勝香園

營業中

休息中

成日都心絲絲想黎再食，除左呢到美食正，最鍾意呢到嘅人情味夠哂地道，靚姐們佢地睇落好似好惡死咁，但其實只係佢地直長直腸嘅真性情。星期六中午黎排半個鐘左右就入得去坐，呢到樣樣都要快，快落單，快上菜，快食完，快走人。 茄牛餐蛋麵 $36蕃茄湯味濃而偏向酸口，見佢用左好多茄膏，分量正常，牛肉滑口，蛋係流心，餐肉正常，味道雖然唔係最好，但整體加埋哂就好滿足，總會想返黎再食。檸蜜脆脆 $18 好似餅乾咁超脆口，食落有陣陣嘅檸檬香味，清新嘅檸檬酸加蜜糖嘅甜味配合得好好，超好食，之前食過咖央都係超出色，脆脆係呢到必食之一。 凍鹹檸七 $20 試過一次之後，變左每次必點嘅飲品，以想不到會咁夾，鹹檸檬嘅鹹香，雪碧嘅甜，再加檸檬嘅酸，正，有齊清新開胃爽口嘅感覺。

老闆放假又有機會鼠出去食午餐，緊係去遠少少搵好野食，天氣唔太熱去勝香園食茄牛通剛剛好12點幾已經坐滿曬人要等位，但都冇阻我食茄牛通既決心💪🏼～好唔容易終於有位坐拿拿聲叫阿姐落個單先～來到呢度緊係要飲埋呢到最正既鹹檸七啦～飲兩啖，落兩下七喜，再篤兩下鹹檸剛剛好再來個檸檬脆脆～好味得濟食淨一舊先記得影～下次食埋個奶油脆脆先得～我個茄牛通泥喇，貫徹始終既濃茄味湯底再加肥大既通粉，好味又充實，連茄湯都做到掛杯效果就知佢落足料啦，食完happy又去開工嚕～

好耐冇食過🍅味濃嘅通粉啦～ 一班友講起身勝香園，就興致勃勃，決定要食返餐。幫襯過嘅都知道來勝香園要自己搵位，lee日眞係好彩，來得早，冇乜人等位之餘，姐姐仲好好聲氣問我哋幾多個人，輕鬆就搵到四人位✌️lee日有d熱，好大太陽～ 大排檔style嘅戶外茶記，你都咪話唔熱吖～坐定定，揀嘢食～ 嗰menu眞係需要清潔一下🙈🙈識食梗係食蕃茄通粉啦！湯汁相對公仔麵等其他粉面更濃郁更入味。番茄鮮牛肉蛋通粉湯底好濃，面頭仲有新鮮🍅，但都食得出有茄膏；牛肉略帶牛味，慶幸並沒有醃過龍導致肉質變梅；蛋，是7成熟煎蛋，可以戳穿蛋黃，與🍅湯融為一體，另有一番風味；通粉中空，更易吸收，食落特別正凍鹹檸七由兩片新鮮檸檬加鹹檸組成嘅凍鹹檸七，眞係消暑解渴～ 鹹檸係真材實料，好夠味！鮮油奶多冇得彈！多士兩面都烘到香脆，練奶的份量恰到好處，精髓在於中間夾住嗰件牛油雖然好邪惡，但如果換咗只係掃兩下牛油，完全唔係同一回事！e家諗起都會流口水嘅一款小食～ 牛油檸檬汁蜜糖脆脆個人認為佢係一款升級版奶油豬。麵包烘至香脆，由於有牛油、🍋汁同蜜糖，脆脆係酸酸甜甜又香口。好多人來勝香園，除咗為咗碗茄通，好大因素係lee款脆脆～通常一d久

偶然想念勝香園的檸蜜脆脆。食慾既起，就停不下來。沒想到，今日一去，得啖笑。去過勝香園都知道，搵位難是必然。我和同事早有心理準備。置身這種人多擠迫的大排檔，我會要求自己：1、 盡快食完盡快走2、 不要要求多多3、 坐迫少少，予人方便勝香園是自由搵位機制，所謂眼明手快爭櫈仔。眼尾瞥見有一個吉位，二話不快我趕快一屁股坐下，同事基於風度，先讓我坐著，我們先下單，等上菜時應該有位坐吧。蕃茄牛肉通，每人一個檸蜜脆脆，我叫了杯凍鹹檸七。右手邊的女生快要吃完了，我們以為快有位子了。她舉手了！對！埋單吧！走吧！沒想到！「奶咖央多丫唔該」她居然再加單。她同行的朋友又再叫一碗茄麵。一樣吃完才叫另一樣，慢條斯理，完全沒有要走的樣子。對面坐著一對母女，更離譜。自攜食物，淨叫飲品，霸著椅子，自顧自吃，無視店家怒睥。這時我們叫的食物來了！同事的食物也來了，可是仍未有位子。「我借大脾你坐？」我講笑。「一係在我頭頂吃吧？」「立食？」哈哈「不然搬張櫈來坐住先吧？」我說。左手面是一對情侶，男人已經黑面，冷冷的對我同事說：「你不能霸佔我的位置！」沒有坐下，何來霸佔？這時，我對面的人剛好吃完了情侶的女生打算挪一個位，讓我同事可

呢間野都食過好幾次喇，大熱天時行到身水身汗咁又無冷氣仲要食湯面，係得呢一間令我咁有恆心再去食。不過要食到都唔係咁易，因為佢好早就關門，好似我呢啲唔係係中環做野既人，要等閒日放假仲要三四點個時先好去，因為要排好長龍架lunch time。位置係九記牛腩對面，係香港站出行上去會舒服啲同近啲。每次去到都覺得啲落單姐姐好勁，記性好好。同埋佢地都好nice，見我地揀到十五十六個時會建議我地食咩。檸蜜脆脆係每次都必叫既，另外叫左凍奶茶，咸檸七同蕃茄牛肉面。呢個非一般既茄牛面($25)令我呢個唔食蕃茄既人都愛上左。佢既湯底雖然係用罐頭蕃茄醬加新鮮蕃茄整既，但完全係用面好夾！啲面吸哂鮮甜既蕃茄味，又唔會太甜。啲牛肉不得不提，完全無泎，又唔重味精味，配合埋鮮茄既鮮味簡直無得彈！至於必食既檸蜜脆脆($8)，其實係焗脆左既豬仔包查左自制既檸檬加蜜糖醬，簡直係 perfect match！即叫即整，再砌到好似個米奇老鼠頭咁，香噴噴，一見到流哂口水！淡淡既檸檬味隨住呀姐拎住檸蜜脆脆行過黎就知道有野食喇！一咬落去卡一聲，焗得岩岩好，個邊同個面係脆既，中間啲面包暖暖地，之後係檸檬既味到先出現，感覺好fresh，小小

炎熱的下午，當大家決定待在有空調的地方享受一個午餐，我們卻決定走斜路丶到一個沒有任何空調的地方來個午餐。到外國留學最懷念的是香港最地道的食物，勝香園這名字聽了很多次，可是卻一直也沒有機會一試，所以離開香港前怎也要來一次。到達時排隊的食客已多至Wine Bar by Paul's Kitchen，不過排隊大概花了二十分鐘，便可以坐下了。這兒的位子在排隊的時候已一覽無遺，我們被安排坐至麵包製作旁邊的位子坐下，可算是味覺視覺上的享受了。坐下時家人們已大汗淋漓，他們都各點了汽水，可是到勝香園怎能不一試它的飲品呢？凍鹹檸七($12)送上時已代為篤好檸檬，只要把雪碧倒進杯內便可以享用了。雪碧冰感十足，喝一口為這炎熱的午餐降溫不少。鹹檸檬加上雪碧，消暑清爽，檸檬的味道更是令人越喝越開胃呢！喝了冰涼的飲品後，我們便不若而同地把目光放到旁邊的麵包區。由豬仔包從多士爐跳出來，塗醬再把豬仔包放成米奇老鼠的樣子，一碟又一碟出爐的脆脆也不是送到我們的面前，急不及待的心情也越來越強。差不多十份脆脆出爐之後，第十一份的牛油檸蜜汁蜜糖脆脆($9)終於送到我們面前了。豬仔包旁邊的部份烘得帶點焦香，中心部份的表面香脆可口

主人與奴隸獸途經『勝香園』時，竟然發現有座位，（機不可失呀！）即時決定食個 Brunch 也不錯1. 凍鹹檸七（HK$12）：很久沒有飲這款飲品了，點來回味一下，現在已用『雪碧』代替了『七喜』，不過味道依舊。2. 蕃茄蛋鮮牛肉麵（HK$25）：蕃茄味濃郁，牛肉又腍又滑，一碗百吃不厭的湯麵。3. 鮮油脆脆（HK$8）：香脆的豬仔包夾著厚厚的牛油，簡單，卻美味無窮。4. 牛油檸檬蜜糖脆脆（HK$8）：清新的檸檬汁，淡淡香甜的蜜糖，配合牛油脆脆，難以想像的好味，成為『勝香園』的超人氣食品，實至名歸。