講真係好平🥸我朋友叫左青咖喱🍛雞飯🤗佢話個咖喱真係好好食😏好有咖喱味🤭同埋啲料同飯都多😬男仔食一定夠飽 可惜我唔食雞🤧冇得試佢個咖喱飯我自己就叫咗個泰式海鮮米粉啲米粉好幼🤗個湯底都幾好仲有好多🦐同魷魚🤠🤠🤠都幾好食🤤🤤

🤴🏻臨時徵召去上環，搞掂之後就係上環覓食，咁大個人除非特別有事做先會嚟上環，咁喺社交平台搵咗一陣，知道上環街市二樓有好多食肆就去碰下運氣！入到去行咗個圈我哋決定食‘泰之味’～～～香葉包雞～～～雞塊有五件，配有甜酸醬，有香葉嘅開口拉起雞塊就自動滑下，唔會黐住着香葉可見師傅嘅功夫厲害👍🏻👍🏻！雞塊就呈三角形，肉質香滑柔嫩！😚😚～～～蝦醬炒飯～～～上枱已經聞到好濃香嘅蝦膏味，撈勻後飯粒沾滿左蝦膏，濃濃嘅蝦膏味但又唔會好鹹！值得推介😘😘～～～星洲炒米～～～呢個就相對普通咗啲，用嘅米粉比較幼細，如果再辣多啲會更好😉😉～～～椰汁冰～～～冇咩椰汁味！好淡！🙁🙁間唔中試吓呢類大排檔風味嘅餐廳都唔錯啊😊😊

熟食中心美食多💕💕只要你無偶像嘅包袱隨時可以食到好野🤣🤣今次去左上環街市熟食中心👍🏻👍🏻真係隨便揀一間都好味道😚😚揀左泰式野食🤗🤗泰之味👏🏻👏🏻點左黃咖哩豬扒飯🍛🍛碟飯一嚟到嚇親我🙀🙀啲餸堆到成座山咁🤭🤭真係大件夾抵食✨✨佢啲豬扒好入味😋😋好有咖哩味🤤🤤唔似有啲無誠意嘅餐廳就咁淋啲汁上面啲肉就咁放上去😵😵😵除左飯，仲有好多泰式炒乜炒物❤️❤️真係好多選擇👍🏻👍🏻

食泰國菜又使乜下下去九龍城，其實市區都有好多有水準嘅泰國菜🥻餐廳，就好似今次介紹哩間位於喺街市入面嘅平民泰國菜。香脆蒜蓉包🧄 $32泰式咖喱炒軟殼蟹🦀（中） $138咖喱係蛋花🥚咖喱偏甜，但配上鹹鹹地牛油🧈香脆卜卜嘅蒜蓉包，就係一個完美組合。而且軟殼蟹🦀份量相當足料，雖然比咖哩汁🥘完全遮蓋住，但都仲保持少少脆口。香炸黃金蛋 $88超級推介既一個菜式，有啲泰國菜餐廳會做到蛋肉🥚分離，但呢度不單止冇呢個問題，而且皮蛋仲要係流心。然後蝦肉🦐厚薄適中，外皮帶少少香脆，配上甜辣醬🌶簡直食唔停口。芒果糯米飯 $45糯米飯用咗紫糯米同白糯米，非常煙韌嘅口感。芒果🥭可能唔當造，有少少酸，同埋相對飯嘅份量比較多🍚，芒果只有半個有啲唔夠喉。椰青 $35非常清甜，有水準嘅貨色🥥！我覺得整體黎講都相當有水準，而且價錢方面都十分抵食。雖然係喺街市入邊，但座位夠寬闊、燈光鮮明、環境都算衛生，值得黎試！

熟食街市小店要支持🤩🤩🤩,好抵食🥳午餐+💰可配飲品, 泰式飲品 +💰10, 叫咗珍多冰之後入邊有粉紅色條條, 所以最後杯嘢飲會變粉紅色好搞笑同埋偏藥水味, 細支樽裝可樂🥤+💰3✨青咖喱汁飯配牛 💰45💫評分: 7.8/10📝濃味不過嫌唔夠辣, 牛肉算嫩, 淋上滿滿嘅汁送🍚一流, 簡單嘅美味😋, 入面嘅茄子同豆都好入味✨泰式炒金邊粉 💰45💫評分: 6.8/10📝好甜, 蛋絲同雞肉偏少, 炒得唔夠乾身🥲𝕋𝕙𝕒𝕚 𝔾𝕠𝕠𝕕 𝕋𝕒𝕤𝕥𝕖 泰之味📍上環皇后大道中345號上環市政大廈2樓熟食中心CF23號舖(上環🚇 A2 出口)

拎外賣既時候，幾位阿姨都叫我地多多支持。無咗夜晚堂食真係頂唔順。😢。寫呢個食評前一日，機緣巧合下，見到泰之味嘅ig寫咗告急，請多多支持告急。✔肉碎生菜包小辣惹味，生菜新鮮。✔燒豬頸肉唔乾，點埋汁好滋味。✔泰式脆炸軟殼蟹外賣都仲脆既，堂食應該不得了✔泰式拼盤（ 春卷、蝦餅、魚餅、香葉包雞）✔紅酒燴雞翼有驚喜，甜甜地。✔咖哩炒蝦咖哩好惹味。係開邊蝦既。✔香茅炒蜆✔馬拉盞炒通菜✔泰式烤羊架✔芒果糯米飯x2一句總結：全部都好好食😋😋食咁多野，外賣85折，940蚊咋。仲有咩要求？？

一間係上環熟食中心罕見嘅良心小店，間餐廳有唔同嘅泰國菜！🤤用lingduck app落單有折，平咗$7🤩我一個學生着住校服入去都幾尷尬😂🌝不過唔知係咪因為嗰陣係放lunch嘅時間，個app話拎得，我去到都仲要等兩三分鐘🤡▪️海南雞飯（$41）份量都算多，飯係雞油飯，好香雞油味，硬度適中。啲飯就算冇餸都可以食得曬！雞都算滑，不論係雞皮定雞肉😋雞皮上面有啲黑色野，唔知平時海南雞飯係咪都係咁🤔秘製醬料有泰式風味，辣辣地又甜甜地😋入面都有唔少辣椒🌶️不過我唔係太食得辣嘅人，有少少辣🥵條菜有少少硬同埋有渣，不過只係配菜，就冇所謂嘅😂係一間返兜有望嘅海南雞飯！🤤下次想試吓佢其他飯！味道：4.5/5價錢：4/5回頭率：4/5環境：❎(take away俾唔到環境分，不過係街市，所以堂食會有啲嘈）推薦程度：4/5———————————————————————📍泰之味地址：香港上環街市熟食中心 2/F CF16號 及 CF23號

疫情嚴重下大家減少傳染都免聚集在一起食飯，於是乎好多食肆都有外賣和自取服務，仲有優惠折扣。今天午餐我外賣自取上環市政大樓食市其中一間「泰之味」，泰式炒金邊粉味道還可以，帶甜、酸、鹹、如果加點辣會更惹味，一啖入口，甜味強勁，隨之酸味一點一點滲出，魚露跟着也散發出鮮鹹。

係上環熟食市場入面，佢個位都算差，係角落頭，不過想食就當然唔會理其他點sell點平！叫左個泰式牛肉炒飯外賣，偷望到個廚房真係黎一個炒一個，完全搵唔到唔好味既理由哈哈（始終中意食d夠熱而且有獲氣既）個飯炒得均勻之餘個味道都好好，係上環40幾味有個高質泰國炒飯都算係咁但有少少後悔無加到佢既特飲（應該每期唔同），但就真係自己煲，所以都應該高質！p.s.唯一呢個炒飯既缺點就係唔知要有菜定有d其他色就落左小蕃茄同芥蘭…個人好一般食呢2樣，其他真係正！