きっとかつ Kitto Katsu

營業中

休息中

觀塘工廈出名多好野食，今日同朋友黎呢區搵食，比我地搵到呢間好食嘅日式餐廳。餐廳位成運工業大廈， 好近地鐵站，幾容易搵。餐廳唔算好大，裝修簡約，牆上壁畫係日本富士山，好有日本風情。是日餐湯南瓜忌廉湯，南瓜湯香甜濃郁，湯上面放左脆煙肉粒，好香口。千層吉列豚芝士流心漢堡包配薯條呢個千層吉列豬扒係餐廳招牌菜，見到有幾枱客人都有點。上枱已好吸精，漢堡夾住嘅吉列豬勁厚身。一切開聽到清脆聲，裏面由有多層豚肉，咬落非常鬆脆且有肉汁，真係外酥內嫩。內裏芝士半溶狀態，再配上他他醬、新鮮蕃茄同菜，實在有驚喜。日式照燒雞排咖哩湯烏冬咖哩湯汁比較杰身濃郁，令到湯汁做到掛烏冬效果 ，食落口腔充滿陣陣咖哩香氣。咖哩味道帶點微辣，辣度剛好。雞扒用上日式照燒汁，肉質嫰滑。Yuruyurukuuki  餐牌上介紹係一杯飲得嘅TIRAMISU，期待～杯上面放左一塊手指餅，咖啡上鋪上薄薄一層可可粉，配上濃厚鮮奶同香濃咖啡，入口口感醇滑，飯後一杯又可當甜品食，唔錯。Unbloodymary無酒精嘅 Bloody Mary，有紅蘿蔔、橙、蘋果、提子同梳打水，味道清新。

星期六下晝食飯想少人啲，最好就係揀工廠區嘅餐廳，觀塘工廠區隱藏住唔少高質小店，今次呢間餐廳就係其中一間喇😊南瓜忌廉湯顏色呈金黃色，質地都幾稠杰，南瓜味好濃郁，上面有啲煙肉碎增加口感同咸味，出色嘅👍🏻千層吉列豚 $88呢個千層吉列豚炸到脆卜卜，食落同坊間係有啲唔同，係好明顯食到一層層，個口感幾得意，而且個豬味都好突出😚 可以揀配飯或者烏冬，我哋揀咗秘製日式咖喱飯，佢唔係一般偏甜嘅日式咖哩，係有啲微辣，好啱送飯，呢個必點🫶🏻日本北海道戶北豚 $148呢隻豬有啲犀利，佢係用含有15%北海道大米配合特殊飼料專門飼養而成，仲要產量極少，我哋就揀咗燒汁，呢件豚肉夠哂厚身，但食落肉質係幾嫩滑嘅，一啲都唔粗糙，仲好Jᴜɪᴄʏ添😚緩々空気 +$12一杯飲得嘅Tɪʀᴀᴍɪsᴜ🤩 店員建議先飲上面嘅泡沫，可以飲到佢嘅分層，面層嘅奶蓋好細滑，之後就係濃濃嘅咖啡香氣，真係好似飲緊Tɪʀᴀᴍɪsᴜt咁😆富士山 +$12呢個一上枱已經好Iɢᴀʙʟᴇ😍 泡沫梳打加上海鹽奶泡，飲落甜甜地，又帶少少海鹽嘅鹹味，成件事係幾Fʀᴇsʜ嘅🤓食完之後，我哋係觀塘又多間飯堂了，午市價錢食到咁嘅質素，真係幾抵食👍🏻 觀塘返工嘅朋友仔