四季芬芳

營業中

休息中

星期五晚冇得訂座就早啲嚟攞位，大約6點9攞2位，女職員先叫我哋入去木櫈2人位。但我哋要求坐梳化嗰邊，佢就要我哋迫去收銀檯同一個女人中間嘅位。但係成排梳化係未有人坐的！算～我哋照坐吧！但係啲女職員成晚不停喺對住個位圍埋大聲吹水，又一路講啲客唔肯坐呢道嗰道是非不斷～勁煩。😠壼茶冇哂茶叫佢哋比過壼，叫咗3次，終於施捨到了！😒😒😒叫埋單就即時埋到～～真係要比👍🏻👍🏻👍🏻講返食物：得個樣，打咭啱哂呀～📸📸📸味道唔難食嘅，不過唔值囉！蟹膏蟹粉撈麵正常，唔難食，係有啲滯～原味小籠包皮厚，冇湯汁～柚子生煎包包勁厚，粒肉係包嘅9份之1，粒肉仔係有柚子味嘅～酸菜魚呢餐中最好，魚爽口湯夠酸有少少辣味炸龜苓膏有新意，幾好味，要沾多啲椰漿～總括：試一次，冇下次😂😂😂

嚟到沙田朋友介紹蛇王芳，個名好熟嘅原來係指四季芬芳，間店舖細細但客人唔少，六點半已經有十幾台客！門口寫明食用時間限時一小時，好似短咗少少，但都入去試試；坐落都舒服，用手機點餐比較方便！點了一個蛇羹湯燕窩和蟹肉炒飯套餐，再加個特別嘅潤腸鹹水角，小籠包和菊花蝦餃等等；之後再加多個黯然銷魂拌麵，柑桔生煎包和花甲菠菜；首先嚟到嘅蛇羹湯燕窩，湯清甜再加少少燕窩，感覺特別潤喉；而蟹肉炒飯雖然色澤就比較淡，但食落都有鮮甜味；而鹹水角賣相真係比較特別，好似一舊炭咁樣！但係食落又唔錯，加埋條潤腸一齊食，別有一番風味！小籠包嘅特色就係浙江醋要自己唧落去，食落都還可以；菊花蝦餃仔啲蝦餃上面有小小菊花，嘅花瓣香味都比較創新！最吸引嘅柑桔生煎包外形成個桔一樣，外脆內軟又多汁，值得推介！銷魂拌麵就不過不失，啲麵質都可以；花甲菠菜有花甲嘅清甜，而菠菜再加上紫菜食落感覺健康同埋潤喉！整體來講菜式好有創新意味，食落味道亦都可口，值得推介！

雖然依家一年四季都可以食蛇 但始終比較補 咁就不如打鐵趁熱 趁住夏天黎之前補一補身😎😎咁啱 又俾我揾到間新派蛇羹店~~💡花膠太史蛇羹($99)🥇蛇羹不愧係該店既招牌菜式 一碗蛇羹入面包含咗豐富既蛇肉 花膠 雞絲 同木耳 入口順滑 每一啖都好有滿足感 而且仲有淡淡既果皮香味 味道不錯 想補身既朋友必試! 💡蛇王芬臘味生炒糯米飯($49)🏮有蛇羹又點少得糯米飯呢 粒粒分明既糯米飯一d都唔黏口 加上適量既臘腸 潤腸 同花生 食落十分惹味而又唔覺油膩 💡招牌雙色蟹膏撈麵($139)🦀🍜極邪惡既香濃雙色蟹膏撈麵 配搭住蟹子 溫泉蛋 青蔥 撈勻後食落一d腥味都無 可見蟹膏用料新鮮 要注意既係 👩🏻‍🤝‍👩🏼兩人食既話份量會比較多 食完會比較膩~ 💡灌雞湯百花丸($69)🍡🍢外形獨特既百花丸唔好睇佢奇奇怪怪 其實內含超多蝦膠 咬落十分彈牙 紅醋針筒設計十分有心思 “擳”入百花丸入面既雞湯令味道更上一層樓⬆️ 💡原味小籠包($29)🥢同樣有紅醋針筒方便客人將醋加入小籠包湯汁入面 但小籠包皮比較厚身 都可以話做到包住小籠包湯汁(?)

舊公司係沙田，以前四季芬芳剛開張嘅時候都好想試，礙於疫情關係唔敢出街堂食，到轉咗工之後都冇乜機會去沙田，今次藉住幾舊同事食飯就揀咗間以前大家想食但又未試過嘅餐廳。餐廳裝修新潮得嚟又保留到傳統嘅元素，透空嘅中式屏風既可提高食客私隱又可增加空間感，花紋地板同天花令餐廳色彩豐富，裝潢充滿心思。餐牌選擇好多，小菜、蛇羹、老火湯、麵食、點心等應有盡有。見到隔離枱個個碗麵都大大碗我好想試，但朋友細食驚兩條友會食剩浪費就叫咗點心算。子薑糖心皮蛋個子薑皮蛋好鬼馬，睇樣以為紅色果啲係子薑，其實佢係紅椒，白色果啲先係子薑。用匙羹裝住直接拎起放入口就得，唔使驚用筷子夾會夾爛。醋味子薑味甜酸程度剛剛好，無蓋過流心蛋黃嘅香味。啫啫雙腸芥蘭煲潤腸食極都有懷疑廚師落咗成條，潤腸、臘腸肥瘦適中，芥蘭炒雙腸果然係最夾。紅油抄手抄手大大粒材料十足，皮薄餡靚，醬汁有少少辣，好啱食唔到太辣嘅我。原味小籠包小籠包味道唔錯，可惜外皮偏厚咗少少。潤腸糯米燒賣以前係北京好容易食到燒「麥」，係香港就唔係好多地方有。呢個燒賣就同北京食到嘅燒麥好相似，都係包住糯米飯。有潤腸嘅燒賣我都係第一次食，燒賣皮簿到可以見到內餡，用筷子夾起粒燒賣時內

之前睇開電視,介紹由蛇王芬傳承人開嘅呢間,好似好吸引咁,於是同早前約定女友人WK喺9-12-2022 (Fi)食既飯,提議食呢間特色點心,佢睇完食評都話好吸引,就決定嚟呢間.由於佢仍然行動不便,所以我打電話嚟book位,點知星期五至日都冇得book位.我哋嚟到時啱啱遇著人多要等,好彩等大約8分鐘就有位,呢喥限時食一個鐘,我哋睇完menu,冇WK上網睇到嘅嘢食,而套餐只係蛇羹套餐冇點心套餐,於是我哋散叫,要咗:1. $109.00嘅蟹粉豆腐呢個用鐵鍋上,顏色好夠,食落,蟹粉味道唔濃,豆腐滑同夠味.味道:2分4. $89.00嘅金香脆米叉燒賣相幾靚,WK夾第一舊食,睇清楚,話8成係肥膏,唔係呀?咁恐怖?我夾第二件食,係有肥膏,不過我嗰件唔算太多,但佢嘅口感爽嗰隻,而瘦嗰啲口感就唔差,有彈性,唔嚡口,味道就只有甜,甜到漏,唔覺燒過,莫講話燶邊,就連香都唔香.味道:2分5. $99.00嘅三色小籠包有麻辣,原味同黑松露味.我哋依呢個次序食,因為張枱冇乜位,唔方便調動.麻辣:橙色嘅皮有少少辣味,而餡就辣啲,不過都唔係好辣,但冇麻嘅感覺.味道:2分原味:正正常常,鹹淡適中.味道:3分黑松露:食到個

今日同朋友喺沙田行完山 跟住就去咗新城市廣場搵嘢食見到一間中式設計並以紅色同藍色為主調嘅飯店🔴🔵細看原來係蛇王芬副線 感覺份外新潮😎.🌟蛇王芬特色蛇羹套餐 ($139){花膠太史蛇羹+生炒臘味糯米飯}蛇羹上面鋪滿花膠 仲有木耳、蛇肉絲、冬菇絲🐍每一口都食到絲絲材料 份量十足而且仲分開配上薄脆、檸檬絲同生菜絲一齊品嚐😛生炒糯米飯軟硬適中 香而不油膩再加埋啲臘味粒同花生粒🥜更加惹味雖然睇落細細盅 但係份量一啲都唔細食完蛇羹同糯米飯覺得全身都暖晒🥰 冬天必食👍🏻.🌟雙重黯然銷魂煲仔丼 ($79)呢個係一個炒飯底嘅煲仔飯 中間仲有隻窩蛋🍳重點係我至愛嘅半肥瘦叉燒叉燒表面用蜜糖包住🍯 仲有兩塊腩肉 煮得非常入味煮得又軟又淋 仲好大煲 非常抵食.🌟原味小籠包 ($29)一籠有兩隻小籠包 皮薄多汁🤤而且每隻小籠包都插咗一支裝有浙醋嘅膠管方便食用又精美☺️.🌟蛇王芬臘腸卷 ($49)臘腸卷係懷舊點心 依家酒樓都好少有得賣呢度特別用咗紅色嘅包皮包住臘腸 賣相吸引又新穎❣️臘腸肥瘦適中 蒸完之後啲油香吸晒落包皮非常美味😋.🌟蛇王芬潤腸鹹水角 ($39)鹹水角嘅餡料加入左潤腸炸得外脆內軟 咬

蛇王芬呢個老字號都好出名啦！但係一直冇試過，原來佢地仲拎左米芝蓮，冇理由唔黎朝聖下🐍蛇王芬特色套餐$139 （花膠太史蛇羹、蛇王芬臘味生炒糯米飯）就黎又到冬天，緊係要食番碗蛇羹。一場黎點都要試佢地個招牌菜。揀左套餐，包左蛇羹同糯米飯，兩樣都係暖身暖胃嘅野食，咁就成個冬天都暖笠笠😚蛇羹非常足料，味道鮮美，質地較杰，配有蛋散同蔥絲，色香味俱全👍🏻👍🏻推介糯米飯粒粒分明，份量較細，約為一碗白飯size，口感軟糯🐍花雕醉雞🐓$89花雕酒味濃，醃到啲雞好重酒香味，醉雞完全冇骨，可以啖啖肉咁食，肉質有少少似海南雞，嫩滑🐍原味小籠包🥟$29除左小菜仲有點心可以揀，都係比較有特色嘅食物，走一啲特色路線。啲醋好似打針咁俾你自己打入小籠包🤣食果陣唔會流晒出黎🐍咸柑桔生煎包🍊 $39生煎包好啱叫黎打卡🤣外型好似兩隻桔仔，但係絕對冇咸柑桔味，都幾大個，口感油左少少🐍蛇王芬潤腸鹹水角$39鹹水角外型全黑，幾特別😯炸得幾酥脆，而且入面軟綿綿，夾埋潤腸食咸咸香香🐍子姜麵醬魚腩煲🍲 $109魚腩份量好多，魚肉厚肉而且煎得香脆，但食果陣要小心，都比較多骨。麵醬濃郁而不膩🐍鴨屎香水檸檬茶🍋 $28睇到個名已經好好奇個味🤓

香港呢兩日涼左好多，尋日仲驟降到17度，朋友約我到沙田新城市廣場食晚餐，聽個名完全估唔到係食蛇，好似幾配個天氣咁。黎到餐廳，佢地門口好sharp醒坐低即刻睇下有咩食先一邊歎住茶、一邊等食物上茶好飲，一讚👍🏻👍🏻叫了個特色蛇羹套餐：生炒臘味糯米飯 + 太史蛇羹生炒臘味糯米飯好煙韌配埋花膠太史蛇羹，食落成個胃都暖哂，都好足料。叫了原味小籠包，醋加得好有特色，插左個小籠包度。灌烏雞湯百花丸未食過呢個，紅彤彤都好有特色雙重黯然銷魂煲仔丼，聽個名都勁有氣勢😂食落都真係幾正😋家鄉雜菜煲balance下今晚的肉食😆梅菜和牛酥餅都係頂呱呱👍🏻👍🏻另外，因為好耐無飲薏米水，今餐都叫了杯，東南亞feel 多d😆 總體而言，四季芬芳都係食過想再食既餐廳👍🏻👍🏻

餐廳主打特色中菜，熱盤、湯品、點心等都有，仲同蛇王芬crossover。裝修感覺好華麗，好多打卡牆身，走懷舊風。座位闊落，坐得舒服。晚市7點左右到，已經超級多人。招牌雙色蟹膏撈麵($139)，果然招牌，超好食，必點。首先，送上枱個陣用好大個碗裝，已經聞到蟹香味。蟹殼入面既蟹膏，超濃味，充滿鮮蟹味，唔知點解覺得有陣紫菜味添。如果驚單食膩，可以拌麵食。蟹肉、蟹黃、蟹籽量十足，加埋流心蛋，令每條麵都沾滿配料。份量多到一定要share食。蛇王芬特色套餐($139)，叫set就可以一次過試哂2款招牌，抵。花膠太史蛇羹超多料，啖啖都係配料，個羹完全唔會一patpat。另外仲有配料自己加，例如脆片，增加口感。蛇王芬臘味生炒糯米飯，糯米飯超香臘味味道，粒粒都油光發亮，軟糯。而且足料，有臘腸粒、肝粒、花生等，好香口，小小一碗，但其實食完好飽肚。啫啫雙腸芥蘭煲($89)，同樣利用鴨肝、臘腸炒香，令芥蘭帶燒臘味。而且沙煲keep到熱力，幾時食都夠暖。芥蘭爽脆，臘腸厚切添。蘿蔔絲酥餅($39)，酥餅外型紋理一條條咁，好特別。咬開超脆，見到滿滿蘿蔔絲餡。蘿蔔甜，而且軟，炸完都唔會覺得膩。新菜式唔錯。原味小籠包(

餐廳喺馬莎對面，裝修色彩繽紛，每次經過都有唔少人，一試真係幾啱口味，價錢喺大商場嚟講好合理，份量又夠。香辣半筋半肉湯麵（$89），湯底夠特別，係藥膳味😋😋，牛筋牛肉都幾多，啲肉煮到好淋，如果麵質硬返少少就perfect。雙重黯然銷魂煲仔拌麵（$79），黯然銷魂飯就食過，夾麵食就第一次。麵條幾彈牙，叉燒唔柴，撈埋啲甜豉油、糖心蛋都唔錯。花膠太史蛇羹（$99），份量係一個飯碗嘅份量，但2個人食都ok，因為材料好多。有冬菇、雞絲、木耳、花膠等等材料，加上薄脆、生菜絲口感更豐富，加上檸檬絲更加香氣倍增。香脆蘿蔔絲酥餅（$39），食落熱辣辣，面層好酥脆，價錢唔平，當過過口癮，不過真係好食👍🏻👍🏻原味小籠包（$29），面頭有枝小吸管裝住啲醋，可以自己慢慢加。小籠包有唔少湯汁，皮薄餡靚。椰奶炸龜苓膏（$49），呢款係甜品嚟，口感同味道都有少少似年糕，不過唔同嘅係呢款會苦苦地，加埋啲薄荷汁食幾得意。飲品方面原先想試鴨屎香檸檬茶，但因為賣晒所以唯有轉飲奶茶同水果茶。質素都ok，正常水準，不過好抵飲，份量超多，有成1000ml😆，可以2個人share一杯都得。