為食火鍋公司

營業中

休息中

而家好難搵到無限時火鍋, 呢度可以三五知已一齊吹水慢慢嘆。但以一個人400蚊(連加一)嚟計, 會希望食物質素有返咁上下。第一round 嘅小食, 雞腳, 炸物, 普通到懶得影, 甚至有少少覺得難食。賣相比較好嘅沙律第二round 係刺身, 都係普通嘢。第三round係雞煲, 好細隻雞仔, 冇乜肉, 可以無限任添, 但都只係食1 round算啦第四round係火鍋, 同雞煲分開唔同鍋。靚海鮮同靚牛限定一盤, 食落感覺好一般, 其他任叫嘅配料都冇乜亮點, 肉質唔係太好。

之前喺朋友IG睇到介紹已經好想試吓！因為呢間火鍋店寵物主題好cute！入到店已經見到牆上好多可愛狗狗，門口仲有figure義賣，善款將不扣除成本捐給香港拯救貓狗動物協會，所以未食已經覺得呢度好有愛。個放題都好好食，所以呢間係值得save低去食嘅！我哋食嘅係 $318 任食火鍋套餐，有高質嘅小食、刺身、雞煲、火鍋海鮮拼盤、豪華牛肉拼盤，同埋其他火鍋配料任食、飲品任飲。唔只雞煲非常惹味， 海鮮拼盤及牛肉拼盤都非常有質素，尤其澳洲M5和牛肩甲肉、封門柳，油香濃郁入口即化，鮑魚、元貝、虎蝦新鮮仲好巨型㖭！不過我哋覺得最驚喜一開頭嘅小食部份，因為刺身、雞煲、火鍋都預咗好食，估唔到比較少人提嘅酸甜炸大腸、鮑汁雞腳、唐陽脆炸雞、甜番薯條都咁正，搞到我哋唔小心食多咗，差啲食唔落個火鍋。湯底選擇有櫻桃蕃茄薯仔、黃金皮蛋芫荽、高湯牛尾、麻辣鍋，可以揀鴛鴦鍋（+$20)

話說有日行街路過見到依間新餐廳，門口有d狗公仔，就好奇依間係咩餐廳，原來係間火鍋店。上黎OpenRice望一望，就發現有優惠，就那那臨book左位，滿四位送一位。我地5個人，就收四個人錢，埋單$1500有找。我地叫左$318套餐，無限時任食，一坐低就黎左個刺身拼盤，味道正常。之後就上左雞煲同西蘭花鮑魚，依兩樣好好食。雞好嫩好香。（掛住食，唔記得影相🤣）食完雞煲，就轉煲打邊爐。d職員係我地食雞煲個陣幫我地換左次骨碟，跟住，打邊爐前再幫我地換多次碗碟，服務好好。打邊爐既野食，全部都好好食，全部都好新鮮。食完晒所有野後，仲有個牛奶燉蛋白，都係好好食，唔甜，好香。依間野可以再encore。