炑八韓烤 (已結業)

自從好耐之前喺沙田個間分店中過伏後,都好耐無食過, 見佢咁近MTR 就試下間荃灣分店啦入到黎見到個餐牌已經覺得自己大鄉里, 太耐無黎餐牌改左好多,同埋多左新野落完單黎左前菜同湯, 無諗過個湯竟然係熱的,仲有黑椒同瓜,魚干 之前食過咁多次都係微暖既湯, 仲要得紫菜咁大把, 雖然今日好熱好曬,但室內冷氣強勁,所以飲尼碗湯都ok,唔會食到個人更熱另一半叫左個 鰻魚蛋包飯條鰻魚唔細, 飯係蛋加蕃茄炒, 可惜在於個沙律菜, 不夠新鮮我叫既係牛肋骨煲配飯 個汁甜甜地 個牛肋骨都軟身,仲有兩舊蘿蔔同兩舊菇, 入晒味, 唔係恰完就放入去拎出黎個d不過諗住個汁甜撈下飯食,但一撈左,陣甜味就不夠 飲品都係叫d青檸梳打同柚子檸檬梳打至於新野飲,就留待下次再試

因為係拍拖週年紀念，阿sir又乘機搵藉口出街食豐富d，平時散叫只可以食到兩款肉，咁啱今期HSBC咭做promotion，有兩款套餐好抵食，一款黑毛豬，另一款係韓牛套餐，因為唔想食雞翼，所以叫咗黑毛豬餐，個餐寫話可以2-4人用，但其實4人用又誇張咗d，3人都勉強夠，所以我哋兩個食呢個餐真係食得超級飽。濟州黑毛豬套餐 $398厚切黑毛豬腩～好好味，肥瘦參半，加大醬包生菜食無得頂呀牛臉肉～我覺得同牛肋骨肉差唔多，同樣有口感同牛味護心肉～口感有d似豬頸肉但無咁爽，而味道又唔太突出豬背肉～口感又係有d似豬頸肉，但味道就有d怪怪地，點多d醬係可以遮蓋到既，不過呢阿sir就幾鍾意食喎牛肋骨肉～同牛臉肉一樣口感，燒耐少少都唔會靭，我覺得好味特上牛舌～係厚切牛舌，好容易燒到靭，建議燒到咁上下剪開一粒粒，咁樣口感會較爽dd荔枝梳打及藍天使梳打～荔枝好好味，大杯又唔太甜仲有荔枝肉；藍天使係波子汽水，我覺得麻麻，可能我唔鍾意飲波子汽水啦兩人共消費 $447後記：１）抽風系統做得非常差，食完係會成頭、成身、成袋都係韓燒味，我搭小巴返屋企全程都覺得非常惡臭２）要讚呢度前菜好好味，麻醬沙律、泡菜同芽菜，另外爐邊既芝

之前試過炑八晚市韓燒都ok, 今日經過見到佢個lunch menu都幾吸引，價錢又唔算太貴，一於上去試試佢。午餐同晚市一樣都會有免費前菜，叫午市定食仲有碗韓式清湯。雞扒蛋包飯 $48以鑊仔盛載賣相吸引，個旋轉蛋做得唔錯，雞扒算嫩味道適中，唔錯炑八牛肋骨煲配飯 $68個牛肋骨好稔好入味，煲仔細細都有5件牛肋骨再加埋紅蘿蔔同薯仔，份量都唔少，超級推介蜂蜜牛油炸雞 $68店員放底炸雞時，提我地記住趁熱食，放得太耐會無咁香口，炸雞有好香牛油味，不過炸粉有啲厚，略嫌唔夠脆口。

其實炑八真係想去好耐，因為聽人講佢既烤肉同海鮮都唔錯…不過之前見到哩度新出左平價韓式下午茶，雖然未食到佢地既烤海鮮，但都諗住試左個下午茶先算！哩日放左工之後即刻過黎食 前菜… 其實細食既女仔食哂d前菜就已經飽，但對我黎講哩d先係個開始！ 芝士烤雞串…芝士好多好多，熱辣辣既鐵板令芝士既油分彈哂出黎😂 不過真係肥到喊🙈🙈，芝士味不太濃，唔會搶左烤雞既味道，雞肉幾滑，配埋芝士一齊食幾夾嫁 牛肉粉絲湯配飯…牛肉份量都幾多，肉質估唔到係咁淋嫩 入面仲有芽菜、一隻滾水蛋，湯底唔辣，而且粉絲吸收哂湯底既味道，唔錯嫁！主菜加十蚊就可以要多樣小食，我地二話不說就揀左芝士粟米同泡菜餅！芝士份量好足！粟米夠香甜，玩完拉絲一啖擺入口真係好正啊 泡菜餅就普普通通冇乜特別，不過鐘意食既都可以試下嫁。 飲品叫左柚子梳打同藍天使梳打，兩杯都好靚！前者仲擺埋兩大塊柚子落去，味道天然。後者係波子汽水味。但整體飲品都係以外貌勝於味道。宇治金時綿花冰沫… 又到甜品時間！哩個超靚啊 綿花冰沫夠細又夠綿，份量好多，建議三至四個人share食啊… 原來紅豆蓉中間仲有層，而且仲有六七粒麻糬埋藏左 麻糬好煙韌好好味！紅豆

炑八作為韓烤新星，名已經響噹噹，仲極速係荃灣都開分店！新店主打海鮮，好多都係荃灣分店獨家發售！————————————————————#海帶子（$120/4隻）#韓國鰻魚（$238）#芝士生蠔（$88/6隻）#濟州鮑魚（$168/6隻）海帶子好大隻，保留左好多汁！而且燒海鮮店員都會好好咁過黎幫手燒，仲話驚我地唔識點剪點燒，非常細心。特別中意鰻魚同鮑魚，鰻魚係其他韓烤店都未見過，而且燒出黎好香口，不過要睇火，比較難燒。而鮑魚好抵食又大隻，燒既時間仲非常新鮮生猛，點芝士食別有一番風味。好味指數：8/10#特級牛肋骨（$208）#炑八薄切五花腩（$98/150g）ribs好厚身，又長又大條，2號燒到差唔多既時候剪開左做牛柳粒。中間個心唔需要燒到全熟，超正呀！雖然點芝士一樣正到暈，但覺得牛肉都係點燒汁最出到牛既鮮味。而五花腩口感多層次，薄切再燒到脆身係好新鮮既一種食法。好味指數：8.5/10#芝士溶岩飯（$128）睇片都見到，又蛋漿又芝士又泡菜炒飯咁，俾店員形容為「極級邪惡」。唔好以為細細碗飯，實際食到4碗架，4個人分都仲得呀！芝士味冇想像中咁出，反而會泡菜味會出d，係幾開胃既main好味指數