榮式燒雞扒

營業中

休息中

灣仔「榮式雞扒」已經幫襯了十多年，大部分時間都係叫外賣或攞走，今次真係第一次坐下來堂食，舖位細細，每個坐位都分隔開，一個人的午餐最好不過。$54~雞扒配蓮藕餅「雞藕天成」，他們以獨有方法去煎雞扒，煎得又香面又脆，肉汁鎖住在內，有薑蓉和辣菜甫的配合，藕餅內的蓮藕粒粒爽脆混合猪肉煎餅係小炒店的高水準，最係好味到無得頂。見到佢哋雞扒有很多配搭，希望下次再來幫襯時，要忘記「雞藕天成」，試下挑戰另一種配搭先。

以前一年只係出香港區幾次，宜家竟然要喺港島區返工，大鄉里真心好唔習慣。喺人稱嘅金鐘，放飯係一個挑戰。今日有好心同事帶我行去灣仔威威食好西😝由金鐘經PP 左穿又插，不消一會就到達榮式燒雞扒，門口有不少打工仔等候中。等咗十分鐘就入去，同事推介『雞藕天成』即跟🖐1) 招牌坑紋燒雞扒：造型幾獨特，雞皮燒得有點焦脆，肉質幾滑，佐以薑蔥、雪菜，混埋白飯一口接一口，很快就清哂成碗🤣藕餅煎得香口，沒有過咸，廚師係有味覺嘅，可以一試👌2) 雞扒親子滑蛋飯：炒蛋係嫩滑嘅🐣薄薄嘅雞扒燒得外皮脆又香，黑椒味出色🤤老抽汁撈埋香蔥、咸酸菜真係好開胃，整個飯嘅份量對我嚟講啱啱夠飽，男士就未必了🤨