Yadllie Plate 야들리애플래이트 (兆萬中心)

Yadllie Plate係我同朋友食飯嘅首選餐廳之一。今次又去到Yadllie Plate食午餐啦，原來佢lunchtime有discount！驚喜二重奏 $258今次唔想食咁多雞，但朋友又想試吓，所以我哋就叫做驚喜二重奏，裏面有四件炸雞同埋牛扒。炸雞係原味，牛扒送上嚟嘅時候大概半熟，我哋可以根據返自己嘅喜好煎下塊牛扒，自己決定熟度，唔錯！八爪魚煎餅 $128我係韓式煎餅愛好者，所以每次都會叫煎餅食！八爪魚煎餅外面脆卜卜，裏面軟熟，而且啖啖都食到章魚粒，口感豐富。紫菜手抓飯 $88朋友話想食紫菜手抓飯，我都未食過，所以就諗住叫一個試試，估唔到勁好味！呢個紫菜手抓飯可以自己撈勻啲食材，再搓做一粒波，食得又玩得。佢嘅味道都好啱我哋胃口，又淡淡嘅麻油香同埋紫菜香，食到唔停口。卡邦尼年糕 $108卡邦尼年糕都係我必叫！佢哋嘅年糕醬汁同味道超濃郁，牛奶味勁香！裏面仲有一啲魚糕、獅子狗等等。暮色百香 $128呢個係一jar百香果加橙嘅飲品，兩個人飲啱啱好，非常消暑解渴。

呢間大熱韓式烤雞店我食過幾次，今次又再度到訪啦！特種部隊鍋 $198特種部隊鍋超大份，裡面有菜、年糕、午餐肉、豆腐等等，配料勁多。面頭有芝士，煮耐咗等芝士熔咗之後會有拉絲效果，湯底都更香濃。另外配有辛拉麵，可以隨時加入去煮！半半炸雞 $208半半炸雞可以揀兩款口味，我地揀咗大邱辣醬同埋蜜味乳酪粉。大邱辣醬我之前已經試過，覺得好有韓國正宗辣嘅味道，所以今次再encore！蜜味乳酪粉甜甜地但唔會好漏！卡邦尼年糕 $108呢個卡邦尼年糕大推！佢非常creamy，但唔會好油，而且奶香味好重，超好味！就算我已經食到好飽，依然好想係咁食佢地嘅卡邦尼年糕⋯八爪魚煎餅 $128八爪魚煎餅外脆內軟，食落會有八爪魚粒，煙煙韌韌，口感不錯！蜜瓜沙冰 $68蜜瓜沙冰係我每次都會叫嘅飲品，佢好香蜜瓜味好好飲，建議大家試試！

之前去過呢間幾次因為太多人排隊而摸門釘，直至呢排又醒起呢間一直好想食既炸雞餐廳，終於比我入到座喇！一於嗌晒我想食既野先！入座時間尚早，但明顯已經見到坐滿唔少人，所以要食呢間真係要提早BOOK定位呀～韓國年糕黎講，最鍾意就係卡邦尼年糕！所以去親韓國餐廳都會嗌，呢間卡邦尼汁食落去奶油味好重，年糕口感煙韌，配奶油味略甜，配有椰菜、豆卜同紫菜粉絲卷，粉絲卷幾好食，建議多人食嗌會比較好，個汁容易令人飽同膩～食韓國食炸雞是常識吧！呢間性價比相當高，因為有半半炸雞呢個option，可以一次食兩款口味，而且有得揀埋要炸雞定烤雞，岩晒唔同人口味！我地就揀左蜜味芝士粉＋首爾醬油，拼盤每種口味各有一隻雞脾同2隻雞翼，中間仲有泡菜同蘿蔔，炸雞下面仲有薯條，真係勁抵食！岩岩炸起真係熱辣辣會燙親手，要小心呀～餐廳會附送手套同棄置筒比食客，貼心程度又再加分！蜜味芝士粉，香口芝士味，食落又唔會好乾，反而雞肉好嫩身，佢味道唔會好濃但又唔會冇味，本人覺得唔錯。首爾醬油，比較鴻潤口感既炸雞，醬油香濃不辣，帶少少甜味，呢款醬令炸雞更加昇華，有一食想再食既衝動！將燒腩同菠蘿串埋一齊，賣相夠晒吸睛，配上甜酸醬汁，燒腩食落去煙韌有

2個人叫咗三樣嘢加2杯野飲，不過每一樣野都覺得幾好食同埋都好足料，特別是係個冰，睇圖應該都可以見到有好多士多啤梨而令到我覺得最好嘅係唔會因為想賺多啲想整多d野搞到每一個人都坐得好迫，平時我哋喺其他餐廳如果有四個位嘅話，坐得好少少嘅餐廳最多都只不過係會將兩張枱分開少少， 但呢間餐廳佢係會比六人枱比兩pair人，而係中間嗰張枱就會擺個小屏風，咁大家都唔會見到隔離對方嘅面，講嘢都唔使特登就住細聲啲，呢個安排真係令我覺得好好，因為係香港太少見到(除非係高級餐廳)嘢飲就建議大家唔好叫檸檬茶嗰啲，因為真係平時放題喺雪櫃嗰度見到嗰啲好細樽嘅韓國牌子檸檬茶，計返上嚟唔太抵飲另外眼見收工時間都好多人, 建議大家要book定位先, 如果唔係就有排等

突然想食炸雞，另一間G字頭試過，所以試下呢間。入到去個裝潢都幾令，空間感夠大。叫左3樣野蜜糖味 同 乳酪味 炸雞 $158本來仲好期待，但到左發現佢就咁灑粉，原來唔係搽d醬上去😭食落麻麻地 因為佢係粉黎，食到個口好乾好口渴，順便成章叫左杯野飲，幾好味，但唔記得叫咩名😂魚糕 $178呢個好正路 不過兩個人 食正勁滯Carbonara年糕 $78最好食係呢個😂😂😂埋單大約$500佢d野都算正路，裝潢又靚，大敗筆係個炸雞，就咁灑粉上去，食到好乾。