HANDS - Craft Beer & Magic

營業中

休息中

開初睇地圖以為唔近火車站地鐵站，原來地鐵站行去餐廳只係5分鐘左右，火車站10分鐘內🚇Happy hour時段過嚟冇乜人，門口有2張枱可以坐outdoor，適合想呼吸嘅朋友仔🌬餐廳入面有個仿美女與野獸嘅玫瑰花🌹即刻忍唔住打個卡先📸餐牌係用iPad形式展示，有好多食物都係用手工啤做材料🍺職員好詳細介紹有咩特色小食或者飲品🧑🏻‍🍳我哋最後嗌咗3樣嘢食～薯條叔叔配腐乳醬、腸粉醬、燒鵝醬，份量適中，重點係三款醬料，個人喜愛腸粉醬，其次係燒鵝醬，腐乳醬就唔係好啱我口味😂第二樣嘢食叫咗即炸鮮薯片配手製他他醬，個薯片係好啱送酒，仲要真薯仔薄切🥔第三樣嗌咗酒池肉林，係職員極度推介，冇記錯佢話個醬用少爺啤做😂食落係有啲似肉醬肉丸嗰種～飲品嗰頁其實我睇到一頭霧水，唯有同職員講我鍾意飲咩口味，等佢介紹🤪我嗰杯係青檸蝶豆花蜂蜜酒，好清甜，唔會好酸同好重酒味，啱哂我呢啲又怕苦又怕酸嘅人😇最後埋單2個人5百幾👍🏻

之前睇openrice介紹見到有間裝修好靚既餐廳，位於太子大南街一帶，今日心思思想同老公過去食，順便chill下🤤一入去發現餐廳裝修好靚，滿有特色😍入到去店員好細心介紹食物，食物好多都係fusion 菜式，款式新穎，集有中西文化合璧，而且唔少食物都混合左酒釀製，勁吸引😍店員喺介紹完食物之後會因應客人嘅需要，推介不同類別嘅酒或者飲品比客人👍🏻好特別嘅服務🎈招牌麻婆𝙼𝚊𝚌& 𝙲𝚑𝚎𝚎𝚜𝚎($𝟷𝟹𝟾)身為一個芝士我控見到呢一個菜式完全招架唔住🤤聽店員講係用咗麻婆豆腐再拼合芝士通心粉去炮製，我本身都好喜歡麻婆豆腐，將呢兩樣嘢拼合埋一齊過未到原來係勁好食！麻婆豆腐有麻辣味，再加上芝士通心粉，完全毫無違和感😍上枱嘅時候，店員仲有細心提我哋小心個鍋會好熱，真心唔錯！🎈醉喵雞翼（$68）呢個醉雞翼味道好濃烈，好香酒味，而且夠凍，喺呢個熱辣辣嘅夏天成真係啱晒🎈即炸鮮薯片配手製他他醬（$98）他他醬係店家人手配製，味道突出獨特，而薯片係真係用薯仔製成薯片，即叫即炸，再配以少量黑椒粒，味道好突出，薯片加他他醬味道好match 😍餐廳嘅手工啤，同埋唔同嘅酒類選擇好多！仍然會因應客人嘅食物而去介紹唔同嘅酒類配搭

新年流流朋友帶我去食好野，地點係位於太子既HANDS - Craft Beer & Magic，顧名思義，係結合手工啤酒同魔術元素既一間餐廳。一入門口就見到個好靚嘅台，原來呢度會有魔術師駐場表演，疫情前仲有close up魔術表演，一定好有氣氛。除左各式酒類同其他非酒精類飲品，餐牌係iPad度，菜式都幾特別，好多菜式都加咗酒入去整。食物有主菜同意粉，沙律同前菜，漢堡包同全日早餐。價錢都算相宜。酒類繁多，有潮流酒精飲品，手工啤酒（有果香型，酒花甘香型，酸啤型，麥香型），亦有無酒精飲品可以揀。今晚第一次黎，叫左兩份主菜，一份小食同兩杯酒分享。招牌麻婆Mac & Cheese Baked Macaroni and Cheese with Mapo Tofu Sauce $128 另加一呢款菜式好特別，一定要試試先。服務員提醒隻碟好熱，要小心，同埋要趁熱搞渾，如果唔係通粉會沉底。撈完就係咁樣，食落勁多拉絲鹹酸芝士，入面有豆腐粒，味道帶微微麻味，好特別既多重味覺刺激。面頭灑上辣椒同花椒碎，你可以自己隨意撈埋或減辣。兩個人share成碟都唔覺太膩。啤酒慢烤香麻手撕豬肉漢堡 $128 另加一啤酒慢烤

收工一於試新嘢🍻原來HANDS 係魔術加meow主題💛雖然魔術師通常星期五六先喺度, 但係每枱都有魔術玩具, 可以等嘢食玩, 而且staff 好nice 好好傾🤣🍠即炸鮮薯片配手製他他醬($98)估唔到新鮮薯片可以咁好食🥹塊塊都超級薄切, 配搭他他醬又幾正🥬鹽酥夜市杏鮑菇($88)最近努力入素, 驚喜發現bar 居然有素食😍 香口得嚟keep到juicy, 仲要咁大份, 抵食!🥗全日早餐 - 食肉獸加牛油果($158) Menu有好多burger 同意粉等選擇, 不過通常諗唔到食咩都會揀ADB🤣 賣相會唔會太靚🫶 而且多數食材有兩份,方便share🍻本地手工啤欣賞HANDS支持本土供應商🇭🇰 今次試咗Bolo Bao($88)同Darkness ($99), 菠蘿包taste唔到包但係有菠蘿味🤣 Darkness (冇影相🤦🏼‍♀️) 用咗黑加倫子, 飲落似無糖洛神花茶, 好特別!

✨即炸鮮薯片配手製他他醬 💰68 🔅推介🔅💫評分: 8.3/10📝好多塊嘅小食，即叫即炸，熱辣辣，脆卜卜，好簿好脆，食薯片都可以健康啲，食到停唔到🤣，點他他醬令到好似食緊薯條咁💓，另一款薯條有3個特色醬都好吸引✨花椒麻辣雞軟骨💰88 💫評分: 7.8/10📝唔會好油，都幾大碟，雞軟骨，唔會過硬，用花椒調味好特別帶啲麻味，再加少少檸檬汁，送酒一流✨麻婆Mac & Cheese 💰128 💫評分: 7.9/10📝好鍾意食mac & cheese，新鮮滾熱辣送上，加咗中式麻婆豆腐好創新，輕微嘅麻辣，放得耐芝士會痴埋一齊所以要趁熱食！✨花生醬煙肉芝士安格斯牛堡💰138 🔅推介🔅💫評分: 8.4/10📝花生醬burger真係第一次見，花生醬味唔太濃搶咗其他配料嘅味，煙肉口，安格斯漢堡好有牛味，麵包牛油味好香面脆內夠軟熟配埋菜同番茄超豐富啲，唔係想像中咁heavy，側邊嘅沙律菜仲有kale喺入面可以減膩🫶🏻ℍ𝔸ℕ𝔻𝕊 - ℂ𝕣𝕒𝕗𝕥 𝔹𝕖𝕖𝕣 & 𝕄𝕒𝕘𝕚𝕔📍太子大南街27-31號富威閣地下1-2號舖(太子🚇C2出口行2分鐘就到)💫評分: 8/10💬叫咗有款draft beer叫Yardley B