泫居酒屋

營業中

休息中

🏮九龍城•日式居酒和食屋🍶平時較少踏足九龍城區，總感覺呢個地段一直處於發展中階段，但近日一訪，意外發現藏有唔少美食🫣✨🛖呢間居酒屋一出宋王臺站就見到，𥚃面全採用木系和風，滿滿日式風情🎏，餐廳大堂位置闊落舒適，好啱想靜靜地品嚐美食嘅朋友仔😌，另有私隱度高嘅和式廂房🤫餐廳菜式多款且新鮮，壽司、刺身、串燒、小菜包羅萬有😍，今次就試咗午市套餐，有主食，味噌湯，茶碗蒸，沙律同飯後甜品(厥餅)😚🍜野菜海蝦湯烏冬 $86湯鳥冬每啖湯底都好清甜又溫暖，飲落好舒服☺️，加上每隻海蝦都大大隻好新鮮，爽口又鮮甜，同簡單嘅湯底互相配合，將鮮味發揮極致🤤，烏冬又彈牙有口感，好治療嘅味道🤎🍱北海道蟹丼 $138蟹丼配料多元，有蟹鉗蟹肉蟹籽蟹膏，滿佈珍珠米上，蟹鉗巨大飽滿😱，蟹肉碎鮮甜，蟹籽粒粒分明🤩，最特別係蟹膏濃郁回香😋，最啱撈飯食👍🏻整體而言餐廳質素高✨，食物類型同味道都冇令人失望，加上環境舒適，服務誠懇，值得一訪👍🏻

九龍城多好嘢食就係人都知,但原來係太子道西哥邊都有啲隱世小店值得一試。今次去咗一間靚靚嘅居酒屋食lunch,好味道又性價比高!呢個北海道蟹丼一上檯就超吸睛!因為除咗有滿滿嘅蟹子,蟹肉,仲有好多蟹膏!第一次咁樣食蟹膏,原來都幾香甜,加埋鮮甜有蟹味嘅拆肉蟹絲,簡簡單單配上白飯已經好好食了~汁燒牛肉丼個醬汁有好多洋葱,所以有甜甜嘅蔬菜味。牛肉味濃,加埋流心嘅溫泉蛋,再配上醬汁,用嚟撈飯一流!午市套餐仲有包埋沙律,味噌湯,茶碗蒸同埋甜點。茶碗蒸蒸得剛好,超級嫩滑!而今日嘅甜品係煙煙韌韌嘅厥餅呢~而家去九龍城真係方便咗好多,以後嚟除咗千篇一律食泰菜,又多咗啲其他選擇啦~

☀️今日同朋友仔去到呢間裝潢日式嘅居酒屋食Lunch, Lunch 　Set包味噌湯、沙律、甜品~🦀北海道蟹丼 $138有蟹鉗, 滿滿嘅蟹肉絲, 粒粒蟹籽又幾大粒, 蟹膏甜甜的，混合飯一齊食好正！每丼都附有WASABI同壽司薑, 自行調辣度🍱角切什錦魚生丼 $108估唔到朋友仔叫呢個丼有啲驚喜!! 有三文魚, 吞拿魚, 玉子, 蟹籽~材料都幾豐富啊！魚生都好新鮮～呢個作為Lunch Set性價比高~🍮最後以蕨餅作為甜品~

九龍城都真係幾多好嘢食，除咗泰國菜，仲有日本菜、cafe、西餐、中菜同甜品店。今次就去咗一間非常近屯馬綫站出口嘅泫居酒屋🏮食lunch🍴餐廳環境好雅致，係以木色為主調。我哋點咗1️⃣個凍1️⃣個熱嘅午市定食👉🏻北海道蟹丼同滑蛋吉列豬扒飯。每個定食都配有麵豉湯🥣滑脫脫嘅茶碗蒸🥚柚子醋沙律🥗🦀北海道蟹丼賣相精緻吸引😍有齊蟹肉、蟹膏、蟹籽同蟹鉗，非常豐富‼️尤其是鹹鮮味重嘅蟹膏用嚟撈飯真係一流😋🐷滑蛋吉列豬扒飯嘅豬扒都幾大塊而外皮炸得鬆脆。已經調咗味嘅滑蛋配上洋蔥🧅再加埋紫菜絲，同樣係攞嚟撈飯好正。