影片
更多
2015-03-27
1511 瀏覽
似乎要食好野就唔好預有好service前兩日我喺首爾返來,今日心血來潮好想食韓國野,所以決定來呢度食lunch! 12:40pm來到,大半間餐廳都未有人坐,太好了! 心諗可以好快有得食啦! 但係個紅髮阿姐見我地得兩個人,話得番d大檯所以唔俾入住,搭檯都唔俾...最後等咗10分鐘都未見有一大班人來,我地終於可以入座..(都係搭檯..) 呢間餐廳lunchtime冇得book位的,又要人齊先入得,所以小妹建議一心想來食嘅朋友仔唔好約太多人來又唔好得2條友走去食...餐廳入面嘅poster都喺韓國見過的,檯面嘅餐具喺韓國用過的, 檯面嘅麥茶都有韓國飲過嘅味道,連電視都係播住韓文台! 但係所有野加埋, 整體個感覺又唔似韓國feel....檯面有好多前菜,都是隨機的,每一樣都好好味,我全部食晒!(好少有香港嘅韓國餐廳嘅前菜係足以令我清晒的!)呢度lunchtime每人最低消費係一份lunch set, 價錢around $65~$80。我order咗最貴嘅燒牛肋骨餐 ($80), 個餐跟蘿蔔湯和白飯。牛肉係鐵板上的,但因為用洋蔥絲墊住,所以基本上唔係好熱,牛肉表面一點燒焦嘅部分都冇。牛肋肉(我叫
餐廳入面嘅poster都喺韓國見過的,檯面嘅餐具喺韓國用過的, 檯面嘅麥茶都有韓國飲過嘅味道,連電視都係播住韓文台! 但係所有野加埋, 整體個感覺又唔似韓國feel....
檯面有好多前菜,都是隨機的,每一樣都好好味,我全部食晒!(好少有香港嘅韓國餐廳嘅前菜係足以令我清晒的!)
呢度lunchtime每人最低消費係一份lunch set, 價錢around $65~$80。我order咗最貴嘅燒牛肋骨餐 ($80), 個餐跟蘿蔔湯和白飯。牛肉係鐵板上的,但因為用洋蔥絲墊住,所以基本上唔係好熱,牛肉表面一點燒焦嘅部分都冇。牛肋肉(我叫佢“肉”係因為其實一粒骨都冇)味道醃得好好味,甜甜地的。雖然一d都冇我喺韓國食過嘅風味(因為其實韓國嘅烤肉唔係好醃),但味道的確唔錯!係香港人都會like嘅味道! 不過如果可以烤一烤肉嘅表面令肉更香口會更好,否則睇落似炒牛肉多過似燒牛肉。要讚一讚個白飯, 有口感。 但個湯就馬虎咗d..
由於係搭檯嘅關係,送餐過來時出現咗亂子。個捧餐嘅南亞裔姐姐唔知係咪唔識字,佢捧咗鍋湯來,搭檯哥哥仔們同我地都想問下鍋野係咩來,好等我地認領,但係個捧餐姐姐只係講咗3個字:“自己睇” 嘩..咩態度呀..
之後佢捧住我個牛肋肉餐向我張檯方向行過來之際,隔離檯個哥哥仔以為碟肉餐係佢嘅就叫個捧餐南亞裔姐姐放低..結果個姐姐真係放低咗! 我以為個哥哥仔點咗同我一樣嘅餐,諗住讓佢先啦...最後個哥哥仔望番個餐同餐牌上佢點嘅樣唔同先知佢自己搞錯咗.... 我唔怪佢, 反而係質疑個捧餐嘅咁亂來,隨便放低食物!
整體來講, lunch set食物質素俾個讚, 但食物以外嘅包括服務、環境、氣氛全部都負評。
張貼
