Ruby Tuesday (世貿中心) (已結業)

今日終於搵到人陪我去ruby tuesday食個個買一送一優惠之前成人聽d同事講好抵但一直無試今日終於一償心願啦同個fd去到一d都唔駛等位而且有waiter主動serve我地(全程都係同一個)我地叫左一個千層闊麵同埋卡邦尼帶子意粉share食未上主菜就先上湯同埋餐包, 個湯唔錯, 好濃郁之後食飽就上正餐啦!!!兩個個賣相都勁吸引!!!呢個闊麵好好味, 令我諗起大食懶Garfield雖然睇落細細份, 但係已經好飽既感覺, 畢竟全部都係芝士同肉題外話個蒜蓉包都好好食另外個個卡邦尼意粉超好味, 我同個fd都鐘意食呢個多d, 因為相對黎講無咁溜上面有大大粒既帶子真係超足料最後埋單每人都係60蚊度, 好抵食下次有機會好想再黎試其他款~~~!!!

真係好鍾意ruby Tuesday既午餐買一送一優惠，帶俾我好多機會試到午餐唔同既菜式。呢次我就試左卡邦尼亞帶子意粉同埋千層闊麵。特別喜愛每碟意粉都有蒜蓉包，好鍾意呀。塊蒜蓉包真係好新鮮, 同埋食得出係即焗既, 暖暖地好香蒜蓉味好脆, 正！卡邦尼亞帶子意粉超好味，出乎我意料之外咁好！非常足料有4隻帶子同埋好多煙肉粒,帶子好大粒，有少少辣辣地，好惹味！卡邦尼亞意粉有好濃既奶油白汁味道，醬汁好正！至於千層闊麵，雖然麵本身好淡味, 但有好厚既芝士真係一流. 因為我好鍾意食芝士呀！！！

一直都知道世貿中心間Ruby Tuseday午餐有買一送一優惠，仲可以係商場地下部E-Directory print Coupon，實在太方便喇！呢個promotion去到11月30號咋，今日趁返半日工，同男朋友嘆返個超值既露比午餐先~~~~露比set lunch 有 湯或沙律揀，主菜同餐飲。主菜我地揀左mini burger迷你露比同千層闊麵，餐湯就揀忌廉湯，仲有麵包送tim~~~忌廉湯同我平時係出面飲既味道好唔同呀，好香濃既奶味，反而忌廉味道就較輕。可以一邊飲湯一邊"點"黑糖麵包或者法包，頭盤經已好開胃喇主菜黎喇！午餐既mini burger有兩個，burger亦可以選擇要牛肉餡或者雞肉餡。當然我地要牛肉同雞肉各一喇，可以試到兩款味道嘛~~~男朋友大讚好味道！另外有我最愛既粗薯條做伴碟，差不多成碟粗薯條都俾我食晒至於千層闊麵，有兩塊蒜蓉片做伴碟，好香濃好脆呀~~~好鍾意呀！闊麵有好厚厚既芝士鋪係面，啖啖都有芝士同闊麵，好正呀!不過午餐既份量比較少，男朋友食完話唔係好咁喉。但有買一送一優惠，仲想點呢~~~~最後埋單都係大約90幾蚊，100蚊有找！有買一送一優惠的確好超值，我一定會再黎