海景咖啡廊

營業中

休息中

巧遇酒店大堂金碧輝煌水池，即聯想起希臘許願池大媽洗腳水，朋友接住諗起魚仔食腳皮！嘩哈哈。酒店上上下下內內外外都冷冷清清，部份餐廳關閉不做生意添呢。抗武肺瘟疫，要減少聚餐要減少聚頭，但朋友係要見架！香港人要生存，香港人要抗爭，加油！圍內餓底 8 男女聚餐，全場都不足 20 位食客。因為大陸武漢肺炎，所以所有杯都要問侍應取嗎？水杯、啤杯、白酒杯，連調味料及餐具都一樣？不停煩住侍應們真係過意唔去，眼見已無休無止走來走去送餐及清理檯面，辛苦晒。餐牌縮得好細好細，應該為控制成本及不想浪費食物。有四款海鮮四款牛部位，雞豬羊各一款，諒解的。甜品都有六款蛋糕仔選擇，要親自選取。自助餐所有食物預先煮好係非常合理，因為大陸武漢肺炎，由全自助晚餐轉為半自助餐，食物種類亦作有限度供應，避免浪費及要控制成本。除甜品飲品要自取外，自助餐改為落單任食坐定定。鮮檸角、鮮茄蓉，生蠔我只需要鮮檸汁已足夠。突然女神既畫面係腦內閃過，不用任何調味，直接入口原汁原味。食蠔無蠔刀？檸檬無包沙布？無檸檬夾？因為武漢肺炎所以減少餐具？還是一向都無提供呢？即開生蠔，餐牌無指明什麼品種。師傅刀工超高，技術水準卓越，開得完美無瑕。隻隻都非

本來預訂了另一間酒店的午市自助餐，但昨晚發現原來之前去過，想試未去過果d，所以臨時轉場，但因為呢個星期係母親節，好多心儀既自助餐都已經滿座，找遍openrice，終於搵到呢間食評唔錯的餐廳，電話中得知今日座位都係挺滿的，只有少量門口位，都照殺，對方聽到有老人家同行，仲話可以安排梳化位俾我地，果然貼心。午市自助餐時段係12:00-14:30，去到現場，發覺環境唔錯，近窗口位仲可以望住維港用膳，認真不俗。講返食物，有我既至愛-生蠔，濃濃的海水味，都幾鹹下，每次可以攞4隻，全程有2位員工分別負責開同清洗，唔洗點排隊。仲有長腳蟹，有時自助餐會拆晒d腳出來俾人逐隻腳夾，呢度係半隻半隻咁，可以防止人地只夾肥蟹腳，剩返瘦蟹腳吧。冷盤仲有螺，蝦，小龍蝦等。魚生方面有三文魚，吞拿魚，八爪魚⋯，不過我無食，只食左三文魚腩壽司，希靈魚壽司，飯如果再細d會更好，可以留多d空間試其他丫嘛，但都值得推薦。熱盤無乜試，大概有燒雞肉腸，咖哩牛肉，燒羊架，燒菠蘿，素春卷，點心，仲有燒味，自選配料的粥麵，值得推薦既係粥，樣樣材料都要d，有蟹腳，雞，鹹豬肉，魚，皮蛋，生菜等，整出來個粥超鮮甜，值得一試，拎住枱面一支好似筷子

上網見到做甘優惠,就決定來食啦,原來依家多左生蠔生蠔都OK好食,好SALTY,應該係D海水味,少食多滋味,食2-3碟都夠啦,我見有D人係甘食生蠔(係不停食喎),會唔會唔係幾好呢,始終生蠔係高危食品,有起事就話人地D野唔乾淨.長腳蟹好正好好食,加D COCKTAIL SAUSE再加D辣椒汁(一流).好多SALAD CHOOSE,汁醬都有好多.生滾粥好綿.冷麵OK啦.日式麵檔,個CURRY SOUP 我幾鐘意食.樓面D服務好好,收野FILL 水都快手,NICE

哈-哈, 經過一輪努力, 今篇是我的第155篇食評了, 近來寫開"食Buffet", 之前兩篇都是寫'大熱門'The Market, 拉上補下係俾:    嚟緊兩篇不如又寫吓'我的至愛Buffet - Cafe on M', 找一找在手機中果然找到些相片, (本來12月及1月都應該有相的, 但偏偏又搵唔到)  Cafe on M 我們來鳥~ 真・開心!   Let's Go, go go go~每次來Cafe on M我都有點期待, 話說Lunch Buffet有生蠔提供的酒店真的不多, 而來這麼多次, 每次的蠔都有番咁上下水準, 之前來吃過的 Tasmania 及 Irish Rock 真是好吃超水準, 以三百元來說, 可謂食得過有餘!  所以近年無論同家人聚餐、請良朋好友飯聚,  我們都幾喜歡訂這兒, 因為叫做水準平均不會失禮.  尤其是我'發辦的', 我都會提議 Lunch Buffet 捨棄Dinner Buffet, 大家年紀唔輕食完要多啲時間消化, 唔好以為我講笑, 因為健康係無價之寶!  後生細仔就梗係當我廢o翕... 長氣鬼睇番啲食物啦, 睇睇今日有咩蠔...食完開胃蠔

十六位親戚來做節沒有長者優惠, 只有小童優惠, 不過HSBC信用卡有八折接近三百元一位的價錢, 由十二點食到三點種類算很多總結來說四種食物已讓我覺得值回票價1. 即開生蠔, 分別來自愛爾蘭(較甜)及澳洲(較咸)2. 燒羊架3. Lasagne, 可惜後來無refill4. Haagen Daz 比利時朱古力雪糕, 可惜完成一桶後無refill13:14有燒豬派, 見廚師們即燒乳豬, 熱辣辣, 每人兩件, 燒得好好食熱葷不是太多選擇, 反而魚生, 沙律不停新鮮供應甜品種類十多款, cupcakes樣子很土, 不敢試其他甜品細細杯, 一試無妨酒店主打的心太軟不夠軟, 較像焗熟的朱古力蛋糕現在很少酒店中午會供應生蠔所以還是會再來吃一個午餐自助餐, 已經飽到第二天了

星期日同到屋企人4個人黎番cafe m 食BUFFET, 訂左梳化位..但比想像中差少少因為佢係半圓型..老人家坐就麻麻地... 不過唔緊要野食好食就ok!!生蠔同長腳蟹都保持水準!!! 好好味道芝士吧比之前黎既時間多左幾款仲有印式咖哩估唔到甘好食!!唔怕食辣既可以試下因為真係幾香.. 正!!甜品都ok keep到.. 希望多番有心太軟,梳乎厘食!!!

想係度食buffet... 一定要訂檯, 但湊巧今日竟然可以即日訂到! 之前都要預早幾日book...仲要可以坐到最近即開生蠔bar的前面, 非常好~~冷盤方面, 當然是重點, 即開生蠔, 青口, 蟹腳, 翡翠螺, 全部都很新鮮生蠔一碟四隻, 即開, 呢期係澳洲蠔, 海水味都算重青口... 我從來都未食過咁飽滿的青口, 見佢未開口以為唔新鮮, 但一撬開, 原來係肥到打唔開! 正!!刺身方面, 有三文魚、吞拿魚、八爪魚... 不太差, 也不是最好沙律方面, 唔算多選擇麵包&cheese,d 麵包都唔錯~熱食方面唔多, 特別推介就係即叫即製意粉, 份量唔多, 岩晒自助餐想淺嚐的人唔需要企係度等or出去拎, 只要帶同檯上的插住的檯號簽, 做好就會有人送上, 貼心的服務即燒乳豬, 每晚只有兩輪, 燒到外皮脆, 但略嫌肥膩, 可skip甜品方面, 選擇都唔算多, 但勝在細細件, 每樣都入得口, 算唔差.總括, 為左即開生蠔, 仲要六點食到十點, 不分時段, 用左coupon, 呢個價錢相對其他buffet, 絕對值得再黎!