forte (已結業)

見今個月做緊生日優惠就黎左食晚市套餐 只要生日個位成為會員就可以帶多一位成人 咁生日個位就免費 連加一都唔洗🤩呢個隨心所「肉」套餐都包左豐富嘅食物，頭盤有刺身合盛，海鮮拼盤，用料都幾新鮮，味道唔錯👍🏻然後就有餐湯同埋麵包，我哋揀咗西湯係南瓜湯，味道幾濃，跟餐餐包有兩款，味道都幾特別。但沙律味道就一般主菜我地分別揀左澳洲穀飼牛肉眼扒，呢個叫左5成，幾有牛肉味同埋唔會太韌；同埋叫左威靈頓鴨肝澳洲牛柳，呢個個人認為好好味，肉夠林同埋酥皮唔會好膩，加埋入面鴨肝嘅味食落都幾鮮，同埋少少creamy。配菜個薯角都好味。最後有甜品，有得揀水果拼盤或者hagendazz雪糕，我地揀左雪糕，有香蕉味同雲尼拿味。同埋有杯茶或者咖啡。生日優惠包一個火焰雪山，呢個係雲尼拿雪糕加蛋糕，味道唔錯，同埋會包兩杯紅酒或者氣酒。生日嘅話呢個套餐真係好抵食。

食飯幾時都係睇心情，開心一餐唔開心又一餐。今日屋企無煮飯就約朋友出黎食。因為市面大部分餐廳都無開，就GOOGLE咗附近有咩好食。雖然呢度位處酒店入面但人流不多，每枱相隔都夠寛闊，唔怕傳染。前菜係幾款刺身，甜蝦／三文魚／油甘魚同吞拿魚都幾鮮味，連平時不太會點嘅希靈魚都唔錯，可能係近期餓在家中得太耐，對各種食物都有加分，哈哈。冰鎮海鮮拼盤有鮑魚／海螺／長腳蟹／海蝦／小龍蝦／大蜆及青口等。因為凍食更加可以品嚐到食物嘅原汁原味。最重要係各款貝類都無沙，可以大啖大啖咁食落肚。小龍蝦好多膏，食落甘香。海螺就爽口彈牙，肉質結實。加上少少芥末或者紅酒醋，更能提鮮去腥，相得益彰。小食拼盤有三文魚卷／泰式青木瓜甘荀沙律／車厘茄水牛芝士及沙律菜。煙三文魚夠肥美，配上小粒橄欖，味道提升唔少。青木瓜沙律經過腌製逼走多餘水分，所以更有風味。餐湯係雜菌濃湯，入口甘香幼滑又唔油膩。值得一讚係餐湯配包，有兩種分別係法包片及黑面包。兩款都十分鬆軟，配上調味牛油後，突顥出小麥粉味嘅濃郁。好味。餐湯過後就正式進入主菜環節。三人每人一道主菜分別係薑蔥蒸石班／澳洲穀飼牛肉眼扒／紐西蘭羊扒。每款都分量十足，令人飽餐一頓。薑蔥蒸石班

最近疫情愈趨嚴重，外出用膳尤其是自助餐當然可免則免，不少酒店餐廳都加強衛生措施和作出調整配合。之前曾經來過觀塘如心艾朗酒店forte享用半自助餐覺得稱心滿意，現今亦暫時將改變模式為晚市套餐，整體而言依然物超所值。座位之間距離更遠、入座前客人均需探熱、提供酒精搓手液等防疫措施固然不可或缺，最近盡量留在家中無疑是最好不過，但如偶爾想外出吃飯或慶祝特別日子的話，選擇這些做足準備的餐廳定必更加安全安心。刺身合盛有三文魚、吞拿魚、希靈魚、墨魚及甜蝦。冰鎮海鮮包括鮑魚、蝦、蟹腳、蜆、翡翠螺、青口及小龍蝦，當中又以鮑魚最為出色，肉質爽彈鮮美，但蝦和螺等則鮮味欠奉需要依賴醬汁調味。然後送上麵包及沙律前菜。中式湯紅蘿蔔佛手瓜湯清甜健康，而西式湯羅宋湯當中雜菜份量亦相當豐沛。每人$308的晚市套餐可自選一份主菜，而我則選擇了純種韓牛1++西冷扒 (+$200)，肉質豐腴多汁之餘油香充沛。另外亦有$358的任食套餐，澳洲穀飼牛肉眼扒、澳洲穀飼西冷扒、紐西蘭頂級牛柳、岩鹽燒美國牛仔骨和澳洲T骨牛扒均為無限量供應。先後點了澳洲穀飼牛肉眼扒、澳洲穀飼西冷扒和紐西蘭頂級牛柳，肉眼扒最為軟嫩肥美、西冷肉質較乾但肉味最