Cafe Paradise (已結業)

個日因為係深水埗搵唔到野好食，條街食野既鋪頭無乜，就算有都好似伏伏地，我地又攰又餓，行下行下就行到去太子，見到呢間野都算正路，所以就迮迮侖入左去食。 入去之前佢話每人最低消費 連加一 $100起初 聽到 有最低消費都驚伏伏地但真係太肚餓 所以照入去食。 佢個野飲menu又幾得意我地叫左個餐（湯 野飲 主菜 甜品）百零蚊 再散叫左個意粉（$60幾），其實都$2xx 過左最低消費，所以都ok既。南瓜忌廉餐湯， 幾好飲。佢唔係正宗既味，但我反而鍾意呢d罐頭味😂個卡邦尼好食呀其他掛住食無影到，但個甜品麻麻地D員工服務態度真係幾好笑容又有，講野又nice，食梗仲會走黎問洗唔洗要芝士粉。有d懷疑員工有股份😂

星期五晚約了老公放工後出旺角行街兼食飯，行了一陣便去揾地方食飯，不過老公話帶我去一個地方食，原來他一早已book左一間餐廳食飯，去到餐廳門口已看到很多人在等位，但最吸引我的目光不是這些人群，而是餐廳櫥窗的旋轉木馬裝飾和聖誕裝飾，未到聖誕已感到很濃既聖誕氣氛，幸好我們有book位，去到便可進入餐廳，餐廳裡一樣佈置得好有聖誕feel, 地方雖然不大，但都坐得幾舒服。Menu 設計得好有心意，我們在看Menu不久，有位侍應行埋黎細心地為我們講解Menu上既餐，如果散叫加錢都可以轉為餐。我們分別點了香脆豬手配燒汁和卡邦尼意粉，之後侍應便送來是日餐湯和田園沙律。 是日餐湯係粟米忌廉湯，湯裡有很多粟米，湯不會太"杰"太稀，很香滑； 沙律既菜很新鮮； 香脆豬手好大隻，仲有配薯角，豬手皮烤得脆卜卜，肉質幼嫩，皮與肉之間有d脂肪，感覺很有骨膠原，但食落很有口感，不覺得肥膩，配埋燒汁簡直一流，值得再試； 卡邦尼意粉既汁很濃忌廉味，意粉口感恰到好處，煙煙韌韌，好好味； 甜品係朱古力慕絲蛋糕，朱古力味濃而不苦又不太甜，細細件岩晒女士們； 餐飲加錢可轉特飲或花茶。

今日到女神同我食生日飯喇，唔係講笑，好彩有book位，因為book左枱都要等一等見到有一對情侶walk in, 因為full booking, 所以見佢哋懷着失望嘅眼神離開🙈女神話呢間cafe嘅豬手好多人話好味，所以決定要試試佢我同女神每人叫左一個set 開心share ，當然女神係要叫豬手，而我就想試試佢嘅卡邦尼意粉豬手果然係名不虛傳喎個皮夠薄夠脆，咬落去D肥膏好有啖啖骨膠原嘅感覺，唔覺得好肥膩喎。其實我個碟卡邦尼意粉都不比豬手遜色㗎，濃杰度適中，芝士味剛好，值得推介另外個南瓜湯都想讃一讃，雖然冇其他配料，不過好似打容左D南瓜咁，杰杰地，正待應生仲好好服務吖，餐前介紹menu之餘，仲好細心咁幫我地換碟，笑容可掬雖然個場爆掤，人手緊張，但佢地都好好服務態度環境呢就坐位有限，所以要book枱，不過個氣氛同裝飾真係好適合情侶來撐枱腳而且算扺食，呢個價錢又係太子區，值得再幫襯PS: 女神讚個杯拖肥鮮奶好味

好幾次想來這間餐廳吃飯，這次男友終於訂到位了。 我點了一個卡邦尼dinner set，有餐湯、沙律、主菜、餐飲和加$28轉甜品。 而男友則因應我的口味，點了紅菜頭忌廉帶子意大利飯一上到來，超吸睛的，帶子煎到剛剛好，義大利飯加上紅菜頭汁，感覺很fresh，比起卡邦尼的濃郁，我更喜愛這個飯，可惜份量少了一點。 整體而言，每晚高朋滿座是有原因的，雖然餐廳食物的選擇不多，可能這反而是保持食物水準的關鍵

與友人即興約左到太子附近行逛，見有餓啦…剛好行到一個門面漂亮的餐廳，順便openrice下，發現依間Cafe Paradise 咁多like ，便試試看，可是剛好滿座，等左不足5-8分鐘，便可入座。我們分別點了All Day Breakfast 同埋 卡邦尼意粉。All Day Breakfast有唔同的分量 ，88蚊的Energy已經足夠一個女孩子食啦～，而且有小妹最愛薯餅2塊，而卡邦尼意粉比預期多汁，Yummy 個人覺得，雖然食物美味、環境好，但座位有限，如果遇上人多，進食時間應唔長。☺

同班姊妹去食dinner就緊係想食好嘢之餘可以開心傾八掛XD今次去左太子呢間cafe，氣氛吾錯，雖然地方吾算好大但一入到去都見到幾好多人係四五人黎食～首先我地就當然一人一樣happy share啦～前菜就叫左個香煎墨魚餅，呢個餅同我地平時食個D有d吾同，小左粉味同多左幾分煙un！飲品真係意想不到！野莓沙冰...個量真係超過普通餐廳，我直頭要企身咬啖先繼續飲（因為我身短XD），不過酸酸甜甜真係好開胃，可能因為新鮮打出黎會無平日加左糖水嘅沙冰咁甜，但健康D都好嘅～我主食叫左卡邦利意粉，芝士味濃！醬汁嘅稠密度適中～我好怕食D傑到漿住嘅意粉，仲有D火腿，對得住個價錢！呢個係另一個姊妹叫嘅豬手，食左真係忍吾住要寫埋佢！因為佢個外皮脆卜卜！同其他炆個豬手吾一樣！好香口～又吾咸...真心覺得黎呢到要必點！

放假經過太子界限街,被它獨特的店舖裝修吸引住,原來是新開的Cafe Shop,抱著試新野的心態便選擇了呢間。因為時間尚早唔使等好耐就有位。店員態度友善,我和朋友order左個凱撒沙律、卡幫尼意粉和吞拿魚長通粉,Hazelnut Latte X2餐湯係甘箏忌廉湯,味道好香滑,唔錯!!卡幫尼意粉味道香濃,意粉煮得恰到好處,不會太硬或太軟,煙肉份量多,雜菌好新鮮爽口吞拿魚長通粉配搭也很正,唔使淨係得意粉揀,長通粉賣相亦很吸引,食落甘香,可能因為吞拿魚所以食到最係覺得有d油膩,但都好好味Hazelnut Latte,一個字:贊,從店員口中得知該店老闆對咖啡有很高的要求,所以喜歡飲咖啡的一定會有驚喜的!(超推薦)整体來說,食物水準高,新鮮、真材實料,值得推薦和再光顧的Cafe shop 

同友人一齊嚟剛開業幾天的Paradise cafe ,門口貼住試業中，見佢店舖雖然細，但裝修都算唔錯，尤其佢放左個旋轉木馬擺設響外面，引左好多人留意到！佢都係一般cafe 以意粉,咖啡,全日早餐為主！我今次點了"卡邦尼粉意+馬琪朵咖啡"$75,等一會意粉就上枱，見佢賣相都可以，食落去意粉硬度，卡邦尼汁都做得不錯，但我唔知係佢哋未有經驗定係什麼問題，芝士粉、辣椒仔要自己叫佢先去拿比你都算，水都唔係自動自覺比，食到一半，佢個馬琪朵真係嚇我一跳，個份量同杯係一個好別緻的心型，但細到好似特濃咖啡一樣，其實我都飲過馬琪朵，但唔係咁樣架喎，我今次真係中伏，仲要苦到冇人有！之後當我個朋友食完曬叫賣單，我同我朋友叫左四五次，個個都掛住睇電話冇人理我哋，所有事都係踢一腳郁一下！佢個意粉係可以的，希望個咖啡只係自己叫錯，但你收得人七八十元一個午餐，你要比好少少嘅服務都得掛！