素.喜.館

營業中

休息中

🙆🏻‍♀️中女既我依家都會比較注重健康養生有時都想食得清淡啲俾腸胃抖下，朋友就介紹我食哩間西餐fusion素食私房菜。佢既晚市套餐得意之處係每月都會轉一次，加上都幾full吓，所以最好提前一日預約啦~-晚市套餐 HKD$275/每位☆大麥甘草茶飲落第一吓淡淡地，但原來茶味係回甘嘅，甘甘甜甜既味道令喉嚨好舒服👍。-☆前菜4款梅漬涼瓜▪明顯有醃漬過既梅香味，味道甜甜地，完全中和左涼瓜既苦澀味，涼瓜亦好爽口。日式昆布涼拌茄子▪咸咸地無乜特別，不過不失，用嚟清腸胃都ok。百里香蟹味菇粟米糕▪好特別既一個前菜，粟米糕帶有粟米既清甜，口感亦非常特別，有少少似食緊甜品🤤。羅勒蕃茄伴小麥脆餅▪脆餅十分香脆，配上微酸既蕃茄肉立即胃口大開👍。-☆碧根果仁奇亞籽紅莓乾沙律就咁睇個名已經知道非常健康，奇亞籽含豐富纖維兼低熱量，沙律菜亦十分新鮮爽脆。-☆青蔬菜湯佐檸檬鷹咀豆菜湯色澤翠綠，內含大量經攪拌及切碎的蔬菜，因為口感較為杰身同有渣，但就係咁先知係真材實料非常健康。-☆黑松露芝士炸薯球未切開已經聞到大陣黑松露味，外層炸粉好薄而內裡薯蓉軟綿綿，不錯的。-☆香芒咖哩蔬菜漢堡紅米飯芒果配咖哩既配搭非常特別，甜中帶

難得好味素呢期食肉多，想食下素，搵到呢間素食餐廳好似幾推介咁。餐牌已經寫好哂個set有咩食，唔洗自己諗，岩哂我呢啲有選擇困難症嘅人😁上到去環境都唔錯，靜靜哋岩哂傾計😊坐低左冇耐佢哋已經拎左壺杞子牛篣茶俾我哋飲（好快手👍）(個筷子架係熊貓仔好Q呀) 啲前菜酸酸甜甜咁好開胃尤其係個豆腐有少少韓式辣醬好惹味個沙律湯都唔錯，雖然係濃湯但冇我想像中咁稠跟住輪到我最期待嘅黑松露芝士薯球😍😍一打開黑松露陣味已經滲出黎，咬落去啲皮仲有少少脆😋😋食到呢度都已經開始飽，好彩之後嘅野食都唔算好大碟最後仲有個好好味既珍珠飯我食晒！好味每道菜都好有驚喜，完全唔似食緊素咁，一啲都唔會悶啲野食逐碟逐碟上，夠哂時間慢慢食值得再去

素食🥦初體驗星期六放工約咗個姊妹交換旅行嘅手信。方便大家就揀咗地點係銅鑼灣。但係，諗來諗去都諗唔到食乜🤦🏻‍♀唔打唔撞上網Book到呢間喺登龍街嘅素食餐廳。膽粗粗去試下啦🙊 （除左食中式齋，今次第一次試素食）位置都幾好搵，係希慎廣場出行2分鐘就到。今日落雨濕濕，一坐低店員就比左壺熱剌剌嘅杞子牛蒡茶我地，即時暖返曬☺✌🏻（我地起碼refill咗3壺🙈🤣）地方唔算大，cozy，但係座位同檯面都闊落，坐得幾舒服，啱曬約姐妹黎。晚餐呢度係一個set餐，配好晒唔使自己諗！啱我啲懶人！🙊一開波就有四款冷盤小食。有我最愛嘅秋葵！🥰 凍豆腐個辣醬有驚喜。🤤跟住就上南瓜沙律，南瓜上面沈左玉桂粉好match。個汁酸酸甜甜食完好開胃。跟住就到餐湯，作為餐湯佢都相當大碗。識食一定係點埋麵包嚟食！跟住就到全場最吸睛嘅黑松露芝士薯波!😈雖然係炸物但係一啲都唔油膩，薯蓉撈埋黑松露同芝士真係冇得頂。🤤🤤🤤（原諒我張樣衰相，一見到就忍唔住想即刻食。。。😂😂😂）食完個薯波就有一碗海草香菇蕎麥飯。成碗飯都有淡淡的香菇味。朋友唔食海草，又益曬我😝 明明飽飽地，但係都忍唔住食晒。🙈🙈食完飯梗係唔少得糖水啦！😍

原來素食都可以好好食☺️平時食得太油膩，間唔時都想食健康點，今次同娘親黎左呢間私房菜素食😎晚餐只供應指定套餐，老闆娘話每個月都會轉一次餐單，要最少早一天預約訂位～環境都唔錯，幾清雅、舒服的感覺☺️坐低先送上🌹玫瑰花紅棗茶🍃幾清香，入口時有淡淡的玫塊味，紅棗茶仲有養顏同調理手腳冰冷、脾胃不和的功效，岩晒女士💆🏻‍♀️🔸先送上前菜：日式味噌秋葵 (脆身入味，同味噌幾夾)涼伴麻辣雪耳 (爽口唔辣)桂花蜜漬車厘茄 (連平時唔中意食蕃茄/ 車厘茄的我都食唔停口，好香桂花香、有淡淡的清甜，好開胃☺️)🍞素喜醬伴多士 (係餐廳秘製的伴醬，淨係食得到豆腐和豆香味，同多士好夾)🔹無花果紅莓乾烤蘋果沙律擺盤值得一讚，入口好fresh，唔係樣樣食物攪拌埋做沙律都夾，但呢3款水果load埋就好夾，甜甜酸酸，睇得出製作的用心🔸亞麻籽黃薑蔬菜湯配埋包一齊食，仲有南瓜味🎃🔹黑松露芝士炸薯球對於黑松露忠實fans的我，覺得呢個係菜單中最好食的，中間仲包住芝士，炸漿好貼好薄，一d都唔油膩😍 外脆內軟👍🏻👍🏻🔸牛肝菌蟲草花珍珠飯食到呢個時候我地已經好飽啦😂 好在個飯好精緻，飯粒好煙韌，牛肝菌同蟲草花都煮得好入味，一d都唔hea☺️

跟朋友吃生日飯，但朋友是素食者，苦惱了一陣子，最後經同事介紹了素喜館，所以就來了試試新派的素菜，竟然有驚喜！私房菜的素菜，我第一次吃，簡直是選擇困難症朋友的褔音，不用苦惱吃什麼，只要乖乖坐下來就可以了。這裡地方不大，裝修簡約，以綠色為主，感覺很清新。而且開放式廚房，可以看到大廚用心制作食物的過程，很新奇。剛坐下，先送來一壺玫瑰花鐵觀音花茶，陣陣玫瑰味，也沒有鐵觀音的苦澀，淡淡的，感覺很舒服。日式涼伴芝麻豆腐很喜歡這個醬汁，甜甜的又帶點微辛，很特別！醋漬小黃瓜本以為醃黃瓜都很嗆，但這小黃瓜卻很清爽，很開胃！羅勒蕃茄伴小麥脆餅新鮮蕃茄蓉，配以脆脆的餅乾，不錯！海苔蔬菜蛋卷玉子控的我，很愛吃這個，內含甘筍，甜甜的。烤焗紅菜頭柚子沙律一看還以為是火龍果，原來是紅菜頭XD！外國人都很喜歡紅菜頭，據說是健康食品，本人覺得還可以，略嫌有點偏硬，柚子+醋+菜很好吃，可惜分量太少，菜能多點就好了！西蘭花蘑菇湯感覺像吃了一整棵西蘭花，哈哈！黑松露芝士炸薯球現炸的薯球，外脆內軟！辣味醬燒天貝伴黃薑飯第一次吃天貝，質感好像芋頭，粉粉嫩嫩的，加上用菇菌煮成的醬汁，味濃但不算辣，配飯剛好，但黃薑飯略嫌不夠薑。身為