老掌櫃東北菜館 (海之戀商場)

營業中

休息中

北京填鴨($168) + 雞絲粉皮($68) + 黃金南瓜($84)(茶位$5@/免收加一) ★－:+:－:+:－:+:－:+:－:+:－::+:－:+:－:+:－★​坐到夜晚7點零見幾乎滿座，好旺場；招牌菜北京填鴨$168半隻，$318一隻，見差唔多枱枱都嗌。叫咗半隻兩個人食，難得外皮保持酥脆，肉質鬆軟，燒到夠香，連皮連肉，唔會好油，怕肥嘅人都啱食，半隻份量2個人食都好飽！雞絲粉皮滑溜，麻醬多，夠晒撈有突；黃金南瓜上次食過好食今次再encore，鹹蛋超多包滿南瓜，勁好食😋叫三樣嘢埋單先$165一個人抵！

平時都成日去海之戀donki shopping，原來附近有一間食東北菜的餐廳「老掌櫃東北菜館」。今日和朋友行完街就過來試試。「老掌櫃東北菜館」就位於donki旁邊，拐彎進去就可以看到亮眼的鮮紅色招牌。份量都幾多，除了海蜇之外，還有芫荽和薯仔絲。海蜇和薯仔絲同樣有著爽脆的口感，泡浸在餐廳調製的麻辣紅油汁中，十分入味。這股帶蒜味的麻香令人越食越上癮。半隻的份量有20多片的鴨肉和12片餅皮。鴨皮烤得香脆，鴨肉就薄切上枱，肉質瘦嫩。蘸上甜麵醬、再配合青瓜條和京蔥，味道甜鹹，口感又豐富。甜點高力豆沙很大件，不過最少要點2件。由蛋白打成的外皮油炸至酥脆，表面沾了大量砂糖，入口輕柔，充滿蛋香味。豆沙內餡綿密，保留了紅豆粒粒，增加口感。整體味道不會太甜，食落還感受到一點陳皮香。

bookmark咗呢間嘅片皮鴨好耐！今次終於來吃了！性價比真係好高！🔹北京填鴨（半隻）$168本身好鍾意食片皮鴨！！一咬落去鴨皮嘅油脂咇晒喺口入面，係好幸福又邪惡嘅滋味～～～餅皮口感煙韌，厚薄適中，包埋青瓜、京蔥、醬汁同埋主角鴨皮一齊食，真係超級滿足！同埋鴨肉嘅生熟度拿捏得剛剛好，食落好嫩好味！🔹孜然大蔥牛肉 $86呢道菜炒得好香好惹味！！！有海量嘅洋蔥同埋大蔥，牛肉份量都不少，超級送飯🤣🤣🔹拔絲地瓜 $7熱辣辣上枱，地瓜沾滿糖漿好吸引！本身以為係台灣嗰種拔絲地瓜，點知原來食法好唔同！店員教我哋要過凍水先好食，如果唔係會焫親！🔹高力豆沙 $13/1呢款係東北傳統嘅甜品，咬落好鬆軟，有淡淡的蛋味，中間係豆沙蓉做餡，唔會好甜膩！

呢間餐廳食過幾次 今次都係第一次去荃灣呢間食🙈🙈行完donki 有啲餓 見到呢間 又起了想食片皮鴨的心癮😆❤️ 兩個人食 費時叫太多就咁叫左兩個菜同一個甜品🙈 -🦆 北京填鴨（半隻）$168（要預先打電話預留先有或預先問有冇🙈）鴨肉份量好多 青瓜同配料都好足夠包住黎食😋😋 餡皮仲係暖笠笠鴨肉無咩肥膏 肉質有啲鞋 夾埋配料同我鍾意的醬汁 一齊食 口感好豐富 🤩🤩 好滿足啲鴨肉多到 唔夠皮包 要一個皮包1-2塊肉😋😋以$168 價錢就食到的片皮鴨 真係好抵食😆 食到有啲飽🙈-🌶 酸辣湯麵 $46之前食過其他小炒 今次第一次叫呢個 🙈一碗好杰好杰的湯羹 加上有好多肉絲同麵線 真心飽🙈🙈 味道有啲偏辣 但唔夠酸 有啲失望🙈🙈 -🍞 高力豆沙 $12 雖然食到好飽 但隔離枱叫左呢個 我都忍唔住叫黎食下先🙈🙈 第一次食 好特別🥰🥰 好似沙翁咁熱辣辣送上枱 一食落入口好香蛋味 同紅豆味 紅豆餡好綿滑 包而且好煙韌😋 個人覺得唔夠甜 好在表面沾有砂糖 🥰 🍴餐廳環境🍽荃灣呢間有露天座位 但因為個日落雨就無得坐 🙈 整間餐廳好大 但座位仍然放得好埋 感覺好逼迫 明明有其他位 但侍應都安排我哋同夾枱😑😑😮‍

隔左好耐冇嚟嘅老掌櫃食飯，除左每次必食北京填鴨高力豆沙之外，今次又試左幾款新菜，唔講太多廢話，直接去相～～～保持水準，百吃不厭。。。唔叫飯又叫個抄手，不過今次個汁唔太夠辣。。。今晚重點菜式，先講口感，成條桂花魚去骨，瑤柱蛋白連埋桂花魚大大啖入口，唔怕有骨，完全放心享受到桂花魚嘅香滑，不論就咁食定送飯都咁好味，食完一啖就停唔到要繼續食落去，嚴重啲講，呢個白龍王絕對有條件成為老掌櫃最好味嘅菜式（無之一）。。。：Ｄ今次嚟第一次試呢個「草捆牛骨」，啲牛肉好林，入口即溶，不過覺得醬汁比較多左啲，味道比較濃啲，比較少見嘅菜式，都值得大家一試。。。餸如其名，家常小菜一碟，清清地足料夠火候，送飯實成碟清哂無得剩。。。熱辣辣大件夾抵食極力推薦白龍王。。。

位於荃灣西鐵站上蓋嘅海之戀商場，而餐廳係2樓Donki出口隔離轉入去，然後就會見到大大紅色嘅門面。餐廳有室內同室外座位，室外景觀開揚，可以一路享受食物一路觀賞無敵大海景，到黃昏時段仲可以睇到日落🌄另外，想講店員好好，幫忙安排室外近海嘅座位比我🔝鴨肉同皮切得都算平均，鴨肉軟腍，不過青瓜有啲粗，而佢哋嘅餅皮係帶點煙韌，係我鍾意嘅質感，半隻份量已經好大，都幾抵食👍🏻🔝味道有點像糖醋排骨，酸酸甜甜幾開胃，下飯一流，裡面仲有洋蔥、菠蘿、入味又軟嘅薯仔，分量十足。🔝超足料鹹蛋黃，每一條四季豆都黏滿鹹蛋黃，超級滿足到愛吃鹹蛋黃的人。🔝其實本生想點拔絲地瓜，但自己唔小心落錯單😂所以呢個拔絲蘋果無咩評論，味道一般。🔝環境舒適🔝可以觀賞日落