影片
港鐵香港站 C 出口, 步行約9分鐘
繼續閱讀
附加資料
Last order:21:30
營業時間
*21/1:12:00-16:00（last order 15:30)
22/1-27/1:OFF
星期一至日
12:00 - 16:30
17:30 - 22:00
以上資料只供參考, 請與餐廳確認詳情
相關文章
平時一碗拉麵食唔曬但係又唔想浪費 TT 一定要黎試下金鶴拉麵嘅雞白湯拉麵！download app登記做會員仲可以即送可口可樂一罐/溏心蛋一隻🥚😍 (店員都好好人同埋熱情🤣🫶🏻)-1.雞白湯拉麵 (全份 $98/ 可愛的小份 $78)今次叫左可愛的小份 性價比高 份量啱啱好 加埋免費溏心蛋 夠曬飽🫣😬 雞白湯底好出色 味道濃郁 唔會太油/食到好滯 好好食～有兩塊雞肉同埋一塊叉燒 肉嘅質素唔會好鞋😋 拉麵彈牙 有咬口 好抵食😭😭-2.汁燒原隻魷魚筒 $108魷魚筒🦑加埋醬汁好好食！易咬同埋熱辣辣～ 份量都多 3-4個人分都可以🫶🏻-✅加一推薦指數: 🦐🦐🦐🦐.5性價比指數:🦐🦐🦐🦐
繼續閱讀
去中環飲嘢最頭痕就係諗食乜🤔我自己3年前已經嚟食過一次，今次久違地又再食🥰唔知水準如何呢？🧾北海道蟹湯拉麵（全份）💰$138湯底唔單止十分之濃厚同creamy，仲好重蟹味🦀一路食一路忍唔住係咁飲湯🥹而且蟹肉亦都落得一啲都唔手軟㗎～幾乎每啖湯同麵都有蟹肉😋另外麵嘅軟硬程度啱啱好，我自己鍾意食偏軟嘅，但感覺呢個適中嘅軟硬程度係，相信無論鍾意軟定硬嘅🍜都會鍾意～最後，糖心蛋世1️⃣！諗起都想再食啊🥰嚟個蟹肉s大頭🦀如果夜晚諗住喺蘭桂坊/大館附近飲嘢，不妨考慮下去呢間食個熱辣辣嘅拉麵再飲🍸staff亦都非常友善同nice，真心誠意推介～
繼續閱讀
幾年冇食金鶴了，以前成日食，而且成日要排隊。今日夜晚7點嚟到，理應最繁忙嘅晚市時段，都唔洗排隊，得兩枱客。不過可能因為位置唔算近地鐵站，唔係好方便，加上中環太多其他選擇。雞白湯拉麵以前食過特濃雞白湯，真係濃好多，不過有啲滯，個人覺得平少少食番普通雞白湯已經ok，都好濃好香滑，唔油。雞蛋生熟程度剛好，仲有少少流心。兩塊慢煮雞肉+一塊叉燒，慢煮雞肉好嫩滑，叉燒冇咁嫩但都唔鞋。醬油拉麵好香，湯底清，一啲都唔油，亦唔會好咸宜家多左好多串燒，以前淨係得鰻魚串個啲。順帶一提佢哋嘅鰻魚都燒得好香好食。燒豬頸肉略嫌唔夠香，可以燒多陣肉嫩唔鞋，唔會太肥燒魷魚筒今日服務都好好
繼續閱讀
最近鍾意食一啲連鎖店嘅餐廳，上次食完中環一間拉麵之後，今次嚟到附近荷李活道嘅金鶴拉麵。呢個品牌係連鎖形式，出品基本上每一間都好穩定。今日我中午嚟咗呢度食，兩個人分別嗌咗:北海道濃厚蟹湯拉麵 跟餐2隻餃子極濃鷄白湯拉麵本身見佢又期間限定龍蝦湯底為主題嘅拉麵，但係我本身唔膠布係好鍾意美國龍蝦嘅味道，所以就打消咗個念頭。兩碗拉麵，同時間送上嚟，熱辣辣出晒煙，好精神吓。蟹湯拉麵，跟咗一片梅頭叉燒，中間有拆好嘅蟹肉。另外一碗係極濃雞白湯拉麵，同樣有一片梅頭叉燒，另外再有幾片嘅雞胸肉。其他配料例如京蔥，木耳，半隻濃厚嘅糖心蛋，唐辛子糸，兩片紫菜呢啲兩者都有。拉麵面係落單時無硬度選擇，偏腍，都算掛到汁，係較粗身嘅麵。兩個湯都稠身，但係我認為偏淡，我會鍾意鹹少少嘅湯底。 雞湯果個嘅雞味係重嘅，至於蟹湯嗰個唔算好突出。叉燒方面唔係超薄嗰隻，有少少咬口，而且食到豬肉嘅味道，口感正常，唔滑唔難咬，我幾鍾意。雞胸肉都容易咬到，唔差嘅。但係蟹湯拉麵中間嗰個蟹肉有殼碎都仲可以接受，但係個蟹肉係凍嘅，放埋啲熱嘅面入邊一齊食，唔係太舒服。個餃子就非常一般，唔好食，假如選擇第二啲嘢會更好。兩者之中，雞白湯果個會好食啲。不過我會鐘意對上兩次食果間過江龍多啲。 呢間回頭率較低。
繼續閱讀
突然間好想食拉麵，又想坐得舒服啲，所以就去咗呢一間位於中環蘇豪區嘅拉麵店（除咗中環之外，仲有好多地方有分店，可見人氣有幾高）雞白湯拉麵 $98推薦指數🗯️：🌟🌟🌟🌟雖然只係普通嘅雞白湯拉麵，但係已經好濃郁，低溫慢煮嘅雞肉一啲都唔柴，好嫩，而豚肉叉燒就好軟淋，好吃！拉麵嘅質感都好爽口彈牙，煙燻糖心蛋也好入味，不過我最鍾意嘅都係佢嘅炸牛蒡🤣🤣🤣✨整體來講，味道的確唔錯，而且有小份選擇，就算係比較細食嘅人都唔擔心食唔晒，造成浪費以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
繼續閱讀