博多拉麵別天神 (已結業)

試過佢兩隻湯，私心偏愛豚骨湯！因為好難得地好清甜而唔膩，湯呈奶白色🤩，唔係黃色好油個隻！好喜歡！！食個陣會忍唔住飲左好多湯～佢聲稱湯係100%豚骨+純水，無牛乳、豬骨粉、味精。不過食完隔左一陣，點都會有d口渴既呢間拉麵係用幼身麵條，叉燒係比較瘦(我鍾意)，但肉質唔乾，味道不過不失💡順帶一提，套餐先會連埋半熟糖心蛋x1 ，所以想食蛋就要叫淨麵+蛋，或者叫套餐～蛋唔會過咸，但唔夠半生別天神套餐 $105 推介🌟必點！！蝦味噌套餐 $115 (櫻花蝦夠多，有粟米，成個湯會即刻清甜左~不過都係鍾意食呢間既豚骨湯多d!)而家好多拉麵店賣得好貴，成百幾蚊碗，呢間嘅套餐幾抵！可以配小龍蝦蟹籽沙律 / 餃子，所以叫左各一💛小龍蝦蟹籽沙律有驚喜，我地一致認為好好食！推介💛餃子都唔錯另外，個麥茶好好飲！！味道: 8/10性價比: 8/10📍博多拉麵別天神銅鑼灣告士打道277號地下3A號舖 (CWB近D4出口)

今日要去銅鑼灣辦啲私事，咁就梗係食埋先返歸啦。友人話好耐冇食拉麵🍜，又係快靚正之選，我當然奉陪！別天神嘅Menu, 對於我呢啲有選擇困難症嘅，真係好幫到手！。📌別天神套餐 $105 ～ 豚骨湯麵 + 小食每次都保持水準，濃白豚骨湯底，唔會好咸啱啱好，感覺冇咁高鈉，加埋爽口木耳絲，健康啲！😃📌蝦味噌套餐 $115 ～ 蝦味噌豚骨湯麵 + 小食今次塊瘦叉燒啱晒我，薄薄哋又有口感，太厚反而好爛咬㖭，呢個啱啱好。仲有入口即溶嘅半熟蛋呀，見到都流口水！🤤特別鍾意佢嘅冰凍玄米茶，夠茶香，無限隨便添飲。自助調味吧、辣芽菜每次都令我碗拉麵生色不少！

博多別天係我經常幫襯既拉麵店！間唔中都心思思會掛住佢地~~店舖雖小，只有10多個坐位！而且麵既款式只有2款及數款小食~但味道已足夠我經常 encore 佢地有自助售賣機係門口，買完野食拎飛就可以入去搵位坐，比完飛店員就等食啦！台上面既醬料齊全，飲用水及紙巾都係自助自取的！佢地仲有教點樣自行調製別天神既隱藏口味添，未試過可以跟住試下~我就點左別天神套餐即係豚骨湯麵配小龍蝦蟹子沙律！小龍蝦蟹子沙律係我最推介的，每次我都係為左佢而來~~~用紫菜包住小龍蝦沙律黎食特別好味又爽口，個沙律仲有好多小龍蝦肉，絕對足料！一來就呷一口湯底，濃而不膩既豬骨湯，帶左微微甜味岩哂我口味！麵質彈牙爽滑，豚肉半肥瘦岩哂女仕們，仲有埋木耳絲增加口感；而隻半熟蛋整得剛剛好，記得要食左先，太熟會唔好食架！佢地既水準都無變，一樣好食！抵我一直支持佢地呢～

今晚想食拉麵，同屋企人去別天神。我地一個月都去食1-2次。前面有一group5人既食客排緊隊，佢地好好叫我地先坐，因為有2個吉位。推讓左一輪，盛情難卻，我地就照買飛入去坐。豚骨湯一如既往地好味，鍾意佢夠濃味。豚肉又夠冧，流心蛋都好出色，小龍蝦沙律都好好味。另外，牆上寫左蛋係用日本蛋，食得安心d.

因為幪面超人關係，去銅鑼灣行街就特地來呢度搵食。呢間拉麵店門面好細，有機會行過左都唔知，好彩佢門口有個易拉架見到拉打。呢個店好有日本拉麵店特色，係門口有部機自助買飛落order，店內坐位不多，10個左右🤔，無認真數過。2個人叫左2個套餐，一個別天神套餐，一個蝦味噌套餐，配小龍蝦蟹籽沙律及餃子。湯底好濃好好味，拉麵軟硬適中，別天神叉燒比蝦味噌嘅厚好多，唔知係咁岩定各有特色🤔，我鍾意食半熟蛋，一啜入口就溶左🤭。小龍蝦蟹籽沙律估唔到好多小龍蝦喎，啖啖肉，味道都唔差。餃子就一般，不過不失啦，同其他拉麵店差不多。

銅鑼灣行街順便食晚飯，經過見到呢間好有日式風味餐廳，就入左去試~塊面有自動售票機，成個感覺就好似日本食拉麵嘅時候咁~入面嘅裝修都好有日本風格，客人排排坐食拉麵，衣物可以掛起，而且都可以睇住廚師煮嘢食~叫咗別天神套餐，包左一碗豚骨湯拉麵同埋一份小龍蝦蟹子沙律~小龍蝦沙律作為頭盤食比較冰涼，較適合炎炎夏日作為醒胃嘅前菜，沙律入邊有淡淡龍蝦肉粒，都幾足料，味道都覺鮮甜，加埋紫菜一齊食別有一番風味~豚骨湯拉麵嘅白湯比較濃郁，味道都夠鮮甜，拉麵嘅材料都算多，有原隻糖心蛋同埋一啲黑木耳絲，木耳絲夠爽脆，拉麵亦夠彈牙，整體口感都不錯～餐廳亦有教客人如何調製更更濃郁嘅湯底，我食咗一半之後就嘗試跟佢嘅方法調製，包括加拉麵醬油同埋蒜蓉醬，撈埋拉麵一齊食，個人應為蒜蓉味嘅味道較重，落少少其實已經可以增加整體嘅鮮味，湯底的確係更加濃郁，亦都會食到額外蒜蓉嘅味道～另外叫咗蝦味噌套餐，小食方面揀左餃子，蝦湯拉麵湯底夠濃郁，食到新鮮蝦味，而且加咗櫻花蝦仔令整體口感提升，拉麵配料亦都夠多，除咗豚骨之外亦都有糖心蛋同黑木耳絲，豚骨肥瘦都夠適中，不會有滿口油膩感～餃子整體皮薄餡都足夠，比較欣賞佢能夠鎖住肉汁，唔會剪得太乾

我係拉麵愛好者，凡係日本美食，我都愛，至於日本女人⋯呢度唔講呢衰野。聽聞呢間拉麵幾出名，但我食野好少聽人講，通常自己試先知。一睇餐牌，正路，選擇唔多。揀最平個套餐試一試水溫先。別天神套餐套餐配餃子。餃子不過不失，稱不上驚喜，又未至於差，足料但食落不會狂拍掌，感動到喊個種。至於拉麵，湯底幾濃稠，不錯。麵條都是麵條味，不會老吹到頂級麵。溏心蛋幾香，差燒，打錯，是叉燒。幾軟腍，無渣，不俗。呢間拉麵整體平穩，不見驚喜。拉麵個湯底好，一般都不會難食，咁多好評只可以推論d人前世未食過好食拉麵？

其實我在試食銅鑼灣告士打道「博多拉麵別天神」之前，其實本來是想光顧上環另一間麵店「無X家」的，奈何我去到上環「孖沙街」時，才發現「無X家」沒有開門營業，我百思不得其解，直到今日我上網才發現，原來「無X家」逢星期日休息，我忿極而嘆，嘆甚於憤。我無奈期間，突然想起銅鑼灣還有一間日本拉麵店，關注了很久卻忘記了幫襯。是因緣際會也好，是記不起的事突然想起也好，我惟有坐上港鐵，趕到銅鑼灣，找這間本來被我遺忘，忘記很久的博多拉麵店。這間銅鑼灣日本拉麵店「博多拉麵別天神」，我曾經多次跟它擦身而過，多次路過卻對它視而不見。第一次因為雪糕蜜瓜包，第二次因為「別天神」旁邊的茶餐廳「讚X廚房」，結果第三次我才真正吃到「別天神」的拉麵。「博多拉麵別天神」的店舖面積不算很大，座位只有廚房對出吧台幾個位而已，我坐上店舖門口旁邊的座位，還要用餐之前先付款購票，大概是店舖太小沒門口，店員怕有任何「意外」，為安全計只能讓日本拉麵店沿用快餐店模式，先錢後貨。「博多拉麵別天神」不單止賣的拉麵款式不多，就連拉麵以外的小食，亦僅限於煎餃子和「小龍蝦蟹籽沙律」兩種而已。就算你乾脆直接選擇「別天神套餐」或「蝦味噌套餐」，結果你還是要