The Tiffany Blue Box Cafe

營業中

休息中

2022選擇了到Tiffany Blue Box Cafe 慶祝生日。餐廳外觀，藍色主題，未入座，先興奮。第五波疫情開始，人客不多，被安排餐廳較入位置，清靜舒適二人各選擇了兩道菜$358先送上兩款麵包，暖暖的麵包配上牛油，鬆軟好吃，好的開始北海道帶子薄片刺身(加$30)帶子切得薄薄，新鮮嫩滑，配上魚子醬，卜卜脆麵包，令人開胃的前菜。法式清雞湯配鴨肝小雲吞送上桌時，店員才用湯壺把湯斟在碟內，湯內材料有秋葵，鴨肝小雲吞味道普通，湯的熱度不夠。主菜-龍蝦扁意粉(加$120)龍蝦肉放上捲好的扁意粉上，賣相討好，龍蝦已細心去殼，蝦肉爽彈，意粉軟硬度適中，醬汁龍蝦味香濃。黑松露春雞擺盤精緻，雞腿肉嫩滑配上黑松露醬，味道不錯，值得慢慢品嚐。甜品送上生日優惠，Blue Box 首飾盒蛋糕，預訂時說明慶生，已預先寫上生日祝福和名子，並點上爉燭送到桌子上。造型非常討好蛋糕不太甜，中間是檸檬橙蜜瓜啫喱，味道酸酸甜甜，口味輕盈清新。最後，店員安排了一個免費的旗艦店導覽體驗環境舒適、食物不錯，服務勤快，今年有個充滿藍色浪漫的慶生回憶。

因為有優惠, 每人食一份全日供應餐, 就送一個Tiffany Blue Box cake, 岩晒慶祝生日。 可能平日下午, 無咩人食, 我們兩人好像包場似的, 靜靜地欣賞下店舖裝修及佈置, 主要用藍色及白色為主題, 有藍色玻璃, 藍白色椅, 藍白色調味樽, 藍白色碟等等, 好有情調。 我們兩人各點一份全日供應餐, 頭盤一份係新餐肉伴蛋花, 另一份係北海道帶子薄片刺身, 主菜一份黑松露春雞, 一份西班牙豬扒, 擺碟好靚, 打卡一流, 味道好好, 值得一試, 但份量較少, 女仔份量。飯後待應送上Tiffany Blue Box cake 比我們, 蛋糕有驚喜, 好靚,好好味。

從閃友嘅網誌得知名首飾店旗下嘅餐廳「The Tiffany Blue Box Cafe」近月搞咗個生日推廣，二人或以上訂座嘅客人只需係該月份生日，並於指定時間內點選套餐，即可獲贈迷你蛋糕及可參與「Tiffany美鑽探索之旅」。貴為Tiffany粉多年嘅契妹八月生日，即相約小肥契哥把握機會去一轉尖沙咀打卡兼慶生！咖啡室位於大廈一樓大堂嘅電梯旁，其藍、白、銀色嘅方盒型設計同品牌相當吻口，唯一個銀漆招牌唔係咁顯眼，如果可以配合返棧啱位嘅射燈應該照得起。招牌嘅藍、白、銀色調延伸至玻璃箱內面積小小嘅用餐大堂。廳內嘅二至四人散座均以透明膠板隔開，相信最舒適就係左方嘅梳化位。桌上嘅餐具好多都係Tiffany出品，唔洗買又可以免費做宣傳，真係有商業頭腦；美中不足就係俾心水清嘅契妹發現銀器冇一件係Tiffany，明顯佢好介意囉！請留意，旗艦店導賞團「Tiffany美鑽探索之旅」雖然短短十五分鐘，但只會去到晚上七點，所以有意參觀或購物的話，訂座時記得預約定時間。由溫婉嘅店員姐姐帶領，方才知悉室內最入位置暗藏有一條通往商店嘅樓梯，啲梯級都幾高吓，穿著高踭鞋嘅女仕們要特別小心。XO仔對珠寶真係外行過外行，嘻嘻