德美壽司

營業中

休息中

之前都有食過呢間日本餐廳嘅其他分店 呢日喺尖沙咀附近想食晚餐嘅時候又諗起佢 呢日七點幾嚟到 餐廳已經坐滿晒 非常旺場😮三色魚生飯三色魚生分別有三文魚 油甘魚同埋帆立貝 每件魚生都好厚切 又好新鮮🐟 魚油味好突出 丼飯都有少少壽司醋嘅酸味 仲有香菇片配飯 係比較少見嘅配搭 丼飯仲配埋味噌湯同沙律🥗 味噌湯入面有豆腐 昆布 紅蘿蔔片同埋白蘿蔔片 都幾特別加州卷呢個係一個傳統風味 入面有玉子 青瓜絲 蟹柳 仲有牛油果🥑 外層就有好多蟹籽包裹住 口感豐富 仲有沙律醬調味炸雞軟骨比較特別嘅係底下仲有啲炸米粉😚 炸都脆卜卜都幾好食🤤 當然唔少得要講下主角炸雞軟骨啦 炸粉好薄 好想一粒接住一粒咁食 但如果份量多啲就好喇 側邊有青檸同蛋黃醬點甜品三色糕有綠茶 牛乳 紅豆三個layer 就咁食嘅味道唔會好甜 配埋芒果醬味道更出🥭呢間日式餐廳都真係做得幾唔錯 難怪佢成日都咁旺場啦🤨