Explore Kitchen (已結業)

今日同女朋友去左食呢間位於觀塘嘅西餐，環境都唔錯，乾淨舒服。因為女朋友好中意食南瓜，所以叫左呢個南瓜湯，個湯好濃南瓜味，直程會食到啲南瓜溶，非常creamy，我自己本身唔好南瓜都覺得正。主菜我地就叫左3個，分別係辣肉腸意粉、黃金鹹蛋黃炒飯同埋牛扒。3樣主菜都好有水準，我地最中意係個炒飯。鹹蛋黃味非常濃郁，但又唔會蓋過配菜嘅味道，加上我地兩個都好中意食濕飯，所以呢個飯真係無得頂，而且最近都好興用鹹蛋黃做食材，大家真係要試下呢個。辣肉腸意粉都係好食嘅，意粉軟硬度合適，有小小咬口，唔會太淋，辣肉腸都唔會太咸。牛扒都係好有水準嘅主菜，剪得完全唔乾，咬落去超多肉汁，熟嘅程度都合乎我地要求嘅medium rare，女朋友平時小食牛都話正。 呢間餐廳仲有其他好多選擇，下次一定會翻去再試其他野食，同encore個炒飯

今晚約咗幾個朋友喺市區食飯，所以揀一個方便大家嘅地方，喺網上見到呢間餐廳係新開嘅，而且喺油麻地好方便，近地鐵站，就一於去試吓因為我哋都算早到，所以餐廳唔算好多人，環境好闊落，而且有一個落地玻璃可以望到出邊嘅景物，感覺好舒服好乾淨餐廳佈置得幾有格調，而且環境好寧靜，好適合幾個朋友傾吓計原來晚餐會有南瓜湯送仲有細細個麵包仔送，麵包質地好鬆軟大家鍾意可以點一啲黑醋或者橄欖油一齊食我首先揀左一份雙層牛肉芝士漢堡，份量都算大，仲有一些薯條，雙層牛肉係啖啖肉，配上熱辣辣嘅芝士同蕃茄生菜，口感好豐富漢堡大特寫，見到牛肉好厚身，啱晒鍾意食牛嘅朋友朋友就點左個黃金芝士大蝦🍤意大利飯，係幾有趣嘅配搭，因為多數係中式料理先會用咸蛋去整蝦，但呢個飯就中西合璧，結合黃金蝦同意大利飯，飯比較creamy ，有淡淡咸蛋味睇得出廚師對食物嘅擺放都有講究，有點藝術感，餐具都幾有格調，可以增加食慾我地仲叫左個魚子醬蝦子扁意粉，呢種配搭都幾特別，亦係中西合璧嘅感覺，除左有好多魚子醬外，意粉仲加左好多蝦子同蝦米，令到口味提升左，有種咸香味道餐廳嘅職員招呼好周到，最緊要係餐廳環境坐得好舒服，暗暗嘅燈光都幾有情調，而且有個大玻璃

彌敦道這棟新建大樓，樓層不多而且比較窄，望住佢拆完再起，到現在終於有新店進駐，緊係要上去望望啦，這間位於4/F的Explore Kitchen，主要以西餐為主，晚市有小食、意大利飯、意粉、扒類及甜品供應。南瓜湯質感幼滑，但南瓜味不算突出，配麵包都不錯。三文魚籽墨魚汁扁意粉意粉軟硬度適中，每條都沾滿了墨魚汁，還有些三文子籽，每啖都咬到鮮甜的魚籽味道，十分creamy，最後食到成嘴黑蚊蚊。雙層牛肉芝士漢堡牛肉漢堡份量十足，有兩大塊成寸厚的漢堡扒，牛肉結實但不硬，裏面有肉汁，外層麵包烘過且鬆軟，粗薯炸得香脆。