Boon (已搬遷) 新店位置

相信好多觀塘返工嘅朋友已經習慣左樓上餐廳搵食，人流無咁多，環境會舒服啲，而且樓上舖租金相對便宜，就算餐價略貴，都會覺得物有所值！今次又係一間混合日式西式餐廳，其實已經係第二次幫襯，但因上次時間太趕，今次才能拍照做記錄！我們點了法式咸薄餅，配上雞肉、煙三文魚、煙肉、蘑菇、太陽蛋及沙律菜，係一份超級All Day Breakfast，另外是一份法式多士，最後是北海道和豚，這是上次有點過的，上次食份量比較足，和豚肉質鮮嫩，這次份量明顯細了，賣相差了，口感亦比較乾！再次幫襯當然想試新嘢，亦希望其他菜式能夠保持水準！午餐過後想要一杯熱咖啡，竟然西餐廳未有提供咖啡，有點美中不足！希望店主可以快手入咖啡機啦！

再訪觀塘人氣清新法日Fusion Cafe⭐️龍蝦湯（$68）好香嘅龍蝦味，濃度剛剛好，重點係年烘脆咗嘅多士，搽咗啲味增，多士勁好食⭐️池魚大根漬沙律配柚子汁（$88）酸酸地嘅柚子汁沙律，係開胃嘅Starter⭐️北海道和豚（$158）煎得香脆爽口唔油膩，味道偏淡，點一點個辣汁會好啲，底下放咗啲醃漬配菜，都係爽口嘅蓮藕牛蒡咁，感覺係幾特別嘅⭐️法式多士（$88）呢個係必食嘅，外脆內軟，多士係沾滿蛋汁，我覺得係呢度係必食嘅！以上價錢係未計加一嘅，人均消費大概係$200左右，質素計都算對得住個價錢提一提大家記得訂位

宜家很多工廈都隱藏了不少美食，而這間食日法菜式的Boon便是其一。地方不大，只得數張枱，所以最好先行預訂。環境裝修簡單舒服，還有個開放式的水吧，而廚房就設於隔離房間，所以餐廳唔會有油煙味。員工親切有善，會主動介紹餐廳的食物推介。餐牌選擇不算多，有數款輕食，主菜，甜品及飲品。點了一客薯條配明太子醬, 是我最愛的粗薯條，即叫即炸特別好味，炸得香脆，熱度十足，配上明太子醬及紫菜絲，令薯條立即變得日式化。北海道和豚，賣相及味道比得上高級餐廳的出品，但價錢就抵食得多。香煎過及厚切的和豚肉質爽口，配上一些日式燴野菜（蓮藕，紅蘿蔔，冬，青豆及淮及山）沾上少許香辣汁更惹味。這裡的甜品應該頗為出名，眼見每枱都有甜品的。我就點了法式甜薄餅配意大利Gelato 配上焦糖蘋果醬，賣相吸引。法式甜薄餅跟台式可麗餅差不多，但法式的甜餅會比較軟身及薄身，鍾意將甜餅卷上雪糕一齊食，再沾上焦糖蘋果醬，甜而不膩。飲品方面點了伯爵茶Latta及黑加侖子果茶。推介伯爵茶Latta, 比較特別，飲到淡淡的伯爵茶味道，不錯啊。