Ulyssa by Aldou (已結業)

有事做黎左荔枝角，周圍都係工業大廈，唯有上網搵下有咩好野食。 西餐廳喺正工廠大廈入面，入去環境唔算好大間，但係裝修同設計都幾有心思，主要係花草及木系嘅格調，係工廠大廈入面可以話係別樹一格。 我都忍唔住喺張鳥籠椅度，影咗幾張打卡相🥰。 手打牛肉煙肉芝士漢堡配薯條 $88 一咬個包，好鬆脆！芝麻味好香😋夾住塊牛肉漢堡加芝士，肉質咬落唔會鬆散，肉汁超豐富！！！ 配上清甜嘅番茄生菜，食多個都仲得！‼️好食指數8/10 ‼️推介指數8/10 澳洲草飼肉眼扒8安士 $118 外層煎得幾香口，我叫咗5成熟，內裡肉質紅嫩，唔會鞋口。 牛扒上有燒汁，旁邊有芥末汁，點啲食可以解膩。 ‼️好食指數8/10 ‼️推介指數9/10 🎃南瓜湯 $10 味道唔太濃，但有南瓜甘甜味。濃稠度亦幾好，飲落軟綿綿。‼️好食指數7/10 ‼️推介指數8/10 Green tea Latte $21 有勁多cream，抹茶味夠濃，latte 飲落好滑身。‼️好食指數8/10 ‼️推介指數8/10 紅棗杞子洛神花茶 $24 飲落幾清甜，酸酸甜甜解膩一流！‼️好食指數8/10 ‼️推介指數8/10

星期四，又係我哋成班女同事外出食美食既時候，今日同事㨂咗呢間大家一齊來試下，大家都覺得環境部局有點似曾相識，上openrice搵下資料原來我哋之係來過，而同坐喺同一個位置。佢前身BONDI結業，或是改頭換面捲土重來。我真係諗太多了⋯⋯南瓜湯唔差，同事話無咩南瓜味既南瓜湯。好特別既餐包，點黑醋橄欖油，油太多完全無法點到黑醋，有點可惜。All Day Breakfast 分量相比其他同事的order豐富好多，只有炒蛋偏咸，哈哈⋯鹽不用錢買的嗎？ 第一次食咁迷你既牛角包，好酥脆，大菇肉厚內裡非常juice，配埋藍梅，燒菠蘿，非常fresh 一個價錢可以品嚐咁都唔同既食物，非常超值。芒果奶凍，芒果應該用咗當造腰芒，所以非常甜非常香，奶凍聽侍應話係用新鮮牛奶做好滑，但因為完全無咩落糖調味亦因爲咁樣，感覺非常騷，我接受唔到。其他同事就對呢餐飯評價極低。總言之大家都覺得價錢與食材不相符，因為與工廈的品質與價錢差異，本區亦有好幾間價錢相近但好食好多既餐廳。有比較大家當然試得㨂啦！

這間位於荔枝角工廠大廈內的西餐廳，晚餐有兩款套餐，一款就以海鮮為主，另一款就是小食拼盤。四式拼盤有果醋車厘茄、巴馬火腿提子芝士卷、海膽凍豆腐、金沙軟殼蟹，車厘茄酸酸甜甜配上苦澀的火箭菜；巴馬火腿咸咸肉香；豆腐炸得外脆內嫩；軟殼蟹炸得香脆不油膩，表面有淡淡的蛋王香。南瓜湯南瓜味道濃郁但不會太濃稠，正好配上彼得包一起。溫泉蛋卡邦尼意粉意粉表面放上溫泉蛋，自行伴勻在意粉內，意粉軟硬適中，加上蛋漿更滑，忌廉汁比較稀身。低溫慢煮煎三文魚柳配番茄欖角莎莎粉皮慢煮三文魚表皮煎得香脆，三文魚肉裏面帶點刺身色，肉質嫩滑，配上酸酸甜甜的蕃茄他他醬，而粉皮就伴上黑醋汁，味色出奇地夾。最後飲返杯熱玫瑰黃金桂，十分滿足的一餐。

喺Facebook 見到有甜品放題，老公即刻叫book 位。星期日系休息，所以就book咗星期二去吃。嗰日去唔知系咪冇開冷氣，有風扇，但都覺有少少熱，環境都ok。待應就得两三個，忙起上來真系顧及唔到。南瓜湯，冇咩特別老公叫嘅香燒猪柳烟肉，烟肉包住猪柳，味道唔錯我就叫咗個蝦肉露荀香蒜忌廉意粉重頭戲來了，吃甜品🍮一轉只限叫5件，講真48蚊吃一轉都已經值回票價了。除咗朱古力慕絲、窩夫、草莓撻冇試，紅桑子焦糖芝士蛋糕賣完之外都試了。檸檬撻叫咗两次，味道清新，唔漏。芝士蛋糕我覺得一般。brownie 都好吃。tiramisu 第二轉錯單又上咗一次，我地两個都唔...最后唔浪費都系吃了，但真系漏。最後一轉三件都系酸字派😂右邊不是草莓撻，系紅桑子，老公覺得酸，我就可以接受，最後吃d酸酸地其實幾清膩。蛋白熱情果嘅味道我個人覺得怪怪地。總結:主菜都值得試下，唔怕肥可以加個甜品放題