Lady M

營業中

休息中

Lady M以千層蛋糕而聞名，我喜歡食千層蛋糕都是因為LADY M呢個品牌，縱使佢唔平，我都一直支持，並會品嚐唔同嘅口味。今晚同朋友晚餐後，介紹朋友品嚐一番。LADY M既千層蛋糕真的非常美味。我認為最好味係原味千層蛋糕，蛋糕層次分明，每一層都蓬鬆軟滑，口感極佳。蛋糕的甜度掌握得恰到好處，令人一口接一口。另一件係士多啤梨千層，喺蛋糕面嗰層有士多啤梨肉及果漿，有入口即溶的感覺，賣相好靚，啱哂港女打卡，但偏甜。

以前去親New York做野既時間都會去Lady M度朝聖 佢一係香港開我真係非常開心 因為之前次次經過都要排隊 所以一直都冇機會試 前幾個星期仲係work from home就決定去Lady M搏下喇 閒日下晏去唔洗等好耐就可以入座喇差唔多次次去都係點佢個原味千層蛋糕（試過其他蛋糕 最後都返返原味千層蛋糕既懷抱） 今次都一如以往係食原味千層蛋糕既 食物賣相方面 一如以往咁靚 適合呃like!好喇 講左咁多廢話 到講味道喇！香港店完全做到New York個水準 薄薄既千層皮充滿蛋香 裡面d cream好滑 同埋食得出佢d cream係好新鮮既 蛋糕口感非常細膩 令人食唔停口一路打食評 心裡面已經一路plan緊下一次去食喇😍

其實都唔駛多介紹有關lady M 嘅食評實在多的是黎到沙田新城市 原本以為Lady M 要排好耐隊我地8:30 入座 完全唔駛等位 🤪心諗可能因為自己早 啲人無咁早食甜品 結果行完街返轉頭大概9:45 都無人排叫左個原味千層蛋糕 同埋伯爵茶味千層蛋糕兩款我都好鐘意但一定要揀的話 一定係伯爵茶味 因為佢有淡淡茶香 相對原味嘅cream 味 伯爵茶味無咁漏另外仲叫左壺薑茶 以為內有茶包可以refill 原來係無嘅 $48 都幾貴 不過薑茶配蛋糕都幾好 可以減少膩嘅感覺到返轉頭買takeaway俾媽媽 佢都係揀伯爵的味 媽媽超喜歡的 ❤️ 外賣盒內有個少少的紙托托住 唔會搖散 另外有乾冰在內保持溫度整體黎講 一貫嘅好食不過就真係幾貴

9月好多人生日，買whole cake 太單調，今次買左4件Lady M 千層蛋糕，影相一流💙☝🏽雖然只係4件cake，但都用左個好靚既紙袋裝住，簡潔又高貴，果然係港女最愛阿🍰☝🏽兩件原味千層蛋糕，兩件抹茶千層蛋糕呢兩款味最大眾化，應該係全部人都接受到既口味😋但下次都想試試玫瑰千層蛋糕，比佢上面果層jelly同d乾燥玫瑰花瓣吸引左😛😛☝🏽綠茶千層蛋糕$75綠茶味不算濃郁但也不少，中間既cream好香，不會太甜，但好幼滑！pancake皮非常薄！每一層之間的距離都是一樣，presentation 好好，而且好濃郁既蛋香味，但個人比較喜歡原味，因為cream同pancake皮比較夾，綠茶好似都係適合海綿蛋糕/卷蛋 比較多☝🏽原味千層蛋糕$68都係原味最正宗，味道最匹配粗略數過一共有20幾層，好考手工和耐性的甜品，cream分配得非常平均，所以望住已經好賞心悅目啊😍cream入口即溶，pancake皮有小小厚度，口感豐富！

上次去尖沙咀店，光排隊就用了三十分鐘，還在想如果要再排隊的話，應該是不會再光顧這間了，畢竟試過一次，雖然還算不錯，但沒有令人驚艷到要再排這麽久的時間。想不到時隔不久，經過沙田店竟然完全不用排隊，可能因為當時是午飯時間，所以只有幾檯客人。這麽難得的機會，當然要好好把握，蛋糕當午餐也沒有不可吧之前一直就聽說原味千層蛋糕是最好吃、最熱門的，但上次因為看到限定的玫瑰味，所以只好放棄原味了。這次一試，發現原味果然名不虛傳，細滑的Cream配上帶點煙韌的班戟皮，令人一食愛上！！兩者的味道互相補足，吃到的是正正宗宗千層蛋糕的味道。總結：相比上次的玫瑰味，原味絕對更勝一籌，沒有人工添加的味道，只是簡簡單單、清清淡淡的蛋味更令人回味無窮。

朋友遠從外國回來，我請佢食飯，佢禮尚往來請我食Lady M千層蛋糕。其實沙田分店開幕已有一段時間，亦聽聞不少朋友都讚口不絕，有時經過都會睇見長長人龍。雖然想一試，但超級無耐性既我係唔會等位。今晚將近8點半，真係唔洗等位ORDER完蛋糕就即刻可以入座。埋白講我無咩期望，因為好多時排長龍店慕名多過欣賞食物品質。朋友話佢最近試過玫瑰千層蛋糕，所以今日試原味，我當然照跟，而且第一次食梗係食原味啦。店員好快端上兩碟千層蛋糕，單看外表同其他店舖既千層蛋糕分別不大，不過如果仔細一睇就會發現它的"千層"真係好"千層"。如果你想數吓幾多層，應該數好多次都數唔準，唔似其他千層蛋糕咁十隻手指數得到。當我食第一啖既時候。咦?! 真係幾好食喎。啲CREAM好滑而且啲蛋糕皮唔會好厚，感覺唔膩。呢點好重要，因為我啱啱同朋友食咗餐好飽，如果太多CREAM或太膩，真係會食唔落。不過，如果佢地整得唔好食，賣咁貴就唔值喇。呢個質素係值呢個價錢，不過真係有啲貴。關於千層蛋糕既卡路里就。。。有時都要食吓啲好食既嘢而暫時唔會計較卡路里。