Amitie Kitchen (已搬遷) 新店位置

朋友生日，我地揀咗嚟呢度，樓上既一間小店，食西餐為主。環境幾寬敞、寧靜，感覺都幾舒服。預早訂咗位，星期三晚基本上都唔滿座。點咗菜之後，侍應就先拎啲面包嚟，雖然係送既，但一啲都唔馬虎。面包鬆軟又有微溫，仲有咖啡味添。除咗牛油，仲有果醬，我覺得幾貼心照顧到唔同人既口味喜好，我就係唔愛牛油愛果醬既人。前菜我地叫咗藍青口，個白汁又creamy，真係好好味，幾個朋友都讚不絕口，而且藍青口既數量都唔吝嗇，仲有好多芝士，好香好好味。我地主菜叫咗個豬鞍，我地見識少，真係唔知豬都有分幾多成熟，最後決定叫7成，估唔到都好好味，又稔又入味，唔錯。呢個意大利麵就比較漏咗啲，但係啲蟹羔係好香的。比較失望既係呢個沙律，次序上竟然最尾先嚟都算，唔細心啲睇根本搵唔到啲墨魚仔，我覺得係overcooked，縮到好細又乾，一啲都唔好食，而且辣肉腸得個咸字，配菜唔覺得夾囉。我叫咗佢地一杯有白桃味既白酒，唔錯，幾好。其中一個朋友叫咗水果茶，我見都幾靚又多生果，大家都不妨試試。雖然呢度唔限進餐時間，座位寬敞，而且大部分食物都幾好，但樓面侍應既態度真係有必要改善。後生仔都可以professional啲既，客人唔知豬都有得分幾成熟

都說物以類聚，饞嘴之人身邊定不泛同好，早前得朋友報料；說這家穩於巷內的樓上餐廳質素不錯，便已將它列入口袋名單，回港後便選了一晚到此嚐新！每次總喜歡由北京道經某大廈徑直穿往亞士厘道，一來最省腳程，二來像是由鬧市通過密道進入寧靜的一隅，帶點尋幽探秘的樂趣！整幢大廈有多種不同類型的食肆餐廳裝修雅潔舒適，三倆知己相聚，也是一個幾不錯的地方。相中左手邊的木門內，還有兩間Vip房（兩間更可打通成為一間大房），每間大概可容納8～10人，而包房也只是$2000/間，十個人平均每位也只是$200，非常超值。不同時段/日子的優惠壽星仔女更可享有特別待遇，只需於生日當天或前一週內惠顧，便可按人數㨂選合適的優惠，作為生日飯局搞手的我；無疑又多一個地點選擇了！麵包拼盤，包括有：原味麵包、無花果包、墨汁包、麵包脆條，士多啤梨果醬及黑松露牛油；麵包鬆軟可口，加上黑松露牛油，更覺滋味；自己尤其喜歡無花果包，不知是否自家出品呢？看過餐牌，選擇了以下的食物：小龍蝦茴香沙律伴甜橙油醋汁Scampi鮮甜彈牙，選用了清新的油醋汁、甜橙，匹配之餘更不會蓋過了此蝦的細緻鮮味，是一度精緻的開胃前菜。法國藍青口吃青口不求大，求的不過是

與友相約到尖沙咀晚飯， 佢問我食咩我又問返佢食咩🤔結果友人最後決定食西餐！ 行環境舒適，靜靜地，好適合朋友傾計聚餐既地方之一餐包，有4款種類， 吃時係暖的， 黑色包軟熟， 無花果包甜甜地幾好味， 仲有一條條，香脆可口24個月黑毛豬火腿 ， my favour 香甜蜜瓜配上黑毛豬火腿味覺嘅享受✌🏻法國藍青口，青口嫩滑，與白酒忌廉汁一起食滋味無窮👏🏻酥皮龍蝦湯， 賣相已經相當吸引😍 急不及待要試下味道， 入面原來仲有龍蝦肉， 雖然吾係好多，但已經好滿足， 因味道鮮甜就問侍應用咩龍蝦， 原來佢地係用波士頓龍蝦餚製 ， 一試難忘紅蝦扁意大利麵，每條意粉被紅蝦汁包住，好美味， 紅蝦也爽口彈牙， 推介推介加拿大豬鞍扒， 與一般豬扒不同， 通常豬扒比我既感覺係'鞋'口， 但喱個肉質爽口又juice . 之前係其他地方都食過一次，但都無喱間甘好食飯後甜品，伯爵茶奶凍，茶味香濃，口感好滑😋