298 Nikuya Room

營業中

休息中

中環高質燒肉🤩|厚切心形牛舌和牛拼盤🤤|經濟實惠午餐精緻燒肉Omakase任君選擇🥳｜298 Nikuya Room「但見旁人談情何引誘，問到何時葡萄先熟透」相信唔少朋友都非常掛住係日本食燒肉嘅美好時光，今日為大家介紹一間我一直幫襯開嘅「燒肉飯堂」，本身由298尖沙咀分店已經開始幫襯，後來疫情原因得返中環分店，餐廳設於商廈，有卡位同吧枱提供，而且間隔距離亦鬆動，適合情侶或成班朋友相聚。餐廳主打燒肉，但亦彷近日本燒肉餐廳，提供日韓食品配搭，除咗單點之外亦有燒肉Omakase選擇，而且午市亦提供實惠套餐俾想Lunch止一止燒肉癮嘅朋友。由於幫襯太多次，我重點提供幾樣精選比大家參考下。298牛肉他他 4.2/5⭐️牛肉他他賣相吸引，牛肉本身有調味，撈勻生雞蛋洋蔥絲後再吱上檸檬汁，吊出牛肉他他嘅肉味同甜味，唔怕食生牛肉嘅朋友非常推薦。鵝肝多士 4.3/5⭐️依道鵝肝多士會由侍應代為效勞，先稍稍燒脆多士，然後香燒鵝肝，中間再夾多一塊油脂滿溢嘅和牛，邪惡度嚴重爆標，係視覺同味覺嘅多重享受。和牛崩沙腩 4.2/5⭐️崩沙腩嘅色澤較為深色，油脂分佈較少，但係肉味濃郁，而且口感層次滿足，牛肉都經廚師稍稍調味，

前幾個月到了上環的 298 Nikuya Kitchen，不過，上環店比較細，訂位很難。 然後知道中環也開了分店，聽講裝修靚啲，坐得舒服啲，又去試吓。食物質素依然，朋友成餐不停叫好食，同樣的食物，這裡大概比上環店貴15-20%，而且些食物如雞軟骨、雞腎則沒有供應，換來就是更多的牛；也有一個每位＄880的OMAKASE ，不過我比較喜歡散叫，而且平啲。一味厚切牛舌驚為天人如何驚法，有相為証，奇妙之處在就算烤至一百二十成熟，內裡還是十分 juicy。另外一款薄嘅香蔥牛吞，又係一絕。賣點是牛，甚麼牛小排、崩沙腩、西冷、肉眼、前腿、後腿甚麼都有；其他食物，雞呀、黑豚呀都出色，重點是這種貨色，環境與服務，價錢仍然合理。今次發現那個梅子冷素麵都不容錯過，食咗成餐肉，最尾清新一下，真係正。 好想快啲再去。