影片
更多
2014-12-28
4076 瀏覽
對於飲食，自己無乜太多規限，不過，數數手指計一計，近依年真喺多咗食素嘅機會，舅母喺食齋之人，太太有「綠色星期一」嘅習慣，身邊亦有啲素食朋友。這晚走到嚟北角嘅「素食‧分子」，跟三幾個好友一齊食素，雖然未有打算成為一個全素食者，但食素嘅好處當然心中有數 。餐廳位處堡壘街，跟英皇道平排上斜走上一個街口，感覺旺中帶靜。而整間餐廳一室潔白明亮，地方大，樓底高，加上一啲手繪牆畫及特色擺設，感覺樸素、閒適，叫人有種離開繁囂、納悶嘅好心情。翻一轉餐牌，形形式式，選擇頗多，西班牙式小食、沙律、湯品、薄餅、主食、意粉、飯麵、飲品、甜品，味道又滲入多國元素，例如中、西、日、泰、意、馬……等地 ，足見大廚真喺使出渾身解「素」。最鍾意佢晌菜式側旁有少少特別註明，如包含奶類、包含蛋類、有機豆類、包含蔥蒜……等等，讓素食者按自身需求而選擇，此外，不設加一服務費，消費更明確 。其實，就算唔食嘢，入嚟飲杯嘢都唔錯，因為有啲凍飲鮮果醋供應，如桑椹醋、鳳梨醋，果醋功效有幾好，上網搵搵就會查到有消除疲劳、防止动脉硬化、促进血液循环……十多種好處；天氣凍想飲啲熱飲，無問題，多種花茶任君選擇，花茶亦都喺有益健康，功能多多。
餐廳位處堡壘街，跟英皇道平排上斜走上一個街口，感覺旺中帶靜。而整間餐廳一室潔白明亮，地方大，樓底高，加上一啲手繪牆畫及特色擺設，感覺樸素、閒適，叫人有種離開繁囂、納悶嘅好心情。
翻一轉餐牌，形形式式，選擇頗多，西班牙式小食、沙律、湯品、薄餅、主食、意粉、飯麵、飲品、甜品，味道又滲入多國元素，例如中、西、日、泰、意、馬……等地 ，足見大廚真喺使出渾身解「素」。最鍾意佢晌菜式側旁有少少特別註明，如包含奶類、包含蛋類、有機豆類、包含蔥蒜……等等，讓素食者按自身需求而選擇，此外，不設加一服務費，消費更明確 。
其實，就算唔食嘢，入嚟飲杯嘢都唔錯，因為有啲凍飲鮮果醋供應，如桑椹醋、鳳梨醋，果醋功效有幾好，上網搵搵就會查到有消除疲劳、防止动脉硬化、促进血液循环……十多種好處；天氣凍想飲啲熱飲，無問題，多種花茶任君選擇，花茶亦都喺有益健康，功能多多。
珍香園百年老號冷豆腐配日式麻醬 $25 賣相小巧精緻嘅冷豆腐來自老鋪「珍香園」，豆味濃郁，挺身而不死實，日式麻醬調校得麻香處處，帶微微酸，卻又無搶走豆香味，做到平衡有序。
珍香園百年老號冷豆腐配日式麻醬
$25
142 瀏覽
0 讚好
0 留言
依一款小食喺近嚟嘅新推介，感覺有少少滬菜點心蘿蔔絲酥餅嘅影子。食落，原來內裡有芋蓉、甘筍、粟米作餡，再用薯仔絲包實酥炸，所以，入口外脆內綿，並配以香菇醬伴食，味道濃而不俗。
千絲素蟹棗
$48
109 瀏覽
0 讚好
0 留言
招牌拼盤 $98 招牌拼盤本身包括有5款小食，分別喺紅椰菜芝麻沙律、冷豆腐配日式麻醬、子薑皮蛋、夫妻肺片及滷豆乾，今晚嘅拼盤被告之有少少改動，以香煎素鵝及手工扎蹄取代咗冷豆腐及子薑。
一客招牌拼盤以5小碟形式拼湊而成，逐樣跟大家短評一下：紅椰菜芝麻沙律 - 紅椰菜酸爽輕怡，撒上芝麻，帶點點香味，有畫龍點睛之效；
香煎素鵝 - 素鵝煎得金黃香脆，一咬咔咔聲，內裡填滿甘筍、沙葛、木耳絲，極有口感；
夫妻肺片 - 以麵筋、蒟蒻、大豆做出幾樣「牛」嘅部位，配以辛辣麻香嘅味道，幾特別；
手工扎蹄 - 以腐皮一層又一層摺疊而成，緊緻有咬口，入口富豆香；
滷豆乾 – 質感實淨硬身嘅豆乾，滷得入味，有嚼勁。
招牌拼盤
$98
146 瀏覽
1 讚好
0 留言
湯品有數款選擇，首推嘅喺是日中式燉湯，是晚喺蟲草花茶樹菇燉湯，一開蓋菇香四溢，定價確喺有點貴，建議兩個人共享一盅，但落料足，數一數有蟲草花、茶樹菇、腰果、合桃、桂圓、栗子、馬蹄……等等，清燉幾個鐘，唔香就有鬼 。一啖入口，清潤濃香，既健康，又養生，飲完一股暖意在心頭，超正呀。
是日中式燉湯（蟲草花茶樹菇燉湯）
$98
109 瀏覽
0 讚好
0 留言
香葉椒辣炒肉碎生菜包 $88 肉碎生菜包不嬲都惹味爽脆好食，就算以麵筋製成嘅「肉碎」，一樣做出有應有口咬，加入香葉、毛豆、泰式辣椒炒成，辣辣哋，非常惹味，再配合新鮮爽脆嘅生菜，濃香而清新。
香葉椒辣炒肉碎生菜包
$88
136 瀏覽
2 讚好
0 留言
日式煎餅 $38 / 2件 煎餅主要以白蘿蔔絲做成，加入少少沙葛絲，味道較為清甜，口感粉腍黏糯。不過，以日式煎餅做法，香煎後下啲醬油，唧上沙律醬，鹹鹹哋，酸酸哋，但唔會有太大驚喜，算叫做一試無妨。
日式煎餅
$38
135 瀏覽
1 讚好
0 留言
墨西哥薄餅 $98 店家一共有4款薄餅供應，據店員講以依款墨西哥薄餅及招牌薄餅最人氣。薄餅饀料只有三色椒及芝士，但入口味道好特別，甜甜哋，又好有芝士香，食落又有一朕紫菜味，好奇一問，原來落咗一種香椿醬 ，薄餅面黑黑哋嗰啲就喺，小弟學識淺薄，真喺第一次接觸，所以，成件事都覺得好得意。此外，餅底屬於薄批類，邊位特別脆口。
墨西哥薄餅
$98
88 瀏覽
0 讚好
0 留言
黑松露、意大利飯喺小弟兩樣心水食材，個燴飯飯粒煙韌，粒粒沾滿忌廉汁及黑松露醬，帶黏性而又富濃濃黑松露香氣，兼且飯有有好多野菌、菇粒。雖然插上幾片墨西哥粟米片，增加賣相可觀性，不過，唔香脆嘅粟米片，變得有啲多此一舉啫。但個飯嘅味道，實在令人回味，仍然覺得值得捱介。
黑松露野菌意大利飯
$98
95 瀏覽
0 讚好
0 留言
近嚟都幾大熱嘅蘑菇包，晌度都一樣有供應。個蘑菇包做成一大隻香菇，像真度高，已經喺其中一個亮點，最抵死連底下粒菇椗都有嘛 ，仲要加埋黑松露，自然更矜貴，更吸引，可見師傅手勢好，又有心思。搣開個包，裡面以新鮮白菌粒入饌，兼且切得幼細，仲有朕朕黑松露幽香，食落包身十分鬆軟，而且更加入咗少少薑蓉、黑椒，令味道唔單一，另一必推心水 。
黑松露蘑菇包
$42
171 瀏覽
1 讚好
0 留言
除咗晌度可以飽餐一頓，入門口左邊幾組大貨架亦設有零售，主要售賣素食或有機食品，產品多樣化，唔買都埋嚟睇吓，對素食或有機有興趣嘅朋友，就真喺要埋嚟睇、埋嚟揀 ！
「食」、「買」以外，仲有「睇」，因為店內有少量有關健康飲食嘅參考書，攞番本嚟八吓都無妨。
依個年代食素已經唔喺一啲食而無味嘅事情，食素一樣可以做得有賣相，有特色，有層次，就好似今晚所品嚐嘅菜式，都食得大家津津有味，絕對唔會有咩好投「素」 。
題外話/補充資料：
用上多個國家cooking style黎煮veggie,good
(以上食評乃用戶個人意見 , 並不代表OpenRice之觀點。)
張貼
