大瀛喜日本料理 (已結業)

筆者係一個放題愛好者，但同時又好怕肥，到咁上下就想食翻餐放題，開懷放肆一下，好矛盾今次就來到旺角大瀛喜。點餐紙左上角大個ABCD 分好曬類！好清楚。左上係左口魚群邊壽司，入口即溶，但火炙得唔係。右上係火灸蟹棒壽司，大大條，正！左下係火灸三文魚，同樣地火灸得唔夠，可能星期六人多，太多柯打！右下三文魚魚腩，老實食放題就唔好對食物有太高要求，但呢個係出乎意料的好食，三文魚腩夠曬肥美:-)刺身大路的都可以點。三文魚中上水平。希靈魚不錯，唔腥亦不會太酸。天婦羅左：蟹棒，無沾滿炸粉，一讚。中：大蝦，合格到位。右：甜蕃薯，細細粒，味道甜美炸物芝麻雞翼熱辣辣，正！吉列蠔：能保持蠔味，難得:-)卷物 下：忌廉芝士鰻魚卷：個心有好大嚿芝士，同鰻魚好夾，可惜個汁有點搶味。右：蝦卷，圖都睇到個蝦好大嚿，好脆！甜品泡芺綠茶軟餅好食，皮薄，內裡的綠菜cream 好輕身，唔會令人覺得好濟。飲品好多選擇，罐裝枝裝，就連清熱酷都有！雪糕 雪條要提的係食物大部份都做到細細件 ， one mouthful 。咁樣就可以食多幾款不同的食物，不錯錯！ PS. 七點前離座八折，七點半前八五折。

大瀛喜系本人食過咁多間放題中覺得系最好的一間。食物上菜速度快，極少漏單，數量準確。店員服務態度良好！食物款式多，刺身好新鮮。🐱壽司方面，最好味系黑松露三文魚壽司😋黑松露的味道濃郁配上三文魚的油脂，味道真系一流👍。🐱卷物亦不遜悉。🐱龍蝦湯很重龍蝦味，"浠杰度"亦調校得很好👍。🐱炸蝦天婦羅味道一般🙈。🐱甜品方面，意式奶凍:很重雲尼拿味，本人不太喜歡，不過質地幾好。焦糖燉蛋:燉蛋好滑，不過稍甜，若減輕甜度，味道更佳。木糠布甸:很重雲尼拿味，也是太甜。熱情果桑子餅:酸酸甜甜，各款甜品中味道最好的一款。不會太甜。芒果糯米糍:麵糰質地不錯，"舊"芒果咬落去嘅質地好奇怪，唔同平時果啲芒果。🐱飲品方面有很多不同的選擇，最好飲系樂天嘅蘆薈汁。總括而言，各樣都很出色除了炸物方面稍為遜色一點。是間值得一試的放題。

之前朋友介紹話呢間放題唔錯。所以決定同朋友試下黎gathering。 我地食208 既時段。價錢都acceptable好彩一早book 定左位ja. 一黎到見到超級full, 環境同座位有點擠迫，但都算整齊同乾淨，而且飲品種類也不小。最方便係自助形式。唔理三七二十一，係時候瘋狂叫野食!!! 款式也算很多，最重要係刺身種類也很多，而且分門別類夠整齊。食放題打頭陣既一定係刺身啦!! 刺身好新鮮同肥美，尤其係三文魚夠肥美，生蝦同貝柱都非常不錯，完全突破左放題既水準。但呢間放題最令我滿意不是刺身，而係卷物同壽司，推介大家要試花之戀同埋火燒蟹棒壽司，整體壽司同卷物既水準仲高過出面食壽司，亦都係我食放題以來最好食。炸物種類都唔小，炸得都夠熱夠脆，而比較特別係炸魷魚圈天婦羅，其實似炸鮮魷，但非常唔錯。呢個叫粟一燒。姐係燒粟米，好好味。非常適合粟米愛好者。蒜香牛柳都好正，都值得推介大家試下。最後甜品方面。大家記住必定要試下呢個 冰花燉蛋，冰冰凍凍而且超級滑都好有蛋味。。我自己食左3杯!!整體黎講，呢間放題質素係算超高，一定會encore。

同朋友去旺角睇戲, 本來想係睇戲前去朗豪坊近期熱爆gei Ishiyaki+cafe食個early dinner, 但係我地4點鐘去到想擺飛先都無...全日gei籌已經派哂 真係好誇張~ 估唔到Melody同Kuromi gei吸引力真係咁強横~食唔到Ishiyaki, 唯有轉場, 突然醒起上司提過朗豪坊對面有間日本放題好正, 於是乎就去望下, 睇落價錢都合理, 所以就同朋友黎左呢間大瀛喜一試~坐低望下本落單薄, 有唔少類型同款式呢, 我地一口氣寫左大量刺身, 再每個食品類型一樣一啲試下~刺身係最快到gei, 好澎湃呢 係冰鎮上, 仲有假梅花做襯托, 擺得好靚, D刺身亦都算新鮮, yummy我地叫左一人一件燒羊架, 比想像中大件, 肉質keep到嫰滑, 肉味夠, 孜然香味剛好, 唔會太搶, good good其他類型gei食物都唔錯, 整體品質好, 用200蚊食到呢個質素gei放題, 可以話係物有所值