德美壽司

營業中

休息中

之前都有食過呢間日本餐廳嘅其他分店 呢日喺尖沙咀附近想食晚餐嘅時候又諗起佢 呢日七點幾嚟到 餐廳已經坐滿晒 非常旺場😮三色魚生飯三色魚生分別有三文魚 油甘魚同埋帆立貝 每件魚生都好厚切 又好新鮮🐟 魚油味好突出 丼飯都有少少壽司醋嘅酸味 仲有香菇片配飯 係比較少見嘅配搭 丼飯仲配埋味噌湯同沙律🥗 味噌湯入面有豆腐 昆布 紅蘿蔔片同埋白蘿蔔片 都幾特別加州卷呢個係一個傳統風味 入面有玉子 青瓜絲 蟹柳 仲有牛油果🥑 外層就有好多蟹籽包裹住 口感豐富 仲有沙律醬調味炸雞軟骨比較特別嘅係底下仲有啲炸米粉😚 炸都脆卜卜都幾好食🤤 當然唔少得要講下主角炸雞軟骨啦 炸粉好薄 好想一粒接住一粒咁食 但如果份量多啲就好喇 側邊有青檸同蛋黃醬點甜品三色糕有綠茶 牛乳 紅豆三個layer 就咁食嘅味道唔會好甜 配埋芒果醬味道更出🥭呢間日式餐廳都真係做得幾唔錯 難怪佢成日都咁旺場啦🤨

星期六/日是沒有供應幾款最佳壽司套餐(比較可惜)，唯有叫其他選擇，叫咗一份炸三文魚皮，賣相靚，又簿又脆，可惜油益味很重，放咗入口都想吐出來😵。大蜆清湯，足料好味，等唔切已經飲曬，忘記拍照。洋風三文魚和壽司盛合，也是招牌出品，不單止賣相一流，味道出色👍。最後加單，叫咗份加州卷，問題出現了，等咗很耐，大約廿至廿五分鐘，壽司Bar枱的師傅不停地與前面幾個熟客又傾又飲，影響做壽司的出品，眼見得左邊一位學師仔無傾談不停做，辛苦曬，出來的加州卷又鬆又散冇賣相，用快子一夾即散曬😵幾年前幫襯過，當時也是大排長龍，貴少少但非常好食，好想再來回味，但又怕等位等太耐，所以一別數年，今次預早安排定實冇衰，其實可以選擇其他分店的，但是始終覺得尖沙咀店會比較有保証。

今日左尖沙咀做完野，六點鐘要好好惠勞自己！德美壽司係我喜愛嘅壽司店之一！由於剛剛六點剛開鋪，快落單先，之前嚟過七點後開始超多人！加州卷雖然用料同其他壽司店差唔多，但可見其用心，係青瓜，所有青瓜係切成好幼嘅絲，令加州卷的口感很豐富，每款配料食感層次很分明黃金汁焗蠔好大隻有成個手掌心咁大，面層鋪上麵包糠，黃金汁係似千島醬，與豐滿嘅蠔十分夾！串燒：全部都燒得香口有炭燒焦香牛舌用料上乘係牛脷芯，厚度適中，燒得鮮嫰！雞翼竟然將中間嘅骨切開，好細心，可以有儀態地食！青椒仔有木魚絲配青椒仔，令鮮味提升！仲有三色糕甜品送，為美好嘅一餐作結！

上個月先食完依間，今晚又心思思和朋友過來食。可惜疫情嚴峻下餐廳食客需隔枱坐，座位有限等位需時，所以我地轉左外賣食。原本打算去K11空中花園用餐，可惜花園無開，好彩朋友諗到去附近的訊號山公園食。對住維港夜景戶外用餐都係第一次，公園無人我地好似包場咁，感覺又幾正喎。外賣有9折優惠，賣相和堂食差別不大，份量亦唔少，叫左沙律和壽司戶外食比較方便。蟹子沙律 $50粒粒的蟹子和美味的沙律醬，撈埋爽口的青瓜絲和軟綿的蟹柳絲，清新美味的前菜，最愛大大啖當麵咁食。厚燒玉子 $38得三件價錢不便宜，但又幾好味喎。口感細密味道甜美，凍食好似食甜品，一啖一享受，唔錯。自家製燒腐皮餃子 $49薄薄的腐皮作餃子皮包住軟彈的肉餡，口感味道唔錯，醮埋餃子汁食落無咁油膩，幾好食。活鰻魚朴葉飯 $99鰻魚肉肥美軟腍，肉質嫩滑無碎骨，飯粒粒分明，可惜美味的鰻魚汁不多，飯未能粒粒掛汁，總覺得不夠滿足。牛油果軟殼蟹卷 $79外層牛油果入口即溶，果肉薄欠點果香，卷裡包住炸軟殻蟹都幾足料的，炸蟹炸得香脆美味，大大件份量唔少，不過要小心夾以免散晒。加州卷 $48配料又係蟹子沙律啲 friend，口感味道唔錯，四件抵食夾大件，食唔飽打

放工同朋友簡左「德美壽司」食飯，上到去好快就安排到位置，我最近因為少食左壽司，所以專登叫左兩碟三文魚、蟹柳壽司、仲有加州卷啦蟹子沙津、鰻魚飯，味道超正👍🏻兩個女孩子食到飽哂超級大滿足！下次會再去！

同朋友行街行到累 想話搵間日本野食少少野朋友就介紹呢間話好好食🍣店面好大 位置都坐得好舒服燈光都好warm好日系唔係太餓所以壽司都係食少少⭐️三文魚壽司 💲54 （一客二件）睇落都已經知幾肥美同厚身👅💦食落果然係香！肥而不膩～之後即加點多一客⭐️蟹柳壽司 💲20 （一客二件）呢個唔似雪藏蟹柳，食落陣鮮味有啲似即場剝個啲長蟹腳🦀⭐️蟹子沙拉💲48 🥗個人習慣去邊一間日本野都必點個蟹子沙拉呢個青瓜好翠好有咬口同新鮮沙拉醬亦唔會太多太油膩～不錯！⭐️加州卷 💲46呢個CP高❤️❤️❤️個頂啲蟹子多到就黎跌要用啲沙律醬痴住😂入口小清新 有香香的青瓜絲👍🏻同朋友share每人二舊已經飽飽地⭐️活饅魚朴葉飯💲97 （跟紫葉湯）出場時有個蓋蓋住 打開有塊葉係面🍃饅魚下面舖左雞蛋絲🥚個飯有淡淡的葉味饅魚唔算太厚身不過口感味道非常好～飯既份量非常多🍚最後每人一個甜品🍮係嶡餅呀😍🤤食完好似去左日本咁🇯🇵🤤