極尚大瀛喜日本料理 (已結業)

我同朋友都鐘意食放題，所以間唔中都會去食。今次我地又再encore 呢間放題😋我哋叫咗三文魚、油甘魚、帶子、劍魚腩、赤蝦、甜蝦。刺身同上次一樣都係好鮮甜肥美又厚切😍😋所以encore 咗幾次😆😋壽司方面真係好多款！除咗叫咗炙燒壽司同手握壽司之外，仲叫咗芝士鰻魚玉子燒、黑松露拖羅魚籽塔、七味芝士蒜蓉大蝦。我自己最鍾意炙燒壽司同七味芝士蒜蓉大蝦。因為炙燒燒到d魚油出嚟入口即溶勁香魚油味😍而七味芝士蒜蓉大蝦好好香蒜味👍🏻燒香草羊鞍同牛舌超好味！😍😋蒲燒鰻魚好肥美又厚😍另外，今次見到有乳鴿，咁真係要試吓先！ 估唔到放題嘅乳鴿咁好食！！好有水準！一d都唔hea!我仲食唔幾舊😆😋而炸蝦天婦羅🍤卜卜脆又唔會成口粉👍🏻另外仲叫咗鮮蟹粥、雪花牛肉鍋、牛油煮鮮大蜆。鮮蟹粥好鮮甜，粥又綿😋 雪花牛肉鍋味道帶甜，牛肉又大片👍🏻最後要食返個甜品做結尾😋真係大滿足呀😆

和好耐無見的朋友在銅鑼灣食飯，最佳選擇是放題，12:00-15:00食足三小時也傾足三小時。雖是平日也差不多全場滿座，但由於餐廳面積寬大，並不嘈吵或擠迫，而且大多是卡座及半沙發座位，二人一枱，非常闊落。用QRcode落單，上菜迅速，侍應收碟也勤快。刺身選擇多，我們選了三文魚、吞拿魚和油甘魚，還有甜蝦、赤蝦和北海道帶子。整盤刺身賣相非常漂亮，魚類刺身新鮮厚切，蝦類和帶子鮮甜美味。壽司小巧有創意，我們選了蒜香牛肉卷、鰻魚忌廉芝士卷和蝦多士這幾款較特別的，有新鮮感又好味。燒物一定要叫燒香草羊鞍、蒲燒鰻魚和比目魚西京燒。三大皇牌，通常都encore。熱食選了辣酒煮花螺、炆花膠、白酒煮蜆和炒通菜。熱辣辣幾好味，尤其那花膠非常大片腍滑，有驚喜。自助區還有好多選擇，雜菜煮蝦仁超好味，翠玉瓜和雜菇都很清甜，我出去取了兩次，當飯食！所以炒飯、烏冬之類的主食就無叫到了，因為還要留肚食甜品呢。甜品款式真多，蛋糕、慕絲、豆腐花、和菓子等應有盡有。特別推薦燕窩牛乳布甸和香橙慕絲，好正。最後食埋雪糕雪條，痛快滿足。平均每人連加一只是二百多點，物超所值。

Lunch放題超高質！一坐低就放低左個QR code俾我地可以電話落單，好環保好方便，仲要冇乜點漏過單 👍🏻特別推介係燒饅魚。嘩! 平時日本餐廳叫個鰻魚飯得5-6舊賣舊幾水，呢度俾$200加一 $220 就可以任食，下次可約埋FD黎呢度齋食鰻魚 😂 天婦羅都好正呀，特別欣賞蝦同蟹柳，炸鮮奶都勁好味，100分 😍肉方面呢，牛舌同羊架係必食，熱辣辣，又夠調味，juicy! 刺身唔使講，一睇相就知佢冇慳住俾，魚生大大塊，甜蝦大大隻。好甜好新鮮。芝麻雞翼係炸雞翼，漲卜卜，好脆炸得好好。甜品老實講係麻麻地，但有好多唔同色既馬卡龍，食落唔多甜，拎黎打卡影相都好好呀! 😙值得一提閒日午市有個後生仔好靚仔，韓仔style，服務態度超好又好笑容，大家可以去偶遇下佢 🤣

呢間放題一出地鐵就見到好方便，約朋友都好方便。同一幢大廈還有另一間規模頗大的放題店，記得約朋友要講清楚地址呀。兩所集團的放題我都食過，各有特色。而呢一間比我既感覺係刺身更為出色，另有一些原創食物。魚生種類眾多，蝦都有甜蝦、虎蝦同珍寶蝦三款。用app落單有相參考，但我睇錯一張貌似北寄貝的相，後來才發現係吞拿魚。各種刺身質素都係水準以上，因為朋友係玻璃肚，呢一餐既刺身好夠凍都好重要。三款蝦都幾彈牙，吞拿魚超水準送上雪花的腩位，唔會有腥味! 食完生冷野叫左一窩蟹粥暖胃，份量唔多兩個人都可以吃光光。蟹身比較細蟹肉都幾多，仲可以用蟹膏伴粥食。因為有蔬菜粟米煮粥，甜甜的好易入口。酒樓先有既瑤柱扒豆苗都有得嗌，茨汁淡淡地唔鹹，如果有小朋友同枱食飯真係必點呀。壽司方面款款係迷你size, 一口一粒不經意食左好多件。最值得點池魚同燒左口魚壽司，兩款入口滑溜可以encore!其他放題未必有既避風塘魷魚做法都幾似模似樣，一碟有3件總共6隻腳。個人覺得一點都唔辣，鹹香味突出。食到一半可以出去自助取飲品小食或甜品。小食主要為日式前菜，另有沙律吧供應飲品連枝裝既都有，更有日本提子酒同啤酒，唔飲甜既亦可以揀樽裝茶同

今日下午同老公來到銅鑼灣，辛勞上班，當然想好好獎勵一下自己，所以便去這放題盡情吃，而且之前聽同事說這間也不錯呢！ 原來現在是可以用微訊或下載軟件來點菜，真方便！而且，餐廳還有提供WiFi! 點菜也點得十分順暢！介面非常清晰，點單快捷！還可以重看點了什麼，當然大家也可以用傳統的寫紙點菜。 值得一讚的是，店家上菜的速度很快，而職員服務有效率，常常協助收拾桌面，使桌面保持整潔。而友人點的天婦羅、鯖魚、也是水凖之上，天婦羅的炸粉很鬆脆，而且皮薄上枱嘅時候還是暖熱的，一咬下更是卜卜脆。這裡有好多種類嘅刺身，均十分鮮美，三文魚、帶子、八爪魚等也是我的首選！店家有不少飲品提供，最有印象的是梅酒，少有的飲品，酸酸甜甜，十分醒神，飲過後身體更有暖意！相信秋冬來飲用更有感覺！最後就是我最喜愛的甜品環節，甜品也有不少嘅選擇(薄薄豆花，綠茶紅豆雪米滋（大推），雪條，雪糕)，令今次嘅放題有個完美嘅結尾。 最後，餐廳的座位寬敞，不會有壓迫感，座位與座位之間有適當嘅距離，所以坐得舒服，值得一讚！

👁‍🗨 晚市放題 💲278➰ 前排公眾假期黎到，人多到癲🤦🏻‍♀️好彩有一早訂左位，都算係一輪輪咁準時入座😎限食兩個鐘，所以一入去就拿拿臨落曬所有單先😳以下只係包括我自己食左嗰啲，其實咁睇返都唔係食左好多啫🤪👈🏻第一樣就梗係叫咗好多🌟刺身，差唔多全部款式都叫曬咁濟，算係切得厚身同埋新鮮🍣👈🏻叫左個鹽燒三文魚火炙壽司試下，三文魚燒得比較腍身，所以散散地，但係都香口既🍙👈🏻創作料理嗰度叫左個極尚花之戀，有三文魚籽同三文魚，係一口size，過下口癮係得既💁🏻‍♀️👈🏻串燒有鹽燒牛舌同埋鹽燒雞軟骨串，兩樣食落都好有咬口，但係調味都幾重🤤食完會口乾👈🏻燒物入面既七味醬燒雞翼，食落辣辣地，都惹味🤗個燒紐西蘭香草羊胺我食得到既，都即係唔會話好蘇🤭蒲燒鰻魚就一般，食落硬身，同埋細細舊都有骨👈🏻炸物就有吉列炸蠔，舊蠔梅梅地，好似唔夠新鮮🤥我反而鍾意個🌟榴槤炸彈，暖笠笠，榴槤蓉仲係流心既，個味都夠濃，食完兩粒唔夠喉要再叫👻👈🏻天婦羅方面叫左虎蝦天婦羅同溫室南瓜天婦羅，炸粉正常厚度，但係炸得唔夠脆身，食落腍腍地，不過味道還好，南瓜甜甜地唔錯🎃👈🏻至於一品料理，個鐵板蒜片牛柳粒，同串燒一樣重調味，呢個仲要勁鹹，口

今日興起同老公去咗極尚大瀛喜食放題，聽咗好耐，好多人介紹，口碑好好，今日終於有機會一試，結果果然冇令我哋失望，這鋪裝修和食品的質素非常之高 ,仲有我最喜歡的天婦羅和特別的炸一口芝士，創意無限的榴櫣炸彈好味到不得了！一品鍋都有幾款，簡直係應有盡有，連平時對嘢食極有要求的老公都讚好。而且出品好，出品快，員工的態度也非常之好親切並且很殷勤，自助吧fill 嘢都fill得好快，Keep 住新鮮出品同一定夠你食。一句講晒，超抵食！

以前食放題都離唔開果幾間，主要原因都係價位相對低，質素又唔差，不過食得多都想轉下食下第二間，極尚大瀛喜雖然價錢貴少少，但食物質素都得到唔少人喜愛，所謂一分錢一分貨，今次同朋友就黎左呢到豪食XD 大瀛喜都有幾間店，但升級版「極尚大瀛喜」就暫時得三間，同朋友黎左銅鑼灣呢間，最多人食之餘又就腳。7點左右黎到已經坐滿咁濟，好彩我地兩個BOOK 定位先可以輕鬆入去，如果唔係黎到冇得即刻食。坐低之後都會循例周圍行下睇下有咩前菜等等，呢到就有啲炸薯角、薯條既食物，不過呢啲都係拎一兩條就要停手。甜點位，有馬卡龍、脆片、軟糖等等，主要都係吸引小朋友去拎，對我地黎講，目標不在這XD飲品位，選擇就真係比出面多好多，而且大部份係7仔買都要$10以上，椰青水就成為左我地頭號目標，成餐都只飲呢款，哈哈！前菜拎左海蜇、芝麻八爪魚、螺頭等等，食落味道都唔錯，八爪魚好有咬口，為食刺身打好個底～點餐紙圖文並茂，差唔多款款都有樣睇，而且熟食選擇好多，但兩人食又唔敢嗌太多。刺身件件都新鮮彈牙， 三文魚口感好唔肥膩，甜蝦相對地大隻，腥味唔算勁，虎蝦新鮮爽彈，其他都唔錯！壽司飯大小適中，岩岩好被刺身包裹住，火炙系列通常都係最常嗌

上星期一，同公司Ge 葡萄王子食送行飯，過幾日就要返意大利，繼續升學，有可能下年先會再返黎啦，非常不捨得，記得佢教我地講意大利粗口（Cazz）同記得佢講過，係意大利成日都去食放題，咁岩住係佢附近的極尚大喜屋 2130黎有85折😍😍😍 岩曬。首先葡萄王子問：有冇酒飲嫁？ 毫不猶豫sure 啦🍻🍻 重有梅酒Tim 🍶🍶正呀 大家可以一試🍻 之後陸續有黎 🍣🍣🍗🍗🍤 我唔客氣啦 😋😋。今餐王子都好滿意（平時幾嘴饞)，話哂都係farewell 飯，好采無令人失望。

最近唔知做咩，約親d 約會都係食放題。。。（雖然我本身都好鍾意食嘿嘿）突然發現自己寫左好多放題既食評，踏上放題食家之路？（哈）而家食多左開始識得比較，有d以前覺得好食既，而家發現原來好普通。有d餐廳，而家先發現有幾好！大家都知放題既名係透露到餐廳既級別今次食呢間極尚大瀛喜都幾期待，話曬都"極尚"wor!入到去已經見到有一排沙律前菜bar同埋甜品櫃上次去x屋見到d自助區已經好驚艷，點知今次應該有過之而無不及。沙律區d基本款都齊（例如中華沙律、胡麻豆腐之類）另外仲有新鮮既沙律菜可以自己夾。而前菜就有很多少見既款式，譬如岩好有一盤新鮮熱辣既章魚小丸子端上黎。熱辣辣既小丸子細細粒但都幾足料。d前菜每次夾完都會換d新款，有新鮮感。呢度連湯都有兩款，中湯同日式麵豉湯。分量自己裝，可以每樣都試少少（唔洗每次都成盅飲曬甘飽！）但個湯我嫌略甜（因為系蘋果煲雪梨哈哈），我個人比較中意飲鹹d既湯。不過甜都證明佢足料。坐低落單，就算冇前菜甜品，一樣有成疊紙，選擇唔少。一餐完美既放題，當然由刺身開始。刺身既擺盤睇落好高級，噴曬煙甘！特別推介呢度既蝦，大赤蝦咬落啖啖肉，甜蝦就肉質嫩滑，高質。而壽司方面，toppi

日式放題在銅鑼灣區一帶都算多選擇的，不過這家有點驚喜。甜品熟食飲品款式幾多，個人喜歡刺身帶子，甜蝦及希靈魚！ 飲品選擇是最驚喜的一環，有大熱的椰子水，韓式啤酒及港式飲品成本都算高的！是不錯的選擇呢！一直都在選一些有口碑的日式放題店，最近試的這間算是不錯，裝修位置感覺良好，人流方面星期一來說都尚算多人，任食菜式有刺身、卷物、壽司、串燒、沙律、甜品等！甜品有yogurt，朱古力小旦糕，tiramisu 就連macaron馬卡龍都有呢！

星期三晚farewell 同事，我們一行人就去到這間極尚大𤅀喜食放題，雖然一早訂左位，但因為很多人，所以仍要等位。在等位時，我見到很多款式的日式食物可供點選，連加一，一個人二百幾蚊絕對十分抵食，到底有咩食？等我逐一為大家介紹。先說壽司，壽司和刺身款式好多，有三文魚，加州卷，鰻魚壽司，芝士鰻魚燒玉子，蟹籽軍艦，炸蝦壽司，炸軟殼蟹壽司，八爪魚壽司，花之卷，鵝肝帶子壽司，芒果沙律大蝦壽司，刺身方面有牡丹蝦，帶子，三文魚等，壽司和刺身都好新鮮，壽司款式很多。除了壽司和刺身外，還有沙律，冷麵，炸物，羊架，浦燒鰻魚，燒海虎蝦，磯燒元貝，鹽燒海虎蝦，千島醬芝士焗元貝，燒菠蘿，日式蕃薯，咖哩炒蟹，椰子雞鍋，牛肉鍋，燒牛舌，蟹粥，甜品等，應有盡有。最驚喜是浦燒鰻魚，很多日式料理店都只得一至兩塊鰻魚夾著壽司或手卷來吃，但這兒竟然任食，羊架都可以任點任食，而且味道幾好，鰻魚控的我當然狂食，羊架我則一般，覺得有點氈味，串燒牛舌夠稔，千島醬芝士焗元貝，千島醬酸酸甜甜，配芝士和元貝，一點都不膩，而且口感不俗。炸物方面包括有炸蝦，炸皇帝蟹柳，炸芝士蝦球，炸吉列蠔，燒雞翼，炸芝士等，這些炸物大家都食得多，想不到這間日

早前跟朋友去完歐陸嘉年華, 玩完一輪大家當然要勁食一餐, 所以早兩天前已經訂檯, 因為除時無位, 到當日下午, 餐廳會致電確認訂枱及告知訂枱編號晚市放題多數以5:30pm或8:45pm入座, 時間完全足夠, 當晚約8:30pm到達, 時間未到,只好在大堂等候, 不過大堂位置比較狹窄安排入座後除了趕著點選食物外, 這家放題特別之處是餐前小食例如蒜味螺肉/中華沙律/燒八爪魚丸/葡撻/炒雜菇等, 以及最吸引我的乳酪雪糕機, 全都是自助形式刺身是日式放題必食, 約10多款選擇, 全部都肥美新鮮, 到第兩輪, 刺身依然保持水準燒牛舌每串兩件, 薄薄的牛舌帶有口感鰻魚真是抵食！啖啖肥美, 不過鰻魚汁醬較多, 有點咸咖喱蟹約有半隻份量, 蟹肉不算多但勝在椰汁味濃又夠辣, 如果配上薄餅定必頂呱呱芝麻雞翼是友人大愛, 即叫即炸, 外皮香脆可口, 肉嫩易食, 不過小心熱氣放題有韓式水冷麵食都是第一次, 細細碗, 雖然味道不算正宗, 但清清地也不錯熱烏冬是最受小朋友歡迎, 份量唔多, 熱湯甜甜地好飲又好食食到最後, 乳酪雪糕作總結, 有原味及士多啤梨味, 可能太多人食, 雪糕唔夠結實有少少溶, 不過依然好味

「有朋自遠方來，不亦樂乎。」 朕最喜歡吃日本菜，時不時都會去吃日式放題， 皆因美食應有盡有，又有各式各樣的飲料，一次過滿足晒所有願望！☺️ 而眾多間日式放題中，大瀛喜就是朕最喜歡的，因為食物質素每次都維持相當好的水準， 「極尚」大瀛喜更有非一般的感覺😇，所以今次一盡好客之道，帶了來自鄰國的貴族來一起品嚐😋 日式放題固然有各式各樣的日式料理， 刺身、壽司、火炙壽司、卷物、手卷、軍艦、傳統壽司、串燒、燒物、炸物、天婦羅等一定是少不了 雖說是日本放題，但別的國家的料理都會涵括其中，例如一品料理中的咖哩炒蟹、主食中的蟹肉粥和雲吞等，食物種類繁多！ 貴族們一來便可試盡各國美食佳餚，這就是日式放題比壽司店大不同的優點吧！😏 除此之外，還有不少涼拌小食和沙律供自由添加。 雖然竟斗膽要朕自取，但味道確實是「上」級水準！ 是朕有史以來食過的放題中，最有水準的涼拌小食！不愧為朕的御用放題呢！😋 泰式鳳爪酸中帶辣，作為頭盤十醒開胃！喜歡食泰式辣野的一定不能錯失！ 芝麻八爪魚 雖然八爪魚size不大，但甜味適中，拌上清新爽脆的青瓜，中和了醬料的甜膩感 味付墨魚仔和螺肉也相當不錯，調味得剛好，又有咬