韓星星韓國料理 (已結業)

好食  正宗 有品味歡樂氣氛即叫即整, 絕對唔係翻叮新鮮食材, 泡菜好味正宗, 真係要了解, 唔係凡間的一般韓食店, 有要求, 不論對食材, 烹調, 上枱, 食客時常都好忙, 會有少少忙亂, 接受範圍, **** 食物正宗推介 **** 

平時LUNCH 經過都要排長龍，今日竟然難得無咩人等, 終於可以食到啦。佢SET LUNCH 有好多款選擇, 我點左個鐵板猪肉，連一碗湯及白飯。個湯有紅蘿白同白蘿白，味道清甜。至於個主菜鐵板猪肉，猪肉看上去很深橙紅色，個醃料好濃，食落好香口同濃味, 不過就越食越辣，但好好送飯。好在餐廳有茶比客飲, 仲要係玄米茶，正!至於我同行的朋友，一個點左牛肉石頭飯，另外兩個點左豆醬雜錦煲，佢地都話唔錯，我試了少少豆醬湯，不太濃味，冬天食最正，熱辣辣。值得提的係，我地果日4個人，有8碟前菜比我地! 佢地的炮菜好正宗，且比其他韓國餐廳為辣，其他如大豆牙，波菜都唔錯。SET LUNCH款式多，下次可以再來試!!  

朋友打黎約食LUNCH喎，我當然冇問題啦去左樓下食韓菜NICE我地接近下午茶時間先落去，所以就唔洗等喇平日LUNCH時間都幾多人架前菜~~~好好味呀！樣樣都好好味呢！我地叫左兩個SET，SHARE咁就可以兩樣都食到喇辣豆腐海鮮湯~~~豆腐滑滑，入面D蜆都唔少架，同飯一齊食真係好GOOD韓式炒豬肉~~~個豬肉甜甜地，好好味，墊底D洋葱都好好味 

似乎要食好野就唔好預有好service前兩日我喺首爾返來,今日心血來潮好想食韓國野,所以決定來呢度食lunch! 12:40pm來到,大半間餐廳都未有人坐,太好了! 心諗可以好快有得食啦! 但係個紅髮阿姐見我地得兩個人,話得番d大檯所以唔俾入住,搭檯都唔俾...最後等咗10分鐘都未見有一大班人來,我地終於可以入座..(都係搭檯..) 呢間餐廳lunchtime冇得book位的,又要人齊先入得,所以小妹建議一心想來食嘅朋友仔唔好約太多人來又唔好得2條友走去食...餐廳入面嘅poster都喺韓國見過的,檯面嘅餐具喺韓國用過的, 檯面嘅麥茶都有韓國飲過嘅味道,連電視都係播住韓文台! 但係所有野加埋, 整體個感覺又唔似韓國feel....檯面有好多前菜,都是隨機的,每一樣都好好味,我全部食晒!(好少有香港嘅韓國餐廳嘅前菜係足以令我清晒的!)呢度lunchtime每人最低消費係一份lunch set, 價錢around $65~$80。我order咗最貴嘅燒牛肋骨餐 ($80), 個餐跟蘿蔔湯和白飯。牛肉係鐵板上的,但因為用洋蔥絲墊住,所以基本上唔係好熱,牛肉表面一點燒焦嘅部分都冇。牛肋肉(我叫

話咁快又到星期四LU今朝返到公司做下野，LUNCH約左契仔媽去試韓菜公司附近開左間新店，一於去試下啦一到LUNCH時間就會好多人，我當然早少少去拎位等埋契仔媽就可以叫野LU我地兩個真係好變態，次次兩個人都要叫三個餐HAHA前菜~~~午餐時間都有咁多款前菜，真的唔錯喎！味道都好好，款式都好多元化韓式炒粉絲~~~味道好，粉絲好"煙UN"，而且炒得唔油GOOD！本來點菜時以為全碟都係粉絲，原來係有飯配的，食哂全碟真係好飽C燒牛肋肉~~~味道醃得剛好，牛肋肉好軟好林，配上白飯真的一流仲叫左一個泡菜豆腐海鮮鍋，個湯好熱又好好味，豆腐夠滑，辣辣地，配料又好多，好味到掛住食都忘記了影相LU食飽了又要各自回公司作戰了

男朋友介紹黎呢間新開嘅韓國野食! 地點都算方便 好近炮台山地鐵站!星期六晚8點幾去到。枱枱爆滿! 睇黎真係幾好食咁。咁岩有一枱人走。我地5個人好快就坐底左啦。勁好彩! 一入去就已經聞到啲韓燒味勁香! 好快就有前菜食。有成10碟。碟碟都好好食! 有薯仔 麻油菠菜 kimchi 豆腐.....之後叫左個韓式壽司 唔錯唔錯!食完呢個就開始燒啦。叫左個豬腩肉。可以叫埋生菜包住食。感覺無咁油膩! 重口味個啲仲可以夾粒蒜頭! 仲有豆瓣醬! 唔記得影燒好左嘅樣。掛住食! 太好味啦!之後叫左個牛肋骨。呢個仲好食仲juicy! 仲encore多一碟! 真心推薦牛肋骨! 最衰又無影到! 燒完我地仲叫左個八爪魚牛肉鍋。啲八爪魚又粗又新鮮! 最後仲叫個拉面加入去先係完滿嘅一餐!價值唔係貴又食到啲咁正宗嘅韓國菜。一定會再黎食!