大灰熊廚房

營業中

休息中

早前無意間發現了這間隱世餐廳，雖然餐廳裝潢比較簡單，有點舊式餐廳的感覺，但都坐得舒服。而食物方面絕對是廚師用心之作，絕對值得一試再試。惹味餐前小食黃金豆腐粒 $38其實是被此菜式吸引以來☺️薄薄脆皮包著嫰滑豆腐，炸得一點都不油膩，很乾身，只作簡單調味都已經令人忍不住一口接一口，絕對是必試之選！椒鹽粟米 $38本身已是超甜粟米，雖然炸過但仍然保留到內裡的水份，不會乾身，同樣是令人難以忘懷。〰️〰️〰️〰️〰️〰️〰️〰️〰️〰️〰️2人套餐 $228粟米豆腐羹鮮甜粟米羹配上滿滿的嫩滑豆腐及蛋花，配白飯相當一流，充滿‘家’的味道。❤️千島蝦球漂亮的賣相，份量都頗多，炸過的爽口大蝦配上千島醬，很惹味。椒絲腐乳通菜上枱時有點嚇到，超大碟😂 幼身爽口通菜，而且獲氣十足，味道適中，不會太咸，即使已經很飽亦忍不住會繼續吃☺️套餐還包括餐飲發及白飯2碗(建議比較細食的朋友先叫1碗飯😂)〰️〰️〰️〰️〰️〰️〰️〰️〰️〰️〰️

將軍澳南有好多餐廳未試過，前排知道原來帝景灣商場有間小店食家常小菜、小炒，都幾受附近街坊歡迎。呢晚晚餐時間7點半左右到，店內客人唔算好多，但就不斷有外賣單聲音，有人自取，又有外賣員拎餐～ 睇menu見套餐都算抵食，二百頭有兩個小菜、湯類、白飯同飲品。🔸涼拌青瓜開胃小食，青瓜幾爽脆，個汁小辣。🔸粟米豆腐羹味道唔錯，調味適中，豆腐好滑溜，份量都多！🔸千島蝦球用千島醬炒炸過嘅蝦球，醬汁唔錯唔會太膩，蝦球都彈牙，如果再大隻啲口感就更好啦～🔸蘿蔔牛腩份量都幾多，牛腩同蘿蔔都炆得夠腍入味，蘿蔔清甜無渣，牛腩好軟腍，撈埋個汁好啱餸飯。呢度食物唔會話有好大驚喜，係平時食嘅家常小菜、小炒，幾啱一家人叫幾個餸一齊食😋

之前整身份證嘅時候，經過見到呢間炒小菜嘅餐廳，好似幾好食，今次就嚟食下😋一坐底，店員會比一盤合桃，合桃有炒過嚟，同埋應該加咗蜜糖🍯，一路等餸嚟一路都食唔少🙈⭐️中式豬扒有4大塊豬扒，個汁甜甜酸酸，好開胃，豬扒有醃過下，所以好容易咬開⭐️千島蝦球🍤炸得好脆，隻蝦大大隻，有5、6隻，仲好彈牙。配埋沙律菜食，好清新另加白飯⭐️西湖牛肉羹湯好鮮甜，牛肉好滑，仲有啲豆腐粒、蛋白&菇，好好飲，推介👍🏻好少係其他餐廳見到🤔

去將軍澳搵朋友，佢介紹了去呢間位於屋苑商場餐廳內食下住家菜！餐廳內都幾多位，而且可以一大班人開飯！雖然說是自家菜，但總覺自己屋企唔係咁易整嘅菜式比較特別。黃金四季豆外層薄脆唔油膩之餘，真係啖啖蛋黃香，配上爽香豆角，好惹味。🍤千島蝦球大大隻蝦，口感彈口，炸過後配沙律醬好香口。涼拌青瓜配了醋和辣香味，幾開胃。番茄肉片湯入面真材實料，係濃香番茄加肉片、菇 ，可以話飲得又食得，營養豐富。住家菜都真係可以幾特別。

今日陪朋友去拎身分證，就順便係附近揾食。帝景灣樓下嘅商場都有好幾間餐廳，今晚想食中式，就揀咗呢間大灰熊廚房。除咗有舒適嘅卡位，仲有幾張大圓枱，一家大細黎食就啱哂，係用餐期間都見到唔少外賣單！前菜係自家製醃蘿蔔青瓜，個人最鍾意白蘿蔔，爽口夠酸超開胃！因為要減肥要減食量，所以淨係叫咗兩款小菜店員推介小菜，蒜香一字骨同千島蝦球。所有小菜都係即叫即製，保證上枱新鮮熱辣辣！蒜香一字骨係用左單骨雞翼，食起上黎方便啲，一字骨炸到好香口，加埋新鮮蒜加乾蒜一齊炒香，又係一道下酒好菜！千島蝦球，大粒又彈牙嘅蝦球裹左薄粒再炸到外皮酥脆，再撈埋邪惡千島醬，食落唔油膩，酸酸甜甜好適合夏天食。伴碟用咗沙律菜，整體菜式顏色豐富！

一位住將軍澳既朋友推介我黎呢間中式小廚，果然好食，價錢又合理，朋友係無飯主婦，唔怪之得成為佢一家既開飯食堂。一向鍾意飲中式湯水，所以一人叫左一個姬松茸燉湯，燉湯真材實料，有姬松茸、雞腳、瘦肉，仲無添加味精，每一啖湯都充滿濃郁菇菌味，忍唔住一口氣飲哂一盅。頭盤小食叫左黃金豆腐粒，豆腐外皮金黃香脆，豆腐熱辣辣軟腍腍，面頭灑上蒜粒，香口美味!小菜叫左2款: 千島蝦球、拔絲咕嚕肉，食埋主菜就再引證呢間餐廳有一定既水準。千島蝦球 : 粒粒蝦球都大大隻而且炸到香脆，千島汁好適合呢個咁熱既天氣，令到人胃口大開。拔絲咕嚕肉 : 又係一款開胃小菜，咕嚕肉既肉質半肥半瘦，食落有爽口感覺，係靚肉質部位，唔似一般樓酒啲肉質咁”鞋口”。總括呢餐係一餐令人滿足既晚飯，仲不時聽到隔離枱食客話食物好味道，餐廳地點雖較遠但一定值得再去。

今日陪先生去將軍澳帝景灣商場領取新身份證，隨即在商場食咗個簡單午餐，是久違的廣東家常菜的味道。涼拌青瓜隨着越開越多的川菜館和酸菜魚店，好多人都以為拍青瓜是外省菜，其實廣東的夏天非常長，涼拌菜是廣東菜中深受歡迎的菜式之一，非常清涼開胃好吃，調味主要是陳醋，簡單有益。這間餐廳的涼拌青瓜就做得不錯。另外，新做的涼拌青瓜爽脆固然好吃，其實浸耐了稍為軟身的反而更入味。今次我就吃到兩種口感，開心。千島蝦球大蝦開殼去腸啖啖肉，炸粉非常薄，所以完全不油膩，反而酥脆清爽。千島醬經師傅特別調製過，酸甜滋味搭配的非常好。麻婆豆腐餐廳做的是粵式麻婆豆腐，調味主要用豆瓣醬，不「麻」不「辣」，雖然如此，一樣惹味，一樣是白飯殺手。

去完朋友屋企，就打算係附近直接買外賣返屋企食！坦白講，個位置都幾隱世，不過食物都幾地道，同埋佢有FoodPanda可以Order，所以都方便！四人餐小吃千島蝦球好食！特別係蝦肉酥脆夠彈牙，千島醬酸甜滋味，岩岩好除去炸蝦球的油脂，Yummy！芋頭油鴨煲秋冬正是吃臘味與芋頭的好時候，所以二話不說說Order一個芋頭油鴨煲， 芋頭軟糯可口（而且係我最鐘意食嘅粉芋），加上油鴨的鹹香，送飯實在是一流！魚香茄子魚香茄子都絕對係香港人送飯嘅不二之選，以鹹魚來做出魚香，食落不會過份油膩，配以大大碗白飯，令人口水直流！涼瓜肉絲煎蛋是基本的家常菜，但涼瓜帶有甘苦味，未必人人愛吃，但唔知係咪加咗胡椒粉，感覺又可以接受！