金鶴拉麵 (荷李活道) (已結業)

極濃龍蝦湯拉麵（配一隻龍蝦尾）$198期間限定拉麵，一開頭試啖湯先，好香好濃郁既味道，證明係真材實料。龍蝦肉結實彈牙。配料都幾多，有荀條、京蔥、木耳絲。北海道極濃蟹湯拉麵 $138有好多蟹肉，湯好甜，配半隻糖心蛋，正。日式叉燒好軟腍，油香同肉香都唔錯。呢到既拉麵軟硬我覺得岩岩好，一定要掛湯食，同時將麵和湯汁一齊吸入，好正。日式餃子 $38外皮都幾脆，煎得唔錯。座位闊落，有吧台位，可以欣賞廚師整野食。而且有會員制，第一次幫襯即場down app做會員有100分，可以即時換野。

🍜金鶴拉麵多分店，今次選擇去中環分店，係半山扶手梯下面非常方便!🍁秋風起🍁 又係蟹季當道既時候 再加上本人好鍾意食蟹🦀🦀🦀 黎到必試 ：北海道極濃蟹湯拉麵 $138🍜香濃又鮮味嘅蟹湯 再加上啖啖蟹肉碎口感十足🦀yummy yummy 😋😋而且同樣都有配叉燒肉片🐷 半隻溏心蛋🍳成碗麵真係好足料，大推！！！

呢間金鶴拉麵多分店幾方便 咁啱朋友鍾意食拉麵 陪佢試吓🍜 喺中環返工嘅都不妨一試💁🏻‍♀️ ❣️極濃雞白湯拉麵 $138個炸牛蒡要快快食左先 脆卜卜又有天然甜味(˶‾᷄ ⁻̫ ‾᷅˵)呢款極濃雞白湯真係煲得超濃厚‼️ 口感似忌廉湯但入口鮮甜而唔油膩😋 如果想食淡少少可以揀金鶴雞白湯拉麵💁🏻‍♀️慢煮雞胸肉片都好嫩滑gym友必食🤩 另外仲有大大塊叉燒肉片🫶🏼糖心蛋煮得啱啱好 又有齊筍 大蔥同木耳絲😋但係真係好飽好飽🤰🏻❣️北海道極濃蟹湯拉麵 $138蟹湯本身已經好creamy 再加上蟹肉碎令蟹味更加濃郁🦀 湯底係冇雞湯咁厚但就冇咁滯 可以飲到多啲湯🤣同樣都配叉燒肉片🐷 出面都好少食到蟹湯仲有咁多蟹肉🤌🏼 比起上嚟覺得呢個更加特別🤘🏼❣️貓頭鷹雪松 $58食拉麵配番支啤酒一流😈 飲落似IPA 清爽同時帶點苦澀🍺 另外會俾隻chilled glass可以釋放啤酒香氣🙉

呢間餐廳主打雞白湯湯底拉麵🐔亦提供蒲燒鰻魚飯、日式沾麵、小食、串燒等🎌💗極濃雞白湯拉麵 ($138)奶白色嘅雞湯以日本赤雞高温熬煮6個鐘，再撞入鰹魚魚介湯，以攪拌器打至起泡，入口濃厚而不膩，充滿骨膠原🍲；雞叉燒選用日本薩摩赤雞胸，以黑椒同鹽調味，低溫慢煮保持厚肉鬆軟🐓；豚肉叉燒肉質鮮嫩爽滑🍖；拉麵口感順滑彈牙，掛湯力十足🍜；配料包括有炸牛蒡、糖心蛋、木耳絲、竹荀同大蔥💗北海道極濃蟹湯拉麵 ($138)選用北海道直送花咲蟹，蟹湯濃稠鮮味🎏；放上滿滿鮮蟹肉，鮮甜無比🦀；豚肉叉燒肉質鮮嫩爽滑🍖；拉麵質感順滑彈牙，掛湯力十足🍜；配料包括有糖心蛋、木耳絲、竹荀、紫菜同大蔥💗日式餃子 ($38/ 4件)餃子煎至外表焦脆，餡料以豚肉同椰菜包製，飽滿多汁，蘸上微酸嘅餃子醋提鮮🥟

適逢今日去到中環工作, 夜晚就腳去搵食. 原荷里活道一直行到接近大館就發現依間拉麵店, 以黑色傢俬作為主調配埋白光燈, 同佢地既招牌拉麵好夾. 估唔到依間拉麵店仲有分店, 坐低之後, 侍應好好咁向我地介紹左佢地既拉麵特色, 雞白湯拉麵真係第一次聽, 於是我同同各揀左一款主打拉麵同一款期間限定, 雞白湯拉麵我叫左個款係佢地舖頭既主打拉麵, 湯呈奶白色, 質感厚實, 雞味濃郁但係唔咸; 麵質有彈性, 好好咬; 雞肉咬落唔UN; 特別有驚喜係炸牛膀, 好脆好香口. 北海道極濃蟹湯拉麵而同事叫依款係期間限定既拉麵, 蟹味濃郁, 又唔漏, 加埋蟹肉一齊食好滿足, 朋友仲有舊叉燒同出面有啲唔同, 食落口質感好好唐揚炸赤雞最後我地叫左一份炸赤雞, 一碟3件, 都唔細件, 咬落又脆又香口, 唔會俾人食緊麵粉既感覺一人一個拉麵係非常之夠食, 味道同店舖裝修非常好, 好適合去中環飲野前既晚餐選擇

聽左好耐話依間主打雞白湯拉麵好出名，終於有機會試下😆❤️金鶴雞白湯拉麵🍜 ($98)店舖招牌拉麵👍🏻有兩種選擇，可以揀極濃雞白湯，貴$40，而我就揀左普通，因為驚好膩。首先要讚既係個炸牛蒡，雖然係配菜，但食落都卜卜脆😆湯底雖然冇叫極濃，雞味都好濃郁好creamy而且鮮甜❤️仲有雞、叉燒同半隻溏心蛋🥚慢煮雞胸都好嫩滑，拉麵都好彈牙，加埋葱同木耳一齊食，正👍🏻❤️北海道極濃蟹湯拉麵🍜 ($138)由於係極濃，所以湯底更加杰身，蟹肉份量都幾多，意料之外。不過相對雞白湯，依個麵唔夠鮮甜，但都好味👍🏻同樣配上半隻溏心蛋，加上兩片紫菜同叉燒👍🏻

吃過無數次日本拉麵，这家还是可以一試。佐敦/土瓜湾/天后/中環/北角有分店。🌟🌟🌟🌟季節限定：北海道極濃蟹湯拉麵 $138（＋10％）季節限定款特別，點一個试一下。有一層新鮮蟹肉，湯是很濃稠的蟹湯，但不油腻，豚王就太油了，吃了會胃不舒服。一碗下肚非常飽，不用加面，小食也吃不下，份量很ok。小小缺點是有點咸（还是因為鮮顯的？）服務很好，一直有人倒水，吃完還有人倒。

其實拉麵份量都好正常，之前係佐敦食過一次都夠曬飽，但作為小食嘅唐揚炸雞真係超大份，搞到我到夜晚都唔識肚餓，晚餐食左一個奇異果🥝就算。-超值套餐1人 $128(+$20)套餐包主食一款、小食同飲品。主食叫左北海道極濃蟹湯拉麵(+$20)，配唐揚炸赤雞(3PCS)同雪碧。🌗北海道極濃蟹湯拉麵湯底質地較杰身，有少少似沾麵嘅湯汁；味道濃郁無腥味但偏鹹，要食曬成碗真係有困難，好在店員頻頻加水；蟹肉略有碎殻，食嘅時候要慢慢黎唔好急😆，另外蟹肉係凍嘅，食嘅時候記得浸返少少熱湯；麵質爽滑唔會太軟，亦唔會有梘水味。🌖唐揚炸赤雞即叫即炸超香脆，每件都有大半個拳頭👊🏻咁大，食完真係飽到上心口呀！朋友話做會員好抵，好多coupon 甚至半價優惠比你用，雖然我今次miss 左但好彩用左信用卡優惠，平左$25✌🏻。

係中環放工搵到呢間好評好多既拉麵店，決定一試，星期五放工無book位都一位，正唔洗等就入去啦，地方比一般拉麵鋪大期間限定 - 🦀北海道極濃蟹湯拉麵 🌟🌟🌟🌟超推介鐘意食蟹既朋友，蟹湯味道香濃，上面鋪左唔少既蟹肉，一啖香濃蟹湯，一啖蟹肉同拉麵，啖啖蟹味係口腔到徘徊除左蟹肉，麵既配料搭上了一塊薄切雞肉同流心蛋，滿足金鶴白雞湯沾麵 🌟🌟呢款係店鋪既招牌麵，相反有點失望，白雞湯有點似忌廉雞湯，同埋偏咸，配料方面就十足，有兩片薄切雞肉、兩塊慢煮雞胸肉同流心蛋，但未必會再食多次❤️提提大家：做會員可以立即換到汽水一罐/ 流心蛋一隻，有興趣記得做呀

極濃雞白湯與極濃蟹湯都好吸引，最後同友人一人一碗，不過蟹湯我試左一啖咋...極濃雞白湯拉麵 $138 被喻為史上極濃雞白湯，唔知同金鶴雞白湯 $98相差多遠，但第一次試就豪多$40試下史上最濃！結果我成碗飲晒，好飲又唔覺膩，平時食拉麵我會落芝麻同七味粉，呢度無提供亦唔需要加。配料有塊叉燒，兩塊雞肉，半隻溏心蛋，木耳蔥絲以及第一次見的炸牛蒡。叉燒及雞肉有點淡但肉質嫩口；店員上餐時有溫馨提示炸牛蒡要襯熱食，幾脆口，味道幾特別，浸湯的部分比較有嚼勁，嗒落味道更濃。朋友點的期間限定 - 北海道極濃蟹湯拉麵 $138 我試左啖湯，好香濃，仲有好多蟹肉。平時食拉麵得幾款小食配搭，呢間有串燒就叫幾款食下～免治雞肉串 $28 口感豐富的免治雞肉串成了我每次食日式串燒必叫之選，如果有生雞蛋拌吃一定更正！明太子雞翼 $28 少少辣味幾惹味，雞翼尖有錫紙包住，揸住食唔怕整污糟手，幾細心日本多春魚 $12 日本長蔥 $12 無咩特別但我鍾意食黑豚肉串 $25 有啲似港式叉燒，肉嫩又Juicy，唔錯。.記得做會員，新入會就送100分，可以換汽水或溏心蛋，或者儲多啲分換拉麵或者鰻魚飯（太貴唔捨得叫，我等儲夠分先換

金鶴拉麵幾個月前在北角食過極濃、雞白湯拉麵，奶白色的濃濃湯底，鮮嫩豚肉叉燒真的好好味道令人難忘，中環荷李活道有分店又鄰近辦公室，今晚放工正好想食碗拉麵。餐廳裝潢高雅日本風格，座位舒適有空間不逼夾，設有吧台座位，我較為喜歡坐吧台位能夠看到師博煮拉麵和燒串燒。服務員向我推介期間限定北海道極濃蟹湯拉麵，滿吸引我。價錢為HK＄138一碗。熱騰騰麵放上枱時像太極一邊黃色另一邊是打到起泡奶白色的湯底，濃郁鮮甜好渴，蟹肉鮮甜啖啖肉、豚肉叉燒肉質腍軟、溏心蛋滑溜又入味，仲有兩大塊紫菜、黑木耳絲等材料。浦燒鰻魚串價錢為HK＄68上桌時有炭燒香味，鰻魚彈牙肥美、醬汁咸甜度適中。黑椒牛柳粒串價錢為HK＄55牛柳燒得剛剛好外脆內軟好惹味。

去大館打完躉，喺附近有間拉麵店近水樓台，唔使兩頭搵咁徬徨，咁日本風，好難唔走入去食嘅夏日炎炎，嗌返杯啤吹吹佢，檸檬香同啤酒香混和一杯，呢個夏天突然變得清新不少蟹肉嘅季節未過，抓住佢嘅尾巴，嗌返碗先，一上檯蟹肉堆積如山，仲有蟹棒一大條，啲湯仲湯過特濃雞白湯，蟹香四溢啲麵好實在，飽到未必食得晒今次炸牛蒡堆得好齊好高，趁熱食卜卜脆其湯之濃，成為每次必嗌啖啖麵都充滿雞湯嘅香濃味串燒都好正，唔係炸出嚟，真係燒出嚟，炭香味好出雞皮燒得好煙韌彈牙下次嚟呢頭，怕又忍唔住再去