cafe TOO

一向去九龍區某幾間酒店食buffet，今次有朋友話以前食過呢間，有好多野食同好味，所以一早訂左星期日晚。去到唔使等位(如訂左要等咁訂來做乜)，12月嘅星期日晚都只得6成人，坐定後立即去搵食。朋友推介必選食品 - 燉湯小弟一向對湯水有一定要求，呢個見到料足，但奇怪味道只算一般，冇驚喜。沙律ok，壽司種類一般，但手工較差，好易散。來之前朋友話有生蠔，結果現在只得龍蝦.........燒雞翼正，其他就......

媽媽生日, 佢話要食呢度個buffet, 而且佢有coupon, 就算山長水遠, 都要入嚟呢度食..............開頭期望都幾高, 話哂呢度都係五星級酒店入面的西餐廳, 水準當然有番咁上下, 而且價錢有番咁上下, 預計都會有生蠔食掛, 點知....................雖然book咗七點半, 但七點左右已經到咗, 所以入嚟攞枱先, 順便視察一下有咩食, 等母親大人嚟到, 可以即時向佢匯報..............坐低之後, 環視四周, 其實已經睇到哂大約有咩食, 有邊度d美食要排隊...............唔知呢度係咪高級地方, 連d食客都高級d, 斯文d, 唔會出現搶食的情況, 無論人多或人少, 都會排隊, 等前面果個人拎完先, 非常值得讚許~~ 連d待應同廚師都非常有禮貌, 而且個個笑容滿面, 咁樣令食客都食得開心d啦~~~ 頭盤 大大隻的波士頓龍蝦任拎, 隻隻都啖啖肉, 食多幾隻已經番本~~ d肉好甜, 仲有d海水味, 覺得自己好豪, 成隻龍蝦咁食, 連佢隻鉗都好好肉~~~ 凍蝦size適中, 肉質又好爽, 但間中都選中有d梅............

對上一次來應有5、6年前了，聽說水準不及從前，適逢媽媽生日，我就大膽提議來這裡慶祝。自助餐大致以冷盤、熱盤及甜品的分類，以我的食量，沒可能每一款食均，當然要有「合理性」的選擇。有點出奇的是，大家也讚北寄貝好食，非常肉厚、爽甜，其餘刺身就只是一般，其次欣賞是煙三文魚，不是薄薄的一片，與刺身一樣厚切，有著淡淡的煙燻甘香。生蠔、凍蝦凍蟹被老豆、老公橫掃不少。熱盤方面其實我食得不多，主要食了不少叉燒，因為鬆化又蜜味，媲美燒臘舖；印度咖哩亦是不可不試，尤其是咖哩炆牛尾，超腍又入味。甜品當然是我主攻的一環，品種繁多，不能盡錄，5星級的出品，每款也有一定水準。反且最失望是雪榚，莫說是自家製，連HD也不是，6款口味完全是「牛記」出品。大家食均全場後，也不覺得水準下降，而且信用咭又有8折，相對食物選擇、質素及服務，完全物超所值。