Felice Cafe & Pasta (已結業)

喺銅鑼灣鬧市中，向內街行入去，走到希雲街，其實亦都係一個尋找美食嘅好地方。今日就同朋友嚟到呢間Cafe食佢主打嘅意粉。呢度嘅意粉用嘅食材配搭都帶點新穎，意粉中加入牛油果、鹹蛋黃、海膽等食材，確係創新而有驚喜。套餐包餐湯/沙律同飲品，價錢由$86起，以呢區而言價錢算非常合理！雖然鋪面不大，但擺設上都花咗啲心思，就好似眼前嘅餐具架咁，用上小貓圖案，份外可愛！我哋點咗兩個意粉，今日嘅餐湯係我最愛嘅南瓜湯，南瓜湯打得幼滑，充滿南瓜嘅香味。首先係牛油果卡邦尼意粉，牛油果份量相當多，原來放落意粉都同樣出色，意粉內亦有煙肉碎同芝士粉伴隨，再配埋一個蛋黃混入卡邦尼醬汁，口感味道同樣驚喜。另外揀咗都係好受歡迎嘅海膽黑松露扁意粉，呢個扁意粉麵條比意粉略為粗一點，配合淡淡都充滿着黑松露嘅香味，海膽口感綿滑，味道新鮮，我同朋友都覺得好好味。我哋每人點咗一杯紅茶，分別係百香果紅茶同埋荔枝紅茶，真係透心涼！

今晚同男朋友買完one piece期刊後就去食晚餐。Set dinner奉送南瓜湯，味道香甜👍🏻海膽黑松露忌廉汁扁意粉非常入味，除左有黑松露味，仲有黑椒味，而且好creamy，每啖都滿口忌廉汁😋海膽亦都好鮮甜，十分美味💯牛油果卡邦尼意粉有隻蛋黄係中間俾你撈，亦都係十分creamy，牛油果同煙肉份量又多，絕對飽肚😌蝶豆花百香果梳打酸酸地，梳打好夠氣。Iced Hazelnut latte榛子味唔出，苦苦地。

短短一條希雲街，有好多食店，朋友曾經講過有一間店，店鋪吾大，但食物一流。決定一試。Dinner set 有湯 ，有飲品 ，有主菜。今日叫了海膽黑松露忌廉意粉及蟹肉咸蛋黃意粉。先黎餐湯，今日是南瓜湯，好濃郁，亦夠熱。海膽黑松露忌廉意粉估吾到係原件海膽咁上，而且好大件，見到海膽已經令人流曬口水。把海膽與黑松露忌廉意絆埋一齊，令意粉好香好滑。加上好多菇粒，成個意粉都好香。第一次知原來海膽同黑松露意係咁夾。蟹肉咸蛋黃意粉與以上的不同，佢沒有醬汁，咸蛋黃本身的咸香就好夠味，加上蟹肉，連埋蛋黃粒食就更有口感了。蛋黃份量岩岩好，不會太咸。餐還有兩杯飲品，叫了巨峰紅茶及白桃紅茶。吾會太甜，甜度岩岩好。配意粉不錯。

店舖唔太，大概有8枱。晚餐由大約6:45pm已經滿座，開始要排隊。意粉值得推薦，店内好多文宣。.🔸南瓜湯(餐湯)分數: (7.2/10)稠稠地，味道濃郁，有南瓜茸，但飲下後，舌頭嘗到有少少輕輕微酸。.🔸海膽黑松露忌廉汁意粉($145)分數: (8/10)好香黑松露味，加埋忌廉汁掛到每條意粉，重點有pat海膽係上面一齊食，即刻再昇華。.🔸蟹肉咸蛋黃意粉($98)分數: (7.8/10)用鹹蛋黃整，又有真蟹肉，味道非常可口。整得幾乾身，唔會好油膩，食到最尾冇乜油係底。.🔸Caffe Mocha (+$20)分數: (7.6/10)正常發揮既朱古力咖啡。.🔸碟豆花芒果梳打(+$13)分數: (7.5/10)味道清新，特別，甜甜地酸酸地。