饕鍋物 (已結業)

在銅鑼灣區的派傳單阿姐手上得知這間台式火鍋店原來有午市有set lunch。雖然只是set lunch但都提供每枱兩小碟的前菜，三色椒雞肉和青瓜，味道不錯。Set lunch 本身送冬瓜茶或黑糖薑母茶，但加$8可轉特色飯品，我加了錢點了珍珠奶茶，味道普通，珍珠的質地是要咬很久那類，似橡膠，不推介。而由於杯身很高，發生了一點小意外，年青的店員於上餐時把杯弄倒了，我和同事均成為受害者，衣服被弄濕了，幸好我們均穿了深色衣物，不致於會有茶漬，但年青的店員在意外發生後有點不懂應付，我們要自行搬過另一張枱繼續進食，好明顯他是新手，也就原諒了他。同事點了滷水豬手肉燥飯，豬手未夠淋，但其他的都很好味。我點了酥炸大雞扒肉燥飯，很好味，雞扒的調味很好，雞扒切件上方便進食也要一讚。這裡的set lunch價錢實在抵，座位也舒適，值得再來。

午餐一個人，又係試新野嘅機會。12：20分，餐廳冇咩人，卡位任坐，所以環境唔錯。食物來得快，份量好足，味道就一般，炸雞油左少少，不過杯飲品唔太甜，珍珠食到黑糖味，唔錯。60蚊，冇加一，性價比都ok不過好似以前個lunch menu，食物種類吸引啲，本來係想試柯仔湯的……見晚餐好似都幾吸引，有機會再去試一個先

之前見到社交網絡紅人那對夫妻黎左開簽書會，我身為佢地忠實fans，當然要去捧場啦！打聽下先知，原來佢地幫呢間新開既台式餐廳做代言人，係簽書之前，就順便係呢道食午餐，試下新野。前菜小食前菜有一小碟拍青瓜，清脆爽口又有些少辣，挺惹味; 另外一碟係蒜香雞肉配雲耳三色椒，好少可見到前菜咁慷慨比雞肉，而且色香味俱全。鹽酥雞配肉燥飯 ($52)鹽酥雞既份量算多，炸粉唔算厚，咬落雞肉脂肪同肉比例岩岩好，肉質夠滑，唯獨是上碟時唔夠熱，否則既話味道不俗！肉燥飯好有台灣風味！肉粒肥瘦剛好，汁夠多，而且米飯用上類似珍珠米的種類，特別有口感，好快就食曬碗飯。老饕牛肉麵 ($78)呢碗麵...係我覺得係香港食到最似台灣既紅燒牛肉麵的味道！湯底用上多種香料製成 (花椒、辣椒、薑、蔥、蒜等等)，味道十分香道。麵條唔係用一般上海麵幼麵，而係用左刀削麵，比較容易吸收湯既精華。再要一讚係牛腩炆得非常腍同入味，好食到滴曬口水，想叫多一碗！珍珠奶茶、鳳梨梳打 (+$6)呢道既珍珠奶茶，茶味算濃郁，唔係淡味或死甜。而且用上既珍珠用黑糖水燴過，食起黎都有甜甜的味道。而鳳梨梳打就酸酸甜甜，消滯解渴。總結黎講，饕鍋物的午餐套餐味道真